Ākona te Tau - Hine Raumati
Taumata 2

Ka tūhura ngā kōwae ako i ngā hui taurima, ngā kai me te huarere ake o Hine Raumati. Ka tautokona ngā kaupapa nei e te puna mātākōrero Māori tuku iho, ā, ko te puna tonu te pūtaketanga mai o ngā mahi katoa. Puta noa i ngā kōwae ako, ko ngā hononga ki ngā rauemi kua tāngia kētia tae noa ki ngā pāpāho, ipurangi hoki. Whakahoungia, hurihia rānei ngā kōwae ako kia pai ake ai mā koutou mā āu ākonga. He tirohanga whānui hei tīmatanga mō ia kōwae ako e whakahāngai ana i ngā ngohe ki ngā wāhanga ako o te Marautanga. He ariā āheinga aromatawai hoki puta noa i ngā kōwae ako.

Kapa Haka
Ngā Kai o te Raumati – Kānga
Te Pīni me te Kānga Huri noa i te Ao
Te Huarere o te Raumati

Kapa Haka

Wāhanga o te Kōwae	Akoranga	Ngohe	Wāhanga Ako
He Atua! He Kōrero!	Ngā Āhua o te Marama	Tūhuratia ngā āhua o te marama.	Te Reo Māori Pūtaiao
	A Hineteiwaiwa	Mātakitaki i te kōrero, A Hineteiwaiwa. Tautuhitia ngā kiripuaki me ngā kaupapa matua. Raupapahia me te tukurua i te kōrero.	Te Reo Māori Tikanga ā-Iwi
	Whiti te Marama	Hangaia he rārangi kupu. Tākarohia te kēmu ‘He Tekitiwhi Kupu’.	Te Reo Māori
	Tērā a Marama	Ākona te karakia, Tērā a Marama. Hangaia me te whakamahi i tētahi huinga kōhatu paki.	Te Reo Māori
	Me he Ōturu ngā Karu	Ākona ngā ingoa mō ngā āhua o te marama.	Te Reo Māori Hauora
Kapa Haka	Kapa Haka	Tākina ngā kōrero mō tētahi tū a tētahi kapa haka ki te atamira.	Te Reo Māori

Ngā Kai o te Raumati – Kānga

Wāhanga o te Kōwae	Akoranga	Ngohe	Wāhanga Ako
He Atua! He Kōrero!	He Kupu Rongomau	Tākarohia te kēmu ‘Maumahara’. Hangaia he kāri whakaatu i ‘ngā tau o te manawa’ hei hoatu ki tētahi i te Rā Whakanui i te Aroha, i te Rā Whakanui i ngā Whaea, i tētahi huritau rānei.	Te Reo Māori Tikanga ā-Iwi
	He Rourou mā Koutou	Ākona te waiata, He Rourou mā Koutou. Tākarohia tētahi kēmu, e aro ana ngā tohutohu ki a koutou, mātou, tātou me rātou.	Te Reo Māori
	Nau mai e Rongo	Ākona te karakia Nau mai e Rongo.	Te Reo Māori
	Nāu te rourou, nāku te rourou, ka ora ai te iwi	Whakaahuatia te whakataukī. Hangaia he rourou.	Te Reo Māori

Te Pīni me te Kānga Huri noa i te Ao

Akoranga	Ngohe	Wāhanga Ako
Ngā Kōhine e Toru	Whakarongo ki te kōrero, Ngā Kōhine e Toru; hangaia he rārangi kupu ā-akomanga. Raupapahia te kōrero. Whakaahuatia te korero.	Te Reo Māori Ngā Toi
Te Whakatipu Tauawhiawhi	Tūhuratia te whakatipu tauawhiawhi; whakatōngia he māra. Te whakatipu pihi pīni ki te kōpaki kōpae rorohiko.	Te Reo Māori Pūtaiao
He Taiopenga Kai	Tunua ētahi tohutao mō te pīni me te kanga. Whakaritea tētahi taiopenga whakanui i ngā kai o te ao.	Te Reo Māori Tikanga ā-Iwi Hangarau

Te Huarere o te Raumati

Wāhanga o te Kōwae	Akoranga	Ngohe	Wāhanga Ako
He Atua! He Kōrero!	Te Whakapapa o Tamanuiterā	Ākona te whakapapa o Tamanuiterā. Whakaahuatia ā-kupu te atua. Tākarohia te kēmu, ‘Ko Wai au?’	Te Reo Māori
	He Kōrero mō Tamanuiterā	Mātakitakihia ētahi korero mō Tamanuiterā. Titoa he ruri, ina tātakitia ngā pū tuatahi o ia rārangi o te ruri, ka oti mai te ingoa ‘Tamanuiterā’.	Te Reo Māori
	Whakarongo Mai	Ākona te waiata, Whakarongo Mai.	Te Reo Māori
	Te Atua Kōhikohiko	Ākona te karakia Te Atua Kōhikohiko. Tākarohia te kēmu ‘Poro Kupu Taka’.	Te Reo Māori Hauora
	Tērā te Rā e Whiti ana ki Tua o Tāwauwau	Mā te hautaka whakamihi e kaha ake ai te āhei o te ākonga ki te whakaaro, ki te kōrero, ki te mahi i runga i te wairua manahau.	Te Reo Māori Hauora
Tamanuiterā	Ngā Tānga ā-Rā	Mahia he tānga ā-Rā.	Te Reo Māori Ngā Toi
	He Matakapo Rā	Waihangatia ētahi matakapo rā.	Te Reo Māori Ngā Toi
	Ngā Putiputi Rā	Whakatipuria ngā putiputi rā.	Te Reo Māori Pūtaiao
	Mahia he Pata Kākano Putiputi Rā	Mahia he pata kākano putiputi rā.	Te Reo Māori Hangarau