Kapa Haka - Taumata 1

Te Whakapapa o Tānerore

See the “About this resource” box below to download resources: The-whakapapa-of-Tānerore.pdf

Ako ā-Kākā

Me ako ā-kākā ngā ākonga i te whakapapa o Tānerore. 

Ka moe a Ranginui i a Papatūānuku
Ka puta ko Urutengangana
Ka moe a Urutengangana i a Hine Te Āhuru
Ka puta ko Tamanuiterā
Ka moe a Tamanuiterā i a Hine Raumati
Ka puta ko Tānerore.

He Ārai Kanohi Atua

What you do

• Organise the students into seven groups – one for each atua in the whakapapa.
• Students paint and decorate a paper plate to reflect their atua.
• Tape a stick to the back.
• Practise the whakapapa with each student reciting the part that relates to them, e.g:
  • Child 1: ‘Ka moe a Ranginui’
  • Child 2: ‘i a Papatūānuku’.
• Perform as a series of mini plays.

Hine Takurua rāua ko Hine Raumati

What you need

• Hine Takurua rāua ko Hine Raumati published in the journal Hine Raumati 1, pages 4–7, (2015, item number 711252)

What you do

• Tell the story of Hine Takurua rāua ko Hine Raumati. Ask students to listen very carefully so they can play a game afterwards that relates to the story. 

Te Whānau a Tamanuiterā

Lyrics by Hana Pōmare, music by Iain Gordon and Aaron Tokona.

Order a copy of the resource Te Ao Hurihuri, (2001, item number 10343) Included in the kit is a CD of waiata based on Māori cosmology – Te Whānau a Tamanuiterā is track 7.

Te Whānau a Tamanuiterā (SoundCloud)

By Wai, from the album Ora. 
https://www.youtube.com/watch?v=Dgkom690Mpw 

Te Haka a Tānerore 

He mea tito e Nuki Tākao.

"Nā Urutengangana 
Ko Tamanuiterā
Nā Tamanuiterā 
Ko Tānerore
E tū i te tū a Tānerore
E haka i te haka a Tānerore
Kia ihi
Kia wehi
Kia wana e!"

• Ka porohita te tūtū mai o ngā ākonga, ā, kotahi te ākonga kei waenganui o te porohita. Ko tā te mea e tū ana i waenganui, he whakaatu i tētahi mahi ka mahia i te haka – ko te takahi pea o te waewae, te papaki rānei i ngā kūhā, te hiki rānei o te/ngā ringa, te aha atu. Ko tā ērā atu ākonga, he whai i tāna mahi. Ka tukuruatia e te rōpū tāna mahi mō tētahi wā, kātahi ka oma atu ko tētahi atu ākonga ki waenganui, ka pā tōna ringa ki te ringa o te ākonga tuatahi, ā, ka hoki taua ākonga tuatahi ki te porohita. Ka haere ngā mahi a te ākonga tuarua mō tētahi wā, kātahi ka kuhu ko tētahi atu, ka kawe i āna mai i te haka hei whai mā te rōpū. Koinei te āhua o te mahi, ā, huri noa i te porohita.
• Hurihia ngā kupu o te karakia hei haka. Kia whā ngā rōpū. Hoatu ki ia rōpū ētahi rārangi kōrero mai i te karakia.
• Mā ia rōpū e whiriwhiri ētahi mahi pai mā te tinana hei kawe i aua kōrero i roto i te haka:

1. Nā Urutengangana
   Ko Tamanuiterā
2. Nā Tamanuiterā
   Ko Tānerore
3. E tū i te tū a Tānerore
   E haka i te haka a Tānerore
4. Kia ihi
   Kia wehi
   Kia wana e!

• Ka whakawai ia rōpū i ā rātou kupu me ngā mahi ā-tinana e rite ana. Ka huihui ngā rōpū ki te kawe tahi i te haka, ko tērā rōpū e hiki ana i tōna wāhanga o te haka, ko tērā e hiki ana i tōna. Kātahi ka whakaakona e ia rōpū tōna wāhanga ki ērā atu rōpū.
• Matapakia te pai o te hono tahi o ngā wāhanga e whā kua tuituia. Āe rānei me paku whakarerekē ētahi wāhi kia pai ake ai te noho tahi, te hono tahi? 

Kupu tāpiri

• Mā ētahi tuākana pea e ārahi te mahi a ia rōpū.
• Tērā pea ka mahi ngātahi ngā tama me ngā kōtiro. Tērā rānei ka mahi motuhake, ka huihui mai i te mutunga kia kitea ai ngā mahi rerekē a te ira tāne me te ira wahine. 

