Te Wharekura 89
Te Wharekura 89
Nā Dick Grace rātou ko Wiremu T Ngata, ko Tangihoro Fitzgerald, ko Te Urikore Biddle, ko Matiu Love ngā kōrero
Nā Hera Black-Taute i whakamāori te kōrero He Hokinga Mahara
Ko Pania Tahau-Hodges te ētita, ā, ko Esther Chua te kaihoahoa
Ko tēnei pukapuka he whakamaumaharatanga ki Te Ope Taua 28. He kohikohinga kōrero mō te wā o te pakanga, mō ngā toa o te ope nei, me te aroha i whārikihia ki runga i a rātou mai i te kāinga.
Tonoa he kape o te pukapuka mai i Down the Back of the Chair (MOE11464), ka kitea rānei te rauemi nei ki te ruma rauemi o tō kura.
Ngā pūrākau kei roto i te puka nei:
- He Maumaharatanga ki te Pakanga Tuarua o te Ao
- Te Tohu Toa o Te Moananui-a-Kiwa Ngārimu
- Te Tono
- Te Poroporoaki
- Te Kuku o Taku Manawa
- He Hokinga Mahara
- Ngā Tohu Toa a Te Ope Taua 28
Torohia te pouaka "Mō te rauemi" ki raro nei e kite ai ngā rauemi hāngai.
- He tirohanga whānui
- Ngā āhuatanga reo
- I mua i te pānui pukapuka
- I te ākonga e pānui pukapuka ana
- I muri i te pānui pukapuka
- Ngā rauemi āwhina mā te ākonga
- Ngā tohutoro mā te pouako
He tirohanga whānui
He kupu whakataki
Ko te huinga pukapuka Te Wharekura he kohinga kōrero nō neherā, nō ēnei rangi tonu e hāngai ana ki te hunga rangatahi. E hāngai ana ngā pukapuka Te Wharekura ki ngā ākonga kei ngā tau 11–13. Ko te arotahinga o tēnei putanga ko Te Ope Taua Māori i te Pakanga Tuarua o te Ao.
Ngā whāinga o tēnei pukapuka
He mea waihanga tēnei pukapuka hei tautoko i ngā pouako ki te:
- tautohu hononga ki Te Marautanga o Aotearoa
- whakahāngai i ngā kōrero o te putanga nei ki tā te kura hōtaka reo matatini
- whakawhānui i ngā horopaki me ngā whakamahinga o tēnei pukapuka mā te whakatauira i ngā momo ngohe ako
- tīpako i ngā pūkenga me te mātauranga e arotahitia ana me te tautohu i ngā rautaki ako hei whāngai i ēnei āhuatanga ki te ākonga.
He whāinga ako
Ki te tautoko i ngā ākonga ki te:
- whakawhānui i ō rātou mōhiotanga mō te Te Ope Taua 28 i te Pakanga Tuarua o te Ao
- tautohu i ngā momo āhuatanga reo o ngā kōrero taki
- whakawhanake i ō rātou pūkenga ki te tautohu i ngā take matua ka taka mai i tētahi kōrero taki me te whakaraupapa mai kia tika
- whakawhānui i ō rātou mōhiotanga o ngā rautaki pānui pukapuka kia taea e rātou te patapatai me te whakamārama i te take o te kaituhi.
He horopaki ako
Anei ētahi whakaaro mō ngā horopaki ako ka taea:
- Te Ope Taua 28
- te Pakanga Tuarua o te Ao
- whanaungatanga
- te toa o ngā hōia
- te whakaputa whakaaro whaiaro.
He ngohe
Anei ētahi whakaaro mō ngā ngohe e pā ana ki ngā kōrero katoa o roto o Te Wharekura 89 tērā ka taea e te pouako te whakamahi me ngā ākonga kia tutuki ai ngā whāinga ako. Ka taea e te pouako te whakahāngai ēnei whakaaro ki ngā whāinga ako me ngā hiahia o ngā ākonga.
- Ngā kupu whakamārama
K
kaupare travel (away from)
kōrero tauritenga analogy
P
para show bravery
R
rehe expert
rotarota pangakupu acrostic poem
T
te kuku o taku manawa the love of a persons life
Mō te rauemi
Tonoa he kape o te pukapuka mai i Down the Back of the Chair (MOE11464), ka kitea rānei te rauemi nei ki te ruma rauemi o tō kura.
Taumata: Taumata 6, Taumata 7, Taumata 8
Kaupapa: Rārangi Pukapuka
Kohinga: Te Wharekura
