Te Wharekura
Te Wharekura
Kei tēnei whārangi ko ngā kohinga pukapuka o Te Wharekura, he pūrākau kei roto e taea ai te pānui e ngā ākonga Tau 11, 12 me 13. He aratohu mā te kaiako hoki mō ētahi o ngā pukapuka nei.
- Te Wharekura 1 - 10
- Te Wharekura 11 - 20
- Te Wharekura 21 - 30
- Te Wharekura 31 - 40
- Te Wharekura 41 - 50
- Te Wharekura 51 - 60
- Te Wharekura 61 - 70
- Te Wharekura 71 - 80
- Te Wharekura 81 - 90
- Te Wharekura 91 - 93 + Special Editions
Te Wharekura 1 - 10
Te Wharekura 1
He kohinga kōrero tēnei mō Tāwhaki me ētahi o āna mahi. Kei te noho a Tāwhaki me tōna whānau i tētahi tāone i te tuawhenua i roto i ngā tau toru tekau o tērā rautau.
1 of 10
Te Wharekura 2
He kohinga kōrero pūrākau o neherā. Nā ētahi iwi o Te Ika-Nui-a-Māui ēnei kōrero pūrākau. Nō neherā rawa atu te nuinga o ngā kōrero pēnei i ngā kōrero mō Māui, mō Ponga rāua ko Puhihuia, me Rona.
2 of 10Te Wharekura 3
He kohinga kōrero pūrākau tēnei. Nō neherā rawa atu te katoa o ngā pūrākau rongonui nei. E mōhiotia whānuitia ana ngā kōrero nei e ngā iwi maha o Aotearoa.
3 of 10Te Wharekura 4
Mai i te wā i mua o te hekenga ki Aotearoa, me te wā o te hekenga mai, ētahi o ngā kōrero nei. Ko ētahi anō e pā ana ki te noho i Aotearoa nei i muri i te hekenga mai o ngā waka. Ko ngā kōrero whakamutunga e toru nō te Waipounamau, nō Ngāi Tahu.
4 of 10Te Wharekura 5
Nō ngā tōpito e whā o te motu ngā kōrero pūrākau nei. Ko te nuinga e pā ana ki ngā āhua o te noho ki tēnei whenua i tērā rautau. He kōrero paki ētahi, he kōrero whakatūpato ētahi. Ko ētahi atu he kōrero whakakata.
5 of 10Te Wharekura 6
Kei roto i tēnei he kohinga kōrero pūrākau. Ko te nuinga i tuhia e Kāterina Mataira, ā, e whakamārama ana i ngā āhuatanga o te noho hei Māori i roto i te rautau kua pahure atu nei.
6 of 10Te Wharekura 7
He kohinga ruri tēnei nā Kāterina Mataira. Ko ngā kaupapa e pā ana ki ngā āhuatanga o te noho tahi i te whenua o aua wā.
7 of 10Te Wharekura 8
Nā Te Aupōuri ngā kōrero e whā kei roto. Ko tētahi he kōrero mō Te Houtāewa, he toa rongonui o neherā o Te Aupōuri. Ko ērā atu he kōrero mō te haere ki tāwāhi.
8 of 10Te Wharekura 9
Ko ngā kōrero i roto i te putanga nei o Te Wharekura e pā ana ki ngā haerenga o Tīmoti Kāretu i a ia e mahi ana hei āpiha whakamōhiohio mō te Kāwanatanga o Aotearoa.
9 of 10Te Wharekura 10
He tuhinga whakaari tēnei putanga o Te Wharekura mō ngā kaupapa whānui o taua wā.
10 of 10
Te Wharekura 11 - 20
Te Wharekura 11
He tuhinga whiti, rotarota rānei te nuinga o ngā kōrero. Ko ētahi o ngā kaupapa e pā ana ki ngā tamariki a Tane, ki ngā kai Māori me ētahi atu kaupapa o taua wā.
1 of 10Te Wharekura 12
Ko ngā kōrero nei e pā ana ki te Rōpū o te Rangatahi i tīmata i te Kāreti o Te Aute i ngā tau tīmatanga o tērā rautau. Nā tā Apirana Ngata rātou ko tā Te Rangihīroa me ētahi atu taua rōpū i whakatū.
