Ākona te Tau - Hine Raumati
Taumata 3

Ka tūhura ngā kōwae ako i ngā hui taurima, ngā kai me te huarere ake o Hine Raumati. Ka tautokona ngā kaupapa nei e te puna mātākōrero Māori tuku iho, ā, ko te puna tonu te pūtaketanga mai o ngā mahi katoa. Puta noa i ngā kōwae ako, ko ngā hononga ki ngā rauemi kua tāngia kētia tae noa ki ngā pāpāho, ipurangi hoki. Whakahoungia, hurihia rānei ngā kōwae ako kia pai ake ai mā koutou mā āu ākonga. He tirohanga whānui hei tīmatanga mō ia kōwae ako e whakahāngai ana i ngā ngohe ki ngā wāhanga ako o Te Marautanga o Aotearoa. He ariā āheinga aromatawai hoki puta noa i ngā kōwae ako.

Kapa Haka
Ngā Kai o te Raumati – Kūmara
Te Huarere o te Raumati

Kapa Haka

Akoranga	Ngohe	Wāhanga Ako
Hine Takurua rāua ko Hine Raumati	Whakarongo ki te pūrākau ‘Hine Takurua rāua ko Hine Raumati’. Tukuruatia te pūrākau. Hangaia he whakapapa. Whakatūria he whakaari.	Te Reo Māori Tikanga ā-Iwi
Te Whānau a Tamanuiterā	Kia auau te whakarongo ki te waiata, me te tuhi i ōna kupu. Whakamahia ngā papakupu ki te kimi i te tikanga o ngā kupu kāore e mōhiotia ana. Kōwhiria tētahi whiti o te waiata me te whiriwhiri i ētahi mahi ā-ringa, he mahi poi rānei hei kawe i te kōrero.	Te Reo Māori Ngā Toi
Te Haka a Tānerore	Te mahi toi kōpura (Impressionist painting). Peitahia he mahi toi kōpura, me te wahi anō i tētahi o ngā tino tikanga peita kōpura e kīia ana ko te “dab”. Te whakaaro nui, te manako nui ki te toi.	Te Reo Māori Ngā Toi
I te rā i herea nei, ka herena e au ki te tenga o tōku korokoro	He rangitaki whakamihi mā te akomanga.	Te Reo Māori Hauora
Te Atamira Whakaatu Kākahu Hou	Tūhuratia ngā kākahu kapa haka. Whakaritea he whakataetae hoahoa kākahu kapa haka. Whakaaturia ngā kākahu ki te atamira.	Te Reo Māori Ngā Toi Hangarau

Ngā Kai o te Raumati – Kūmara

Akoranga	Ngohe	Wāhanga Ako
Pani Tinaku	Waihangatia e te akomanga tētahi kohinga kōrero tautohu mō Pani me te kūmara.	Te Reo Māori Tikanga ā-Iwi
A Tūmatauenga rāua ko Rongomaraeroa	Whakatakina te pūrākau, ‘A Tūmatauenga and Rongomaraeroa’. Raupapahia te pūrākau. Whakatūria he whakaari poto.	Te Reo Māori
Pōpō	Ākona ngā whiti tuatahi e toru o Pōpō. Tūhuratia te rauemi ipurangi, Ko Wai – Pōpō http://hana.co.nz/online/ko-wai/	Te Reo Māori Tikanga ā-Iwi
Maie te Tupua	Ākona te karakia, ‘Maie te Tupua’	Te Reo Māori Tikanga ā-Iwi
Iti noa ana, he pito mata	Tuhia tētahi kauhau poto mō te whakataukī nei.	Te Reo Māori
Te Tipu ki te Wai	Whakatipuria he kūmara ki te akomanga. Whakamātauria ētahi wai whakatipu rerekē.	Te Reo Māori Pūtaiao
Roroi	Tunua he purini taketake ake a te Māori – roroi.	Te Reo Māori Hangarau

Te Huarere o te Raumati

Wāhanga o te Kōwae	Akoranga	Ngohe	Wāhanga Ako
He Atua! He Kōrero!	Tāwhirimātea	Pānuitia tētahi paki mō Tāwhirimātea me te wehenga o Ranginui rāua ko Papatūānuku. Ka noho ki ngā rōpū iti ki te tuhi, ki te whakarite, ki te kawe i tētahi whakaari ko te paki nei tōna pūtake. Ka mātaki ngā ākonga i te kiriata, kātahi ka mahi takirua ki te hopu i ngā kupu kōrero hei tuhinga whakaari. Titoa he ‘rapi’ mō 'Te Whānau Puhi’. Whakatūria ‘he pakanga rapi’.	Te Reo Māori Pūtaiao Hangarau
	Whakataka te Hau	Ākona te karakia me te waiata, Whakataka te Hau. Hangaia he 'waka-pupuhi'.	Te Reo Māori Hangarau Pūtaiao
	Tūtū maiea Tāwhirimātea, whakatere ana Poupaka	Te hoahoa waka ka whakawhiti i te wai, ko te hau noa iho te kaikawe i a ia.	Te Reo Māori Hangarau Pūtaiao
Te Whānau Puhi	Te Huringa Wai	Tūhuratia te huringa wai. Hangaia tētahi pānui whakaahua hei whakaatu i te wāhi ki te hurihanga wai i roto i te hanganga o ngā awa kōpaka o Te Wai Pounamu.	Te Reo Māori Pūtaiao
	Te Hanga Waka Topaki	Hangaia tētahi waka topaki māmā.	Te Reo Māori Hangarau Pūtaiao