Pūtaiao
Tiro Whānui
“Nā Rangi tāua, nā Tū-ā-nuku e takoto nei. Ko ahau tēnei, ko mea a mea”
Ko te mātauranga pūtaiao i hua mai i te tangata: i ahu mai i ngā ahurea katoa, ā, nō ngā ahurea katoa hoki. Ko te pūtaiao he mātauranga e pā ana ki te ao tūroa me te wāhanga ki te tangata i roto i taua ao tūroa. Ka whakamātau whakaaro e hāngai ana ki ngā wheako tairongo o te ao; he mātauranga hangore, ka tūpono hē, e taea te whakahou.
Ka whai tikanga te mātauranga pūtaiao i roto i ngā tūmomo hangarau maha o te ao tangata. Mā te pūtaiao ka anga whakamua te ao Māori. Ka whakahuihuitia ngā whakaaro o neherā, tae noa mai ki ngā whakaaro o ēnei rā, kia puta he mātauranga hou, arā, kia whānui ake te puna mātauranga.
Ka whakamanahia ngā tikanga arohaehae mai i te tirohanga Māori. Ka mau haere te ākonga i āna ake ‘kete’, arā, i āna ake tirohanga, ki te mātauranga, hei tūāpapa mō tāna ako i ngā tirohanga a ahurea kē.
Te Whaitake o te Ako i te Pūtaiao
Ka mātau te ākonga ki ngā pūkenga rangahau, ki te whakamātau, ki te tūhura, ki te whakaoti rapanga. Heoi anō, me mataara tonu te titiro ki ngā putanga mai o te pūtaiao i te ao. Ka pakari te ākonga ki te reo pūtaiao, ki te rongo ā-tinana, ā-wairua, ā-hinengaro. Me puare ki a ia ngā huarahi hei whakatutuki i ngā taumata mahi o te ao pūtaiao, engari kia pūmau tōna ngākau ki te taiao puta noa. Me rongo tonu te whatumanawa ki ngā nawe o tōna ao, kia kitea ai ngā huarahi hei whakatikatika.
Te Hanga o tēnei Wāhanga Ako
E whā ngā whenu o te Pūtaiao, ko Te Ao Tūroa, ko Ō Ahupūngao, ko Ō Kawekawe, ko Ngā Tautake Pūtaiao me ngā Kōrero o Mua. I tua atu i ērā, e toru ngā āhuatanga whānui o te Pūtaiao, arā, ko Ngā Momo Tūhuratanga, ko Te Reo Matatini o te Pūtaiao, ko Ngā Whakamahinga o te Pūtaiao. E kōtui ana ngā āhuatanga nei ki roto i ngā whenu.
Te Ao Tūroa
Ko tēnei te whenu tino nui. Kei roto i Te Ao Tūroa ngā tini aitanga, arā, a te tangata, a te tipu, a te kīrehe, a te ngārara, me ērā atu. Ka noho ngā rōpū atua hei kaitiaki o tēnei whenu, he raupapa Māori hei whakarārangi, hei whakamārama i te ao tūroa me te whanaungatanga i waenganui i ngā mea ora katoa. Mā tēnei whenu ka mōhiotia he mana tō te mauri o ngā mea katoa e kitea ana, e kaingia ana, e whakamahia ana e te tangata. E whā ngā wāhanga, ko Te Rauropi, ko Te Taiao, ko Papatūānuku, ko Ranginui.
Ō Ahupūngao
Kei roto i tēnei whenu ngā pūtake whakahaere i ngā āhuatanga o te ao tūroa, puta noa ki te ao mutunga kore. E tū tāwhiowhio ana a Tāwhirimātea hei kaitiaki o tēnei whenu. E toru ngā wāhanga, ko Te Tōpana me te Nekenga, ko Te Ngaru me te Ngotangota, ko Te Hiko me te Autō.
Ō Kawekawe
Kei roto i tēnei whenu ngā matū tino taketake e hangaia ai te ao tūroa, mai i te noke ki te whetū. E tū mataara ana a Rūaumoko hei kaitiaki o tēnei whenu. E toru ngā wāhanga, ko Ngā Āhuatanga me ngā Panoni Pūmatū, ko Te Whakamahi Pūmatū, ko Te Hanga Pūmatū.
Ngā Tautake Pūtaiao me ngā Kōrero o Mua
Mā tēnei whenu, ka tirohia te pūtaiao hei pūnaha mātauranga, me te whakahāngai a te ākonga i te mātauranga pūtaiao ki tōna ake ao. E whā katoa ngā whāinga paetae o tēnei whenu.
Nga Whāinga Pūtaiao
Ngā Momo Tūhuratanga
Ka oti te whakarōpū me te tautohu, te torotoro, te rapu tauira me te whakatauira, te whakamātau tika, te whakaoti rapanga, te hanga i tētahi mea, i tētahi pūnaha rānei.
Te Reo Matatini o te Pūtaiao
Ka pakari haere te mōhio ki te reo matatini o te pūtaiao, o te pāngarau, me ngā pūnaha tohu pūtaiao, ā, ka whakamahia ēnei reo matatini hei pānui, hei whakaatu i ōna ake whakaaro, tae atu ki ō ētahi atu.