2 of 10Te Wharekura 13
Ko te kōrero o tēnei putanga o Te Wharekura e pā ana ki te haerenga o Kīnga Ihaka mā ki Hawai'i, ki Kānata, ki Amerika hoki.
3 of 10Te Wharekura 14
Ko ngā kōrero o roto mō Te Moana-nui-a-Kiwa Ngārimu o Ngāti Porou me tana whiwhi ki te Rīpeka a Kuini Wikitōria. Kei roto hoki he tuhinga nā ētahi tamariki i toa ki ngā whakataetae kōrero mō te tau 1966.
4 of 10Te Wharekura 15
Ko ētahi o ēnei kohinga kōrero, he kōrero paki, he kōrero pūrakau, he kōrero whakakatakata rānei. Ko ngā kaupapa whānui tonu te aronga o ngā kōrero.
5 of 10Te Wharekura 16
Ko ngā kōrero i roto i te pukapuka nei mō ngā mahi a Hoani Wiremu Hīpango o Te Āti-hau-nui-a-Pāpārangi me ana haerenga ki tawāhi.
6 of 10Te Wharekura 17
Ko te nuinga o ngā kōrero e pā ana ki ētahi āhuatanga o ngā tamariki e noho ana i te tuawhenua. Ko tērā atu kōrero he kōrero mō Tamahae, te toa rongonui o Te Whānau-a-Apanui.
7 of 10Te Wharekura 18
He kōrero mō te haere a Hata mā ki te hī moki, mō ētahi tamariki e kai paipa ana, mō tētahi haerenga ki te titiro ki tērā rākau kauri nui rawa atu, arā, ki a Tāne-Mahuta.
8 of 10Te Wharekura 19
He kōrero mō Kāpene Kuki me tana taenga mai ki Aotearoa nei. He kōrero hoki mō te hui nui ki Tūranga-nui-a-Kiwa ki te whakanui i te rua rautau o te ūnga mai o Kāpene Kuki ki tēnei whenua.
9 of 10Te Wharekura 20
He kōrero e pā ana ki te nekenga o Moana me tōna whānau i Kaeo ki Pōneke ki te mahi i roto i te tari matua o te poutāpeta.
10 of 10
Te Wharekura 21 - 30
Te Wharekura 21
He kōrero pakiwaitara mō tētahi taniwha e noho ana ki Whangaparāoa.
1 of 10Te Wharekura 22
He kōrero e pā ana ki ngā āhuatanga noho o ngā tamariki i te haurua tuatahi o te rautau.
2 of 10Te Wharekura 23
Kua whakaemi ēnei kohinga kōrero nō mai rā anō, nō te ao hurihuri hoki. He whānui anō ngā kaupapa kōrero.
3 of 10Te Wharekura 24
He kōrero ēnei e pā ana ki ngā kaupapa o taua wā. Ngā tikanga, ngā mahi a te iwi, a ngā tamariki, a ngā tūpuna rānei.
4 of 10Te Wharekura 25
Ko te kawa o te marae te tino kaupapa o tēnei putanga o Te Wharekura. Nō te whānuitanga o ngā rohe ēnei kōrero.
5 of 10Te Wharekura 26
He kōrero ēnei mō ētahi tohunga mahi toi e mōhiotia whānuitia ana e te motu.
6 of 10Te Wharekura 27
Kei roto i te kohinga kōrero nei te whānuitanga o ngā kaupapa me ngā momo tuhituhi. Nō ngā tōpito e whā o te motu ēnei kōrero.
7 of 10Te Wharekura 28
He kohinga o ngā pakiwaitara poto, o ngā kōrero mō ngā tūpuna, me ētahi whiti hoki nā te whānuitanga o ngā kaituhi, nō te maha hoki o ngā rohe-ā-iwi.
8 of 10Te Wharekura 29
Ko te katoa o ngō kōrero nei e pā ana ki ngā momo ika. Kei roto hoki ngā kupu o ētahi waiata.
9 of 10Te Wharekura 30
He kohinga kōrero nā te whānuitanga o ngā kaituhi. Ko ētahi he mea hou, ko ētahi atu kua tāngia kētia i roto i ētahi putanga tōmua o Te Wharekura.
