Tama Tū, Reo Ora - Te Petihana 1972
E whakanui ana a Te Tāhuhu i te 50 tau o Te Petihana Reo Māori.
Ngā riponga wai , ko taiāniwhaniwha! Tirohia ngā kōrero o tōna
ahunga mai.
Tama Tū, Reo Ora – Te Petihana 1972
I kawea Te Petihana Reo Māori ki te Pāremata i te 14 o Mahuru 1972, otirā i tautokona e ngā waitohu 30,000, e karanga ana kia uru he akoranga reo me te ahurea Māori i roto i ngā kura o Aotearoa. I noho te petihana hei mumuratanga hōriri mō te whakarauoratanga o te reo Māori, otirā i tīmata te Kāwanatanga ki te whakauru i te reo Māori hei kōwhiringa i te kura tuatahi, tuarua hoki. Tērā ētahi atu kaupapa whakarauora hoki i puta ake i te petihana, pēnei i Te Kōhanga Reo, te Kura Kaupapa me ngā mahi whakapāoho Māori.
Ko te kaupapa o Tama Tū, Reo Ora – Te Petihana 1972 he whakanui i te 50 tau mai i te kawenga o Te Petihana Reo Māori ki te pāremata. E tuku āheinga ana ki Te Tāhuhu o te Mātauranga ki te whakanui i ngā tokatū moana mātauranga i pakanga kia whai tūranga ai te reo Māori i te ao mātauranga, me te whakanui i tā rātou hōmaitanga nui ki te whakarauoratanga me te whakakakenga o ngā wawata reo Māori o Te Tāhuhu.
Reo Ora Waiata
Waiatatia tēnei waiata nā Pere Wihongi rāua ko Hirini Melbourne i tito. E wātea ana ngā kupu hei whai māu.
Pakimaero Matihiko
E tūhura ana a Tama Tū, Reo Ora i te hītori o te reo Māori i Aotearoa, ina koa, Te Petihana Reo Māori o te tau 1972. Ka ako koe i ngā mōhiohio, ngā meka me ngā kōrero e pā ana ki te reo Māori, a Ngā Tamatoa, Te Reo Māori Society, te Kāwanatanga o Aotearoa me te hītori o Aotearoa i roto i tēnei pakimaero waituhi me pukapuka matihiko.
I tua atu i te rauemi kōrero mō 'Te Petihana Reo Māori', he rauemi tā tēnei ka whakamahia i te taha o te rauemi matihiko.
Īmēra: [email protected]
Rārangi wā tēnei
He rārangi wā tēnei o te hītori o te reo Māori i Aotearoa. He tuhinga āpiti ki te pakimaero waituhi o Tama Tū, Reo Ora.
Ngā Kāri Ngohe
He rauemi a Tama Tū, Reo Ora e takunetia ana mā ngā tauira 0-17 tau. He kāri ngohe e hāngai ana ki te pakeke o te ākonga, ka whakamahia me te pukapuka, e aro ana ki ngā taumata katoa o te ECE, Te Marautanga o Aotearoa me te New Zealand Curriculum.