Te Whakamahinga o te Pūtaiao
Ka ako mō ngā mahi me ngā kaimahi e whakaputaina ai ngā mātauranga pūtaiao. Ka whakahāngai i tōna mōhio pūtaiao ki ngā whakatau me ngā mahi o te ao tangata, arā, hei whakaaro ki ngā take ā-iwi, me ngā take whānui, e pā ana ki te tangata, te porihanga me te taiao.
Te Ao Tūroa |
Ō Ahupūngao |
Ō Kawekawe |
|---|---|---|
Te Rauropi 1. Ka mārama haere ki ngā tukanga koiora i roto i ngā rauropi katoa. Te Taiao 3. Ka mārama haere ki ngā momo koiora maha a Papatūānuku; me ngā pāhekoheko o te rauropi ki te rauropi, ā, ki te taiao whānui hoki. Papatūānuku 4. Ka mārama haere ki ngā hurihanga me ngā pūnaha a Papatūānuku, ngā hono me ngā pāhekoheko. Ranginui 5. Ka mārama haere ki ngā hurihanga me ngā pāhekoheko o ngā ao ātea, mai i tēnei ao, tae noa ki ngā whetū. |
Te Tōpana me te Nekenga 1. Ka mārama haere ki te tōpana me te nekenga, me te ako i ngā pūngao me ngā pāhekoheko e hāngai ana. Te Ngaru me te Ngotangota 2. Ka mārama haere ki te pōkākā, te aho, te oro, me ngā āhuatanga ngota, mā te ako i ngā huatau ngaru, ngotangota hoki, me ngā pūngao e hāngai ana. Te Hiko me te Auto 3. Ka mārama haere ki te hiko me te autō, me te ako i ngā pūngao me ngā pāhekoheko e hāngai ana. |
Ngā Āhuatanga me ngā Panoni Matu 1. Ka mārama haere ki ngā Te Whakamahi Pūmatu 2. Ka mārama haere ki ngā whakamahinga o te mātai matū, hei whakautu i ngā hiahia o te tangata. Te Hanga Matu 3. Ka whakamahi i ngā tauira me ngā pūnaha tohu hei whakaatu i te hanga korakora o te matū. |
Ngā Tautake Pūtaiao Me Ngā Kōrero o Mua |
||
Ka ako haere mō te pūnaha mātauranga o te pūtaiao, arā:
ngā pānga o te mātauranga pūtaiao ki te tangata, te ao tangata, me te taiao. |
||
Taumata 1 & 2 Pū me te More
Ngā Momo Tūhuratanga
Ka oti te whakarōpū me te tautohu, te torotoro, te rapu tauira me te whakatauira, te whakamātau tika, te whakaoti rapanga, te hanga i tētahi mea, i tētahi pūnaha rānei.
Te Reo Matatini o te Pūtaiao
Ka pakari haere te mōhio ki te reo matatini o te pūtaiao, o te pāngarau, me ngā pūnaha tohu pūtaiao, ā, ka whakamahia ēnei reo matatini hei whakaatu i ōna ake whakaaro, tae atu ki ō ētahi atu.
Te Whakamahinga o te Pūtaiao
Ka ako mō ngā mahi me ngā kaimahi e whakaputaina ai ngā mātauranga pūtaiao. Ka whakahāngai i tōna mōhio pūtaiao ki ngā whakatau me ngā mahi o te ao tangata, arā, hei whakaaro ki ngā take ā-iwi, me ngā take whānui, e pā ana ki te tangata, te porihanga me te taiao.
Te Ao Tūroa |
Ō Ahupūngao |
Ō Kawekawe |
|---|---|---|
Te Rauropi 1. Ka ako haere ko ētahi hiahiatanga kei ngā mea oreore katoa, kia noho ora ai. 2. Ka whakawhitiwhiti whakaaro mō ngā mea oreore, ka whakarōpū i runga i ngā rerekētanga. Te Taiao 3(i) Ka ako mō ngā kīrehe korehāhā, nō nehe rā anō i ora ai. 3(ii)Ka mārama haere ki ngā āhuatanga o ia mea oreore e rite ana kia whai oranga ai ia i tōna ake wāhi noho. Papatūānuku 4. Ka ako haere me pēhea te rū whenua me te puia e huri ai i te āhua o te takiwā, me ngā pānga ki te maunga, ki te awa hoki. Ranginui 5. Ka whakawhitiwhiti whakaaro mō Tama-nui-te[1]rā me te Marama, me ngā pānga ki a Papatūānuku |
Te Tōpana me te Nekenga 1. Ka torotoro me te whai wāhi atu ki te nekenga, te mānu, te pana, me te tō. Te Ngaru me te Ngotangota 2. Ka torotoro me te whai wāhi atu ki te aho, te ātārangi, te kano, te hanga oro, me te pōkākā. |
Ngā Āhuatanga me ngā Panoni Matū 1. Ka mātakitaki me te whakamārama i ngā āhuatanga nui, pēnei i te tae, i te kakano, i te rongo, o ngā matū e mōhio whānuitia ana, me ngā panoni e puta mai i te ranu, i te whakawera, i te whakamātao rānei i te matū. Te Whakamahi Pūmatū 2. Ka ako haere i ngā whakamahinga o ngā matū e mōhio whānuitia ana, me te hono ki ngā āhuatanga e kitea ana. |
.