E tū i te tū a Tānerore

E tū i te tū a Tānerore, E haka i te haka a Tānerore.  

• Tukuruatia ngā kōrero mō Tānerore, ka whakamārama ai i te tikanga o te whakataukī.
• Whakaakona atu te whakataukī, hei pao mā ngā kōtiro, hei haka poto mā ngā tāne.
• Ina tū te akomanga ki te whakawai i ā rātou mahi kapa haka, me hiki anō e ngā tamariki te pao me te haka, kia māia ake ai rātou ki te kawe i ēnei mahi i mua i te tū ki ngā hui tūturu, ki reira kawe ai i ēnei mahi.
• Me tuku hoki te whakamārama, kāore i tua atu i te whakataukī nei hei whakamihi i ngā tamariki, i ngā rōpū, ki ngā whakaaro o te kaituku, kua eke ā rātou mahi a rēhia ki te tino taumata (hei tauira, i tētahi whakaaturanga kapa haka a te kura ki te whānau whānui o te kura). 

Tītī Tōrea 

• Whakamāramatia atu ngā tūwāhi ki ngā ākonga. Hei tauira: taha matau, taha mauī, mua, runga, raro.
• Whakaakona atu ngā tākaro pai hei whakapūmau i tō rātou mōhio ki ēnei tū kupu. Hei tauira:
  • Hei Tama, Tū Tama
  • E kī ana a Haimona
  • He whai kāpō i tētahi ara kua tohua, he nui ngā whakararu kua whakatūria ki taua ara. 

Ngā mahi

• Hoatu te peita whero me te kōwhai ki ngā ākonga hei whakapaipai mā rātou i ā rātou tītī tōrea (arā, ko ngā tae o Tamanuiterā).
• Me whakamātau e rātou ngā momo karaka e taea ana te mahi mai ki te whero me te kōwhai, mā te whakaranu i ngā peita e rua nei.
• Ka peitahia ngā tītī tōrea, ka waiho kia maroke.
• Whakaaturia atu te tītī tōrea ki ngā ākonga, me te whakamahi anō i ngā tūwāhi i whakamāramatia ake i te tīmatanga o te mahi nei. 

Kōhatu Paki

Ko te kōhatu paki, he kōhatu maheni, he papatahi, he whakaahua kei runga. Ko te whakaahua, he mea peita atu pea, he mea tuhi atu ki te pene tuhi pūmau, he pirituku, he pikitia rānei ka tapahia mai i te moheni, ka whakapiria atu.  

Kupu tāpiri

Tērā pea ka āta kōwhiria māriretia e ngā ākonga ngā kōhatu hei waihanga mā rātou i tā rātou paki.
Māu ētahi pātai ki ngā ākonga, hei āwhina i a rātou ki te tīmata, ki te kawe tonu rānei i tā rātou paki. 

• He tākaro auaha
  • Ki te poro waihanga
  • Ki te whare taretare
  • Ki ngā kararehe o te papa kararehe, o te pāmu; ki ngā manu o te wao
  • Ki ētahi kai kua horahia ki te tēpu i te kīhini/rūma kai. 
• Te wehewehe, te whakarōpū
  Wehewehea, whakarōpūtia ngā kōhatu, hei tauira, ki ngā atua, ngā tāngata, ngā kai, ngā kararehe, ngā waka.

Te Hanga Huinga Kōhatu Paki

Ngā mea e hiahiatia ana

• He kōhatu papatahi
• He peita, he paraihe peita
• He moheni, he papanga tuitui kākahu rānei
• He pene tuhi pūmau
• He kutikuti
• He Mod Podge, he kāpia rānei 

Ngā mahi

• Mahia he raupapa kōhatu paki ko ngā atua kua tirohia i tēnei kōwae ako te kaupapa. Koia ēnei: Ranginui, Papatūānuku, Urutengangana, Hineteāhuru, Tamanuiterā, Hine Raumati, Hine Takurua, Tānerore. Ka tāpiria pea ētahi atu kōhatu, ko te kapa haka te kaupapa.
• Kia maha pea ngā huinga kōhatu, ko te āhua o ngā whakapaipai ka rerekē.
• Whakamahia te Mod Podge mehemea he papanga, he pepa rānei e whakapiria atu ana ki te kōhatu hei whakapaipai. He pai anō te Mod Podge hei kiriwai mō ngā kōhatu ka whakapaipaingia ki te peita.