Te Marautanga o Aotearoa Whakapākehātanga

Ko te tāhu o tēnei Marautanga i whakaūkia i runga i ngā wawata kia tū tangata te ākonga, kia tupu hei ākonga mātau, hei ākonga pakari, hei ākonga whakawhitiwhiti kōrero i roto i te ao Māori.

He kohinga kōrero, rauemi, rangahau hoki hei tautoko i te ao mātauranga Māori huri noa i te motu.

Torohia te pouaka "Mō te rauemi" ki raro nei e kite ai ngā rauemi hāngai: Te Marautanga o Aotearoa Whakapākehātanga 2017 - Updated June 2024 (.pdf) me ngā wāhanga ako hou mo Te Reo Rangatira (Tūārere 1-3, Tau 0-6) me te Pāngarau (Tūārere 1-4, Tau 0-8).

Ka whakamanahia ngā tauākī marautanga ā-motu hou mo Te Reo Rangatira (Tau 0-6) me te Pāngarau (Tau 0-8) hei te 1 Hanuere 2025. Kua whakakāhoretia, ā, ka whakakapingia atu i te 1 Hanuere 2025, taumata marautanga 1-3 o te tauākī marautanga ā-motu Te Reo Māori me te tauākī marautanga ā-motu Pāngarau mō Te Marautanga o Aotearoa. Ka mana tonu te toenga o ngā tauākī marautanga ā-motu mō Te Reo Māori me te Pāngarau. Mā ngā kura e kōwhiri i waenganui i ngā tauākī hou me ngā tauākī o tēnei wā tonu i runga e ai ki ngā tau e whakaakona ana i te kura, otirā, e tukua ana kia kōwhiri i ngā tauākī e rua e tutuki ai ngā matea o ngā tauira. Nō reira, e āhei ana ngā kura waenga me ngā kura tuarua te whakatau me whakamahi i tētahi tauākī hou mō ētahi ākonga mehemea e ako ana rātou i raro iho i te taumata 4 (Te Reo Māori rānei), i te taumata 5 rānei (te Pāngarau rānei), e āhei ana rānei ngā kura tuatahi me ngā kura waenga ki te whakatau me whakamahi i tētahi tauākī o tēnei wā tonu mō ētahi ākonga mehemea e ako ana rātou ki runga ake i te tūārere 2 (Te Reo Rangatira rānei), i te tūārere 3 rānei (te Pāngarau rānei).