Taumata 3 Te Weu
Ngā Momo Tūhuratanga
Ka oti te whakarōpū me te tautohu, te torotoro, te rapu tauira me te whakatauira, te whakamātau tika, te whakaoti rapanga, te hanga i tētahi mea, i tētahi pūnaha rānei.
Te Reo Matatini o te Pūtaiao
Ka pakari haere te mōhio ki te reo matatini o te pūtaiao, o te pāngarau, me ngā pūnaha tohu pūtaiao, ā, ka whakamahia ēnei reo matatini hei pānui, hei whakaatu i ōna ake whakaaro, tae atu ki ō ētahi atu.
Te Whakamahinga o te Pūtaiao
Ka ako mō ngā mahi me ngā kaimahi e whakaputaina ai ngā mātauranga pūtaiao. Ka whakahāngai i tōna mōhio pūtaiao ki ngā whakatau me ngā mahi o te ao tangata, arā, hei whakaaro ki ngā take ā-iwi, me ngā take whānui, e pā ana ki te tangata, te porihanga me te taiao.
Te Ao Tūroa |
Ō Ahupūngao |
Ō Kawekawe |
|---|---|---|
Te Rauropi 1. Ka ako haere i ngā āhuatanga motuhake o ngā rauropi e whai oranga ai tēnā me tēnā. 2. Ka whakarōpū whānui ā-pūtaiao i ētahi rauropi. Te Taiao 3. Ka mārama e rite ana te rauropi mō tōna wāhi noho, ā, tērā ka raru te rauropi ina rerekē taua wāhi noho. Papatūānuku 4(i)Ka ako haere i ngā pūtake o ngā āhuatanga ā-nuku o te takiwā, tae atu ki ngā tāpui wai. 4(ii)Ka ako haere mō te āta titiro, te tuhi me te matapae i te huarere. Ranginui 5. Ka āta tirotiro ki a Tama-nui-te[1]rā, te Marama, me ngā aorangi e kitea ā-kanohi, ā, ka ako haere i te whānau a Tama-nui-te-rā, te amiorangi horihori me te haere ki te ātea. |
Te Tōpana me te Nekenga 1. Ka torotoro, ka whai wāhi atu ki ngā tītohunga ā-rongo o te nekenga me te rere. Te Ngaru me te Ngotangota 2. Ka torotoro, ka whai wāhi atu ki ngā tītohunga ā-rongo o te hanga i ngā orotahi me ngā hā o te oro, te kawe me te ārai pōkākā. Te Hiko me te Autō 3. Ka torotoro, ka whai wāhi atu ki ngā tītohunga ā-rongo o ngā ara iahiko māmā me ngā autō. |
Ngā Āhuatanga me ngā Panoni Matū 1(i) Ka whakarōpū i ngā matū e mōhio whānuitia ana mā te mātakitaki me te ine i ngā āhuatanga ōkiko, kawekawe hoki, pēnei i te āhua-matū, te kiato, me te mehamehanga. 1(ii)Ka tautohu, ka whakarite i ngā panoni pūmau me ngā panoni rangitahi o ētahi matū. Te Whakamahi Pūmatū 2. Ka whakahāngai i ngā āhuatanga ōkiko, kawekawe hoki o ētahi tūmomo matū ki te whakamahinga hangarau, ki te tukanga māori rānei. |
Ngā Tautake Pūtaiao Me Ngā Kōrero o Mua |
||
1. Ka ako haere i ngā kōrero tūturu e whakamārama ana i ētahi āhuatanga o te ao māori. Ka whakatairite kōrero mai i ngā tirohanga a iwi kē. Ka tautohu i te mātauranga pūtaiao e tautoko ana i aua kōrero, ka torotoro hoki i te wāhi e pā ana ki te horopaki ahurea tūturu, ki ngā tautake o mua, ngā mātātika me ngā pūnaha uara. 2. Ka whakapakari māramatanga mō ngā hononga i waenganui i te pūtaiao me te porihanga, me ngā tukanga e tupu ngātahi ai. Ka kite i te wāhi ki te pūtaiao me te hangarau i roto i ngā mahi porihanga e whai pānga ana ki ngā tāngata whenua me ngā hauropi māori, i mua, i nāianei, ā, i ngā rā anō pea e heke mai ana. |
||
Taumata 4 Te Aka
Ngā Momo Tūhuratanga
Ka oti te whakarōpū me te tautohu, te torotoro, te rapu tauira me te whakatauira, te whakamātau tika, te whakaoti rapanga, te hanga i tētahi mea, i tētahi pūnaha rānei.
Te Reo Matatini o te Pūtaiao
Ka pakari haere te mōhio ki te reo matatini o te pūtaiao, o te pāngarau, me ngā pūnaha tohu pūtaiao, ā, ka whakamahia ēnei reo matatini hei pānui, hei whakaatu i ōna ake whakaaro, tae atu ki ō ētahi atu.