10 of 10
Te Wharekura 31 - 40
Te Wharekura 31
Ko ngā kōrero me ngā whiti katoa i roto e pā ana ki te iwi o Ngāi Tūhoe.
1 of 10Te Wharekura 32
Ko te nuinga o ngā kōrero kei roto e pā ana ki ngā manu. Kei roto tētahi kōmeke poto mō Māui. He waiata, he tauparapara anō hoki kei roto i te kohinga nei.
2 of 10Te Wharekura 33
Kei roto i tēnei putanga o Te Wharekura tētahi kōrero mō te haerenga ki te rapu me te kawe i ētahi pounamu e rua mai i Murihiku kia haria ai ki tāwāhi hei mauri mō te whakakitenga o Te Māori ki Amerika.
3 of 10Te Wharekura 34
He kohinga pakiwaitara, kōrero, whiti hoki nō Ngāti Porou, nō Kahungunu, nō Te Whānau-a-Apanui hoki.
4 of 10Te Wharekura 35
Kei roto i tēnei putanga o Te Wharekura, he kaupapa e pā ana ki ētahi taonga Māori me Matariki hoki, e ai ki tā Tūhoe tirohanga.
5 of 10Te Wharekura 36
Kei roto i tēnei kohinga he kōrero mō te taniwha apu kai, mō Ngā Koiora Moana Tae Kitakita o Aotearoa, mō Te Waka Kawerangi anō hoki.
6 of 10Te Wharekura 37
Kei roto i tēnei putanga o Te Wharekura he kaupapa whānui hoki, arā, he kōrero whakamārama nō Te Taitokerau, he tuhinga taki hoki e pā ana ki Ngā Manu Kōrero o aua wā.
7 of 10Te Wharekura 38
Kei roto i tēnei kohinga kōrero he kōrero mō te wahine rongonui o te ao poi tarawhiti, mō Waimārama Taumaunu me ētahi atu kaupapa kōrero o te wā.
8 of 10Te Wharekura 39
Kei roto i tēnei kohinga ko ngā tikanga me ngā ritenga e pā ana ki te hoatu koha. Nā ētahi kaumātua nō te whānuitanga o ngā rohe ēnei kōrero.
9 of 10Te Wharekura 40
He kohinga kōrero tēnei mō te haerenga o te waka moana tuauriuri, o Aurere. Ko te wāhanga tuatahi o te kōrero tēnei. Kei Te Wharekura 43 ngā wāhanga tuarua, tuatoru hoki.
10 of 10
Te Wharekura 41 - 50
Te Wharekura 41
E whakaatu ana tēnei putanga i ngā taonga pūoro tawhito o te Māori. Ko Richard Nunns rāua ko Hirini Melbourne e whakaatū ana i ngā momo whakatangi i aua taonga pūoro.
1 of 10Te Wharekura 42
Kei roto i tēnei kohinga ētahi kōrero e toru e pā ana ki te ao onamata me tētahi whakaari mō ngā tamariki a Tangaroa.
2 of 10Te Wharekura 43
Kei roto i tēnei kohinga ngā wāhanga tuarua, tuatoru hoki o te kōrero mō te waka Aurere. Ko ngā kaupapa o ērā atu kōrero o roto, ko te ngahere me ngā momo whakamahi i ngā hua o te ngahere.
3 of 10Te Wharekura 44
E ai ki te kōrero, ko te aituā he uri nā Tūmatatenga rāua ko Tahutapairu. I puta mai i ngā riri me ngā tautohetohe a Tūmatatenga. I ēnei rā, ka uru katoa ngā mate ohorere ki raro i tēnei kupu, aituā.
4 of 10Te Wharekura 45
He whakamāori tēnei o te pukapuka e kīia ana ko Waka. He kōrero tēnei mō te waka tahiwirua, mō Hawaiki-nui, i rere mai i Tahiti ki Aotearoa nei i te tau 1986.
5 of 10Te Wharekura 46
Kei roto i tēnei putanga he kōrero e pā ana ki te kawa me ngā tikanga o ngā iwi maha, ā, ka whai wāhi atu ko ērā o Te Tai Rāwhiti, o Whanganui me Te Arawa.
6 of 10Te Wharekura 47
Kei roto i tēnei putanga he kōrero mō tētahi kuia i a ia e tipu ana i roto i te rohe o Waikato me tōna whai wāhi atu ki te Kīngitanga.
7 of 10Te Wharekura 48
He kōrero ēnei mō ngā taniwha me ngā kaitiaki mai i te whānuitanga o ngā rohe-ā-iwi.
8 of 10Te Wharekura 49
Kei roto i tēnei kohinga he kōrero mō te waka Aurere, mō te kerikeri kāpia, mō ngā tikanga taumau anō hoki.
9 of 10Te Wharekura 50
Kei roto i te putanga nei he kōrero mō ngā kaupoai o Ruatōria, mō tētahi hōiho mahi, mō te miraka kau hoki.
10 of 10
Te Wharekura 51 - 60
Te Wharekura 51
Ko te kaupapa o ētahi o ngā kōrero i roto i te putanga nei ko te moko. Kei te whakaatu hoki te putanga nei i ngā moana pakitara ātaahua o te Kura Teitei Kōtiro o Tūranga-nui-a-Kiwa.
1 of 10Te Wharekura 52
Ko te kaupapa o ngā kōrero e toru o te putanga nei ko te matakite.
2 of 10Te Wharekura 53
Kei roto i te kohinga nei he kōrero mō te rerekētanga o te oho i ngā ata i Rānana me te oho i ngā ata i Aotearoa. He kōrero mō tētahi kuia rāua ko tāna moko. He matapaki hoki i waenganui i tētahi rango me tētahi pūngawerewere.
3 of 10Te Wharekura 54
E toru ngā kōrero he mea tuku iho kei tēnei putanga. Kei roto hoki he kōrero mō te wā nei me ngā kaupapa o te wā.
4 of 10Te Wharekura 55
Tuatahi, ko tētahi kōrero pakiwaitara me tētahi whiti mō Toro, he hōiho. E rua ngā kōrero mō ngā āhuatanga me ngā kare ā-roto e pā ana ki te tangihanga. Ko te mea whakamutunga he whakaari mō Rona me te Marama.
5 of 10Te Wharekura 56
Ko te kōrero tuatahi o tēnei kohinga e pā ana ki ngā raruraru ka tūpono mai i tētahi haere whakaaro kore. Ko ērā atu kōrero e pā ana ki ngā uauatanga o te hī ika me ngā hua ka puta mai i te kaha whai i ngā mahi ako.
6 of 10Te Wharekura 57
E toru ngā kōrero o roto i te putanga nei e pā ana ki ngā āhutanga noho o tēnei ao. Ko te mea whakamutunga e pā ana ki te taniwha o Loch Ness.
7 of 10Te Wharekura 58
He kohinga tēnei o ngā waiata i tangohia i Ngā Mōteatea 1, i tuhia rānei e Eileen Mata Te Rangi. Ko ētahi o ngā waiata nei he mea tito i ngā kōrero nō Ngāti Tūwharetoa.
8 of 10Te Wharekura 59
He kōrero pakiwaitara tēnei e pā ana ki ngā wheakotanga o tētahi tangata e toro haere ana i tōna whānau ki Te Tai Tokerau.
9 of 10Te Wharekura 60
Kei te kōrero a Ross White i ētahi kōrero e whā mō āna maumahara ki te wā e tamaiti tonu ana ia.
10 of 10
Te Wharekura 61 - 70
Te Wharekura 61
He kohinga kōrero ēnei mō ētahi o ngā manu a Tāne.
1 of 10Te Wharekura 62
He tuhinga whakaari tēnei putanga o Te Wharekura mō ngā kōrero pakiwaitara e pā ana ki te kuia tūrehu me āna mokopuna.
2 of 10Te Wharekura 63
E toru ngā kōrero tuku iho kei tēnei putanga. Ko te wāhanga tuatahi, he kōrero mō nga maunga kei ngā moka e whā o te ao. Ko te wāhanga tuarua, he he kōrero mō Āpirana rāua ko Te Rangihiroa. Ko te wāhanga whakamutunga, he hono ki ētahi whakataukī a Āpirana Ngata.
3 of 10Te Wharekura 64
Ko tēnei o ngā putanga o Te Wharekura e pā ana ki ngā kōrero o Parihaka. Nā rātou i para te huarahi ki te ao o te maungārongo.
4 of 10Te Wharekura 65
Ko tēnei putanga o Te Wharekura e pā ana ki a Don Selwyn me āna mahi whakaari, mahi whakaataata, mahi whakatō kākano i te ao toi. He tuhinga haurongo, he tuhinga whakaari anō hoki.
5 of 10Te Wharekura 66
Ko tēnei putanga o Te Wharekura e pā ana ki a Te Kōpua me Tuaiwa Hautai Kereopa Rickard.
6 of 10Te Wharekura 67
Ko tēnei putanga o Te Wharekura he kōrero tuku iho mō Ihaka Whaanga rāua ko Wi Kukī Kaa. He whaipānga tēnei mō āna mokopuna, otirā mō ngā tamariki mokopuna Māori hoki.
7 of 10Te Wharekura 68
Ko ngā kohinga kōrero o tēnei putanga he whakaputanga whakaharahara mō tētahi o ngā tīpuna rangatira o tērā rautau, a Rewi Manga Maniapoto, i tūtehu ki te pupuri i ō rātou whenua.
8 of 10Te Wharekura 69
Ko ngā kohinga kōrero o tēnei putanga o te raupapa Te Wharekura e pā ana te whānau a Taiturakina rāua ko Anituatua Black. E whakamārama ana i ngā take me ngā āhuatanga e noho hiranga ai ki a rātou te takiwā me te whenua i whakatipua ai rātou.
9 of 10Te Wharekura 70
Ko ngā kohinga kōrero o tēnei putanga o te raupapa Te Wharekura e pā ana ki a Raniera Erihana rāua ko tana mokopuna, ko Ariki Erihana.
10 of 10
Te Wharekura 71 - 80
Te Wharekura 71
Ko ngā kohinga kōrero o tēnei putanga o te raupapa Te Wharekura e pā ana ki ngā kōrero whakamaumahara mō tētahi o ngā tīpuna rongonui o Ngāti Porou o tērā rautau, arā, a Paratene Ngata, te matua o Tā Apirana Ngata.
1 of 10Te Wharekura 72
Ko ngā kohinga kōrero o tēnei putanga o te raupapa Te Wharekura e pā ana ki a Hineāmaru, a Kawiti me tōna kāwai whakaheke.
2 of 10Te Wharekura 73
Ko ngā kohinga kōrero e pā ana ki ngā kōrero hītori mo te hapū nei a Ngā Rauru Kiitahi, me tō rātou tipuna a Rauru.
3 of 10Te Wharekura 74
Ko ngā kohinga kōrero o tēnei putanga o te raupapa Te Wharekura e pā ana ki ngā kōrero mō Aporo Hikitapua rātou ko Mere Ngawaka ko tā rāua mokopuna, ko Kāterina Te Heikōkō Mataira.
4 of 10Te Wharekura 75
Ko ngā kohinga kōrero o tēnei putanga o te raupapa Te Wharekura e pā ana ki te waka hourua. He maramara kōrero mō ngā tikanga me ngā ritenga mō te hanga me te tārai waka.
5 of 10Te Wharekura 76
Ko ngā kohinga kōrero o tēnei putanga o te raupapa Te Wharekura e pā ana ki ngā rākau o Tūmatauenga me ōna tikanga whakamahi. Mai i te taiaha, i te tewhatewha, i te pouwhenua tae noa ki te patu, te mere, me te patu parāoa.
6 of 10Te Wharekura 77
Ko ngā kohinga kōrero o tēnei putanga o te raupapa Te Wharekura e pā ana ki ngā wā i mua i te taenga mai o te Pākeha me ngā taonga tuku iho.
7 of 10Te Wharekura 78
Ko ngā kohinga kōrero o tēnei putanga o te raupapa Te Wharekura e pā ana ki Ngā Taumāhekeheke o te Herenga ki Ingarangi. E whakarāpopoto ana i ngā kōrero mō te mekemeke me te omanga roa.
8 of 10Te Wharekura 79
Ko ngā kohinga kōrero o tēnei putanga o te raupapa Te Wharekura e pā ana ki te kāhui whetū o Matariki tae atu ki ngā marama, te whitinga me te tōnga o ngā kāhui whetū.
9 of 10Te Wharekura 80
Ko ngā kohinga kōrero o tēnei putanga o te raupapa Te Wharekura e pā ana ki te tikanga o te tohi.
10 of 10
Te Wharekura 81 - 90
Te Wharekura 81
Ko ngā kohinga kōrero o tēnei putanga o te raupapa Te Wharekura e pā ana ki a Tangaroa.
1 of 10Te Wharekura 82
Ko ngā kohinga kōrero o tēnei putanga o te raupapa Te Wharekura e pā ana ki a Rongo, te atua o te maungārongo.
2 of 10Te Wharekura 83
Ko ngā kohinga kōrero o tēnei putanga o te raupapa Te Wharekura e pā ana ki tētahi kōrero e hāngai ana ki ngā āhuatanga o te tīmatatanga o te ao taketake.
3 of 10Te Wharekura 84
Ko ngā kohinga kōrero o tēnei putanga o te raupapa Te Wharekura e pā ana ki tētahi kuia e whaakatu i tōna mokopuna i ngā āhuatanga o tāna tipuranga ki te taiwhenua. Ko te tuarua he kōrero mō te āhuatanga o te hauora.
4 of 10Te Wharekura 85
Ko ngā kohinga kōrero o tēnei putanga o te raupapa Te Wharekura e pā ana ki te ahunga mai o te whare Rātana me te hononga ki te Kīngitanga.
5 of 10Te Wharekura 86
Ko ngā kohinga kōrero o tēnei putanga o te raupapa Te Wharekura e pā ana ki tētahi kōrero e hāngai ana ki ngā āhuatanga o te tīmatatanga o te ao taketake.
6 of 10Te Wharekura 87
Ko ngā kohinga kōrero o tēnei putanga o te raupapa Te Wharekura e pā ana ki te atua a Tāne-Mahuta me ōna wheako mahi kua takina ki ngā karakia.
7 of 10Te Wharekura 88
Ko ngā kohinga kōrero o tēnei putanga o te raupapa Te Wharekura he tuhinga whakamumahara mō te iwi Moriori me tā rātou hītori.
8 of 10Te Wharekura 89
Ko tēnei pukapuka he whakamaumaharatanga ki Te Ope Taua 28. He kohikohinga kōrero mō te wā o te pakanga, mō ngā toa o te ope nei, me te aroha i whārikihia ki runga i a rātou mai i te kāinga.
9 of 10Te Wharekura 90
Ko ngā kohinga kōrero o tēnei putanga o te raupapa Te Wharekura e pā ana ki a Ruapehu me ngā meka kōrero o ngā āhuatanga o te taiao ki te maunga.
10 of 10
Te Wharekura 91 - 93 me ngā atu mea
Te Wharekura 91
Ko ngā kohinga kōrero o tēnei putanga o te raupapa Te Wharekura he hokinga mahara ki a Parihaka me ngā wheako kino o te mauhere.
1 of 4Te Wharekura 92
Ko te kaupapa matua mō tēnei kohikohinga kōrero ko Te Mana o te Kata. Ka whai haere ngā kōrero nei i ngā pakiwaitara, ngā pūrākau e hono ana ki Te Whare Tapere.
2 of 4Te Wharekura 93
Ko te kaupapa matua mō tēnei pukapuka ko Ngā Rākau-a-Tūmatauenga. Ka titiro tātou ki ēnei rākau e ai ki a Tūhoe. Ka kōrero hoki mō Te Tokotoru-a-Kōkāmutu.
3 of 4Whakanuia, Whakamanatia Te Wharekura
He kohinga kōrero Whakamaumahara mō Te Wharekura mō ngā tau e rima tekau.
4 of 4
Mō te rauemi
Taumata: Taumata 6, Taumata 7, Taumata 8
Kaupapa: Rārangi Pukapuka
Kohinga: Te Wharekura
Tāpirihia ki te kohinga