Te Whakamahinga o te Pūtaiao
Ka ako mō ngā mahi me ngā kaimahi e whakaputaina ai ngā mātauranga pūtaiao. Ka whakahāngai i tōna mōhio pūtaiao ki ngā whakatau me ngā mahi o te ao tangata, arā, hei whakaaro ki ngā take ā-iwi, me ngā take whānui, e pā ana ki te tangata, te porihanga me te taiao.
Te Ao Tūroa |
Ō Ahupūngao |
Ō Kawekawe |
|---|---|---|
Te Rauropi 1. Ka āhukahuka ki ngā tukanga koiora kei ngā rauropi katoa, me te mōhio anō he rerekē aua tukanga i ngā momo rerekē. 2. Ka whakarōpū whāiti ā-pūtaiao i ētahi rauropi. Te Taiao 3. Ka āhukahuka, ka whakamārama i ngā panoni o ngā momo koiora (me ngā mea motuhake o Aotearoa), o neherā tae noa ki tēnei wā. Papatūānuku 4(i) Ka mārama haere ki ngā āhuatanga nui o te mata o Papatūānuku, arā, te wai, te toka, te one, me ngā āhuatanga e taea ai te ora i reira. 4(ii)Ka mārama haere ki te hurihanga wai me ōna pānga ki te āhuarangi, te āhua o te whenua, me te koiora. Ranginui 5. Ka ako haere i ngā wāhanga o te whānau a Tama-nui-te-rā, tae atu ki ngā aorangi me ō rātou marama, e mārama haere ai ki ngā tawhiti, ki ngā āhuatanga hoki e pā ana ki te toro ātea. |
Te Tōpana me te Nekenga 1. Ka tūhura, ka whakamahi i te tauira pūtaiao hei whakaatu i te tōpana me te nekenga, me ētahi whakamahinga, pēnei i te waku, te kauwhiti me te tauru. Te Ngaru me te Ngotangota 2. Ka tūhura, ka whakamahi i te tauira pūtaiao hei whakaatu i te aho, te oro me te pōkākā. Te Hiko me te Autō 3. Ka tūhura, ka whakamahi i ngā tauira pūtaiao māmā mō ngā ara iahiko me ngā autō. |
Ngā Āhuatanga me ngā Panoni Matū 1(i) Ka whakarōpū i ētahi matū mā te mātakitaki me te ine i ngā āhuatanga ōkiko, kawekawe hoki, pēnei i te kawe hiko, te kawe pōkākā, me te waikawatanga. 1(ii)Ka tūhura i ngā panoni pūmau me ngā panoni rangitahi o ētahi matū, tae atu ki te tauhohe matū o te waikuratanga. Te Whakamahi Pūmatū 2. Ka whakahāngai i ngā āhuatanga ōkiko, kawekawe hoki o ētahi tūmomo matū ki te whakamahinga hangarau, ki te tukanga māori rānei. Te Hanga Matū 3. Ka ako haere i te āhua korakora o te matū hei whakamārama i ngā panoni matū e kitea ana. |
Ngā Tautake Pūtaiao Me Ngā Kōrero o Mua |
||
1. Ka ako haere i ngā kōrero tūturu e whakamārama ana i ētahi āhuatanga o te ao māori. Ka whakatairite kōrero mai i ngā tirohanga a iwi kē. Ka tautohu i te mātauranga pūtaiao e tautoko ana i aua kōrero, ka torotoro hoki i te wāhi e pā ana ki te horopaki ahurea tūturu, ki ngā tautake o mua, ngā mātātika me ngā pūnaha uara. 2. Ka whakapakari māramatanga mō ngā hononga i waenganui i te pūtaiao me te porihanga, me ngā tukanga e tupu ngātahi ai. Ka kite i te wāhi ki te pūtaiao me te hangarau i roto i ngā mahi porihanga e whai pānga ana ki ngā tāngata whenua me ngā hauropi māori, i mua, i nāianei, ā, i ngā rā anō pea e heke mai ana. |
||
Taumata 5 Te Rea
Ngā Momo Tūhuratanga
Ka oti te whakarōpū me te tautohu, te torotoro, te rapu tauira me te whakatauira, te whakamātau tika, te whakaoti rapanga, te hanga i tētahi mea, i tētahi pūnaha rānei.
Te Reo Matatini o te Pūtaiao
Ka pakari haere te mōhio ki te reo matatini o te pūtaiao, o te pāngarau, me ngā pūnaha tohu pūtaiao, ā, ka whakamahia ēnei reo matatini hei pānui, hei whakaatu i ōna ake whakaaro, tae atu ki ō ētahi atu.
Te Whakamahinga o te Pūtaiao
Ka ako mō ngā mahi me ngā kaimahi e whakaputaina ai ngā mātauranga pūtaiao. Ka whakahāngai i tōna mōhio pūtaiao ki ngā whakatau me ngā mahi o te ao tangata, arā, hei whakaaro ki ngā take ā-iwi, me ngā take whānui, e pā ana ki te tangata, te porihanga me te taiao.
Te Ao Tūroa |
Ō Ahupūngao |
Ō Kawekawe |
|---|---|---|
Te Rauropi 1. Ka tautohu i ngā hanga me ngā mahi o ngā tukanga koiora i te tipu, i te kīrehe, ā, ka whakaahua i ngā whakahaere o te pūtau. 2. Ka whakaahua i ngā tukanga koiora e pā ana ki te whakaputa uri, te iranga, me te tukunga iho ā-ira. Te Taiao 3. Ka tūhura i ngā hononga hauropi o te rauropi ki te rauropi (hei tauira, ko te raupapa me te māwhaiwhai kame), ki te taiao whānui hoki. Papatūānuku 4. Ka tūhura i te hanga, te hanganga, me ngā āhuatanga o Papatūānuku, o te kōhauhau hoki, me ngā pānga o tā te tangata mahi. Ranginui 5. Ka tūhura, ka whakatauira i ngā hurihanga e ahu mai ana i ngā pāhekoheko a Papatūānuku ki te Marama me Tama-nui-te-rā, pēnei i ngā āraitanga, i ngā tai, i ngā wāhanga o te tau. |
Te Tōpana me te Nekenga 1. Ka tūhura kia mārama haere ki te tōpana, te tere, te wā, te ānga, te pūngao neke me te pūngao moe, me te pūmau o te pūngao e hāngai ana. Te Ngaru me te Ngotangota 2. Ka tūhura kia mārama haere ki te whakaata me te hakoko o te aho, te pōkākā me te paemahana, tae atu ki te pūmau o te pūngao e hāngai ana. Te Hiko me te Autō 3. Ka tūhura kia mārama haere ki ngā ara iahiko māmā, te autōhiko me te hiko tū, tae atu ki te pūmau o te pūngao e hāngai ana. |
Ngā Āhuatanga me ngā Panoni Matū 1(i) Ka tūhura i ngā āhuatanga o ētahi rōpū pūmatū, hei tauira, te waikawa me te pāpāhua, te konganuku me te kora, tae atu ki te tauhohe ngingiha. 1(ii)Ka mōhio ki te rerekētanga o te pūmatū urutapu me te ranunga, o te pūmotu me te pūhui. Te Whakamahi Pūmatū 2. Ka whakahāngai i ngā āhuatanga o ētahi rōpū pūmatū ki ngā whakamahinga i te porihanga, ki ngā āhua māori rānei. Te Hanga Matū 3(i)Ka whakaahua i te hanga o te ngota o ētahi pūmotu. 3(ii)Ka mōhio ki ngā rerekētanga korakora o te pūmatū urutapu me te ranunga, o te pūmotu me te pūhui. |
Ngā Tautake Pūtaiao Me Ngā Kōrero o Mua |
||
1. Ka ako haere i ngā kōrero tūturu e whakamārama ana i ētahi āhuatanga o te ao māori. Ka whakatairite kōrero mai i ngā tirohanga a iwi kē. Ka tautohu i te mātauranga pūtaiao e tautoko ana i aua kōrero, ka torotoro hoki i te wāhi e pā ana ki te horopaki ahurea tūturu, ki ngā tautake o mua, ngā mātātika me ngā pūnaha uara. 2. Ka whakapakari māramatanga mō ngā hononga i waenganui i te pūtaiao me te porihanga, me ngā tukanga e tupu ngātahi ai. Ka kite i te wāhi ki te pūtaiao me te hangarau i roto i ngā mahi porihanga e whai pānga ana ki ngā tāngata whenua me ngā hauropi māori, i mua, i nāianei, ā, i ngā rā anō pea e heke mai ana. |
||
Taumata 6 Waonui
Ngā Momo Tūhuratanga
Ka oti te whakarōpū me te tautohu, te torotoro, te rapu tauira me te whakatauira, te whakamātau tika, te whakaoti rapanga, te hanga i tētahi mea, i tētahi pūnaha rānei.
Te Reo Matatini o te Pūtaiao
Ka pakari haere te mōhio ki te reo matatini o te pūtaiao, o te pāngarau, me ngā pūnaha tohu pūtaiao, ā, ka whakamahia ēnei reo matatini hei pānui, hei whakaatu i ōna ake whakaaro, tae atu ki ō ētahi atu.
Te Whakamahinga o te Pūtaiao
Ka ako mō ngā mahi me ngā kaimahi e whakaputaina ai ngā mātauranga pūtaiao. Ka whakahāngai i tōna mōhio pūtaiao ki ngā whakatau me ngā mahi o te ao tangata, arā, hei whakaaro ki ngā take ā-iwi, me ngā take whānui, e pā ana ki te tangata, te porihanga me te taiao.
Te Ao Tūroa |
Ō Ahupūngao |
Ō Kawekawe |
|---|---|---|
Te Rauropi 1. Ka whakahāngai i ngā āhuatanga ā-tinana me ngā mahi o te tipu, o te kīrehe, o te moroiti, ki ā rātou tukanga koiora, ā ka tūhura i ngā āhuatanga taiao e pāpā ana ki aua tukanga. 2. Ka torotoro tauira e pā ana ki te tukunga iho o ngā āhuatanga ā-ira. Te Taiao 3(i) Ka whakamārama he mea nui te rerekētanga ā-ira i roto i te taiao hurihuri. 3(ii)Ka tūhura i te pānga mai o ngā mahi a te tangata, me ngā tukanga māori, ki tētahi pūnaha-hauropi i Aotearoa. Papatūānuku 4(i) Ka mārama me pēhea te ariā nukupapa me ērā atu tukanga ā[1]nuku e whakarite ai, e huri ai, i te mata o Papatūānuku. 4(ii)Ka tūhura i ngā hurihanga ā[1]nuku, ā-Tāwhiri, ā-rangi hoki, e whakarerekē ana i ngā āhuatanga whaiora i runga i a Papatūānuku i te takanga o te wā. Ranginui 5. Ka whakamārama i ngā tūmomo hangarau (pēnei i ngā tūmomo karu whātata, ngā amiorangi, ngā waka ātea) hei ako haere, hei torotoro i te whānau a Tama-nui-te-rā me te ao tukupū, i ngā hononga mokowā e pāpā mai ana ki a Papatūānuku. |
Te Tōpana me te Nekenga 1. Ka tūhura i ngā ia me ngā hononga o te tōpana, te tere, te whakatere, te tō-ā[1]papa, te ānga, te mahi; me ngā pūngao, ngā whakamahinga hoki, e hāngai ana. Te Ngaru me te Ngotangota 2(i) Ka tūhura i ngā ia me ngā hononga o te whakawhitinga pūngao pōkākā, te ōpunga, te ārai pōkākā, tae atu ki ngā pūngao, ngā whakamahinga hoki, e hāngai ana. 2(ii)Ka ako haere i ngā hautau māmā o te ahupūngao karihi. Te Hiko me te Autō 3. Ka tūhura i ngā ia me ngā hononga o te hiko tū, o ngā momo ara iahiko, o te autōhiko, tae atu ki ngā pūngao, ngā whakamahinga hoki, e hāngai ana. |
Ngā Āhuatanga me ngā Panoni Matū 1(i) Ka tautohu i ngā tauira me ngā ia o ngā āhuatanga o ētahi rōpū pūmatū, hei tauira, te waikawa me te pāpāhua, ngā konganuku, ngā pūhui konganuku, ngā waiwaro. 1(ii)Ka tūhura i ngā āhuatanga e whai pānga ana ki te haere o te tukanga kawekawe. Te Whakamahi Pūmatū 2. Ka torotoro i ētahi huarahi hangarau hei whakamahi pūmatū e arohia ai ngā hiahia o te porihanga. Te Hanga Matū 3(i) Ka mōhio ki ngā rerekētanga korakora o te ngota, te rāpoi ngota, me te katote (me uru mai te honohono katote, te honohono ngātahi hoki). 3(ii)Ka whakahāngai i te hanganga ngota ki te raupapatanga o te Taka Pūmotu. 3(iii)Ka whakamārama, mā te ariā korakora, i ngā āhuatanga e whai pānga ana ki te haere o te tukanga kawekawe. |
Tautake Pūtaiao Me Ngā Kōrero o Mua |
||
a ako i ngā huatau matua me ngā kōrero o mua o te pūtaiao, me ngā wāhi i roto i ngā pou pūtaiao. |
||
Taumata 7 Te Kune
Ngā Momo Tūhuratanga
Ka oti te whakarōpū me te tautohu, te torotoro, te rapu tauira me te whakatauira, te whakamātau tika, te whakaoti rapanga, te hanga i tētahi mea, i tētahi pūnaha rānei.
Te Reo Matatini o te Pūtaiao
Ka pakari haere te mōhio ki te reo matatini o te pūtaiao, o te pāngarau, me ngā pūnaha tohu pūtaiao, ā, ka whakamahia ēnei reo matatini hei pānui, hei whakaatu i ōna ake whakaaro, tae atu ki ō ētahi atu.
Te Whakamahinga o te Pūtaiao
Ka ako mō ngā mahi me ngā kaimahi e whakaputaina ai ngā mātauranga pūtaiao. Ka whakahāngai i tōna mōhio pūtaiao ki ngā whakatau me ngā mahi o te ao tangata, arā, hei whakaaro ki ngā take ā-iwi, me ngā take whānui, e pā ana ki te tangata, te porihanga me te taiao.
Te Ao Tūroa |
Ō Ahupūngao |
Ō Kawekawe |
|---|---|---|
Te Rauropi 1. Ka torotoro i ngā rerenga tukanga koiora o te tipu, o te kīrehe. 2. Ka mārama ki te pāhekoheko o te pītau-ira me te taiao i roto i te whakatinana ira. Te Taiao 3(i) Ka whakamārama me pēhea e puta ai ngā panoni ā-ira ki rō taupori i ngā pāhekoheko o ngā āhuatanga taiao me te whiringa māori. 3(ii)Ka torotoro i ngā tauira horahora hauropi, ā, ka whakamārama i ētahi take mō aua tauira. Papatūānuku 4(i) Ka mārama haere me pēhea te tukanga nukupapa, me ērā atu āhuatanga ā-nuku, e hanga ai, e panoni ai i te mata o Papatūānuku. 4(ii)Ka mārama me pēhea e taea ai e ngā mahi a te tangata te whakarerekē i ngā hurihanga e tautoko ana i te ora i runga i a Papatūānuku. Ranginui 5. Ka whakamārama i ngā āhuatanga me ngā hurihanga-ora o ētahi tūmomo whetū, tae atu ki ngā panoni pūngao me te wā. |
Te Tōpana me te Nekenga, Te Ngaru me te Ngotangota, Te Hiko me te Autō (i) Ka tūhura i ēnei tītohunga ā-rongo ki te whakamārama kounga, tatau hoki, i ētahi pūāhua kāore e mōhio whānuitia ana. (ii) Ka tātari raraunga ki te whakatau i ngā ia, i ngā hononga matatini o ētahi tītohunga ā-rongo. (iii) Ka whakamahi i ngā huatau ahupūngao ki te whakamārama i tētahi whakamahinga hangarau, whakamahinga koiora rānei, o te ahupūngao. |
Ngā Āhuatanga me ngā Panoni Matū 1. Ka tūhura, ka ine i ngā āhuatanga kawekawe me te ōkiko o ētahi rōpū pūmatū pēnei i te waikawa me te pāpāhua, me ētahi pūhui whaiwaro, pūhui warokore hoki. Te Whakamahi Pūmatū 2. Ka whakamārama i te ao māori mā te mātai matū, ka whakamārama hoki me pēhea e whakamahia ai e te porihanga hei whakaea hiahia, hei whakaoti take, hei whakaputa hoki i te momo hangarau hou. Te Hanga Matū 3(i) Ka mōhio ki te pānga o te hanga me te honohono ki ngā āhuatanga o te pūmatū. 3(ii)Ka mārama haere, ka whakamahi i ngā huatau matū taketake (hei tauira, ngā mātāpono taurite) hei whakamārama mātakinga. |
Ngā Tautake Pūtaiao Me Ngā Kōrero o Mua |
||
1. Ka ako i ngā huatau matua me ngā kōrero o mua o te pūtaiao, me ngā wāhi i roto i ngā pou pūtaiao. Ka ako haere e pā ana ki ngā huringa tautake o te pūtaiao e tupu haere ana. 2. Ka mārama haere ki ngā huatau o te tautake o te mātauranga, kia kite ai i ngā uara taketake o te pūtaiao, he rerekē i ērā o te tangata whenua. Ka mārama haere ki ngā tikanga whakahaere o te mātauranga pūtaiao, me te ako i ngā kōrero mō ētahi tauira whakapai, whakakino rānei. Ka tirohia ētahi take porihanga o ēnei rā e pā ana ki ngā matatika pūtaiao, me pēhea hoki e uruparehia ai. |
||
Taumata 8 Te Whē
Ngā Momo Tūhuratanga
Ka oti te whakarōpū me te tautohu, te torotoro, te rapu tauira me te whakatauira, te whakamātau tika, te whakaoti rapanga, te hanga i tētahi mea, i tētahi pūnaha rānei.
Te Reo Matatini o te Pūtaiao
Ka pakari haere te mōhio ki te reo matatini o te pūtaiao, o te pāngarau, me ngā pūnaha tohu pūtaiao, ā, ka whakamahia ēnei reo matatini hei pānui, hei whakaatu i ōna ake whakaaro, tae atu ki ō ētahi atu.
Te Whakamahinga o te Pūtaiao
Ka ako mō ngā mahi me ngā kaimahi e whakaputaina ai ngā mātauranga pūtaiao. Ka whakahāngai i tōna mōhio pūtaiao ki ngā whakatau me ngā mahi o te ao tangata, arā, hei whakaaro ki ngā take ā-iwi, me ngā take whānui, e pā ana ki te tangata, te porihanga me te taiao.
Te Ao Tūroa |
Ō Ahupūngao |
Ō Kawekawe |
|---|---|---|
Te Rauropi 1. Ka tūhura i ngā tukanga kukuwhatanga i puta ake ai te kanorau koiora i runga i a Papatūānuku; ka tirotiro i te wāhanga me te pānga o te tangata i roto i aua tukanga. 2. Ka mārama ki te raweke ā-pūtaiao i te whakawhitinga mōhiohio ā-ira, ā, ka hanga whakatau mutunga mārama tonu mō ngā pānga pāpori, matatika, koiora hoki e pā ana ki tēnei mahi. Te Taiao 3. Ka mārama ki ngā hononga o te rauropi ki tōna taiao. Papatūānuku 4. Ka whakawhanake māramatanga ki ngā pāhekoheko, i roto i te wā, o te mahi a te tangata ki ngā hurihanga māori o Papatūānuku. Ranginui 5. Ka whakamahi i ngā huatau mō te tawhiti, te wā, me te tō-ā-papa, hei tūhura i ngā tūāhua ā-rangi me ngā mōhiotanga hou mō te ikarangi me te ao tukupū. |
Te Tōpana me te Nekenga, Te Ngaru me te Ngotangota, Te Hiko me te Autō (i) Ka tūhura i ēnei tītohunga ā-rongo ki te whakamārama kounga, tatau hoki, i ētahi pūāhua kāhore e mōhio whānuitia ana. (ii) Ka tātari, ka arotake raraunga ki te whakatau i ngā ia, i ngā hononga matatini o ētahi tītohunga ā-rongo. (iii) Ka whakamahi huatau ahupūngao ki te whakamārama i tētahi whakamahinga ā-hangarau, ā[1]koiora,ā-rangi rānei, o te ahupūngao, me te matapaki i ētahi take e puta ake ana. |
Ngā Āhuatanga me ngā Panoni Matū 1. Ka tūhura, ka ine i ngā āhuatanga kawekawe me te ōkiko o ētahi rōpū pūmatū pēnei i te waikawa me te pāpāhua, me ētahi pūhui whaiwaro, pūhui warokore hoki. Te Whakamahi Pūmatū 2. Ka whakamārama i te ao māori mā te mātai matū, ka whakamārama hoki me pēhea e whakamahia ai e te porihanga hei whakaea hiahia, hei whakaoti take, hei whakaputa hoki i te momo hangarau hou. Te Hanga Matū 3(i) Ka mōhio ki te pānga o te hanga me te honohono ki ngā āhuatanga o te pūmatū. 3(ii)Ka mārama haere, ka whakamahi i ngā huatau matū taketake (hei tauira, ngā mātāpono taurite) hei whakamārama mātakinga.. |
Ngā Tautake Pūtaiao Me Ngā Kōrero o Mua |
||
1. Ka ako i ngā huatau matua me ngā kōrero o mua o te pūtaiao, me ngā wāhi i roto i ngā pou pūtaiao. Ka ako haere e pā ana ki ngā huringa tautake o te pūtaiao e tupu haere ana. 2. Ka mārama haere ki ngā huatau o te tautake o te mātauranga, kia kite ai i ngā uara taketake o te pūtaiao, he rerekē i ērā o te tangata whenua. Ka mārama haere ki ngā tikanga whakahaere o te mātauranga pūtaiao, me te ako i ngā kōrero mō ētahi tauira whakapai, whakakino rānei. Ka tirohia ētahi take porihanga o ēnei rā e pā ana ki ngā matatika pūtaiao, me pēhea hoki e uruparehia ai. |
||
Kupu Taka
aho |
light |
āhua-matū |
state of matter |
ahupūngao karihi |
nuclear physics |
ānga |
momentum |
ā-nuku |
geological |
ao tukupū |
universe |
aorangi |
planet |
ara iahiko |
electrical circuit |
ārai |
insulate |
āraitanga |
eclipse |
ā-rangi |
astronomical |
ariā korakora |
particle theory |
ariā nukupapa |
tectonic plate theory |
ātārangi |
shadow |
ā-Tāwhiri |
atmospheric |
autō |
magnet(ism) |
autōhiko |
electromagnet(ism) |
hā (o te oro) |
tone (of sound) |
hakoko |
refract(ion) |
hangore |
flexible |
hauropi |
ecology, ecological |
hiko |
electricity |
hiko tū |
static electricity |
honohono katote |
ionic bonding |
honohono ngātahi |
covalent bonding |
hononga mokowā |
spatial relationship |
hurihanga |
cycle |
hurihanga-ora |
life-cycle |
ikarangi |
galaxy |
iranga |
genetics |
kakano |
texture |
kanorau koiora |
biodiversity |
katote |
ion |
kauwhiti |
lever |
kawe |
conduct |
kawekawe |
chemical |
kiato |
density |
kīrehe |
animal |
kōhauhau |
atmosphere |
koiora |
biology |
konganuku |
metal |
korakora |
particle (chemical) |
korehāhā |
extinct |
kounga (kupu āhua) |
qualitative |
kukuwhatanga |
evolution |
mānu |
float |
māori |
natural |
mātakinga |
observation |
mātātika |
ethics |
matū |
matter |
māwhaiwhai kame |
food web |
mehamehanga |
solubility |
momo |
species |
moroiti |
micro-organism |
nekenga |
motion |
ngaru |
wave |
ngota |
atom |
ngotangota |
particle (subatomic) |
ōkiko |
physical (i.e. nonchemical) |
ōpunga |
heat capacity |
oreore |
alive |
oro |
sound |
orotahi |
note (of sound) |
paemahana |
temperature |
pana |
push |
panoni |
change |
panoni pūmau |
permanent change |
panoni rangitahi |
temporary change |
pāpāhua |
base (vs. acid) |
pītau-ira |
DNA |
pōkākā |
heat |
pūhui |
compound |
pūhui konganuku |
metal compound |
puia |
volcano |
pūmau o te pūngao |
conservation of energy |
pūmotu |
element |
puna ira |
gene pool |
pūnaha |
system |
pūnaha mātauranga |
knowledge system |
pūnaha tohu |
symbol system |
pūnaha-hauropi |
ecosystem |
pūngao |
energy |
pūngao moe |
potential energy |
pūngao neke |
kinetic energy |
ranu(nga) |
mix(ture) |
rāpoi ngota |
molecule |
raupapa kame |
food chain |
rauropi |
organism |
rere |
flight |
rerekētanga ā-ira |
genetic variation |
rongo |
odour |
rū whenua |
earthquake |
tae |
colour |
tahu |
burn |
tairongo |
sensory |
Taka Pūmotu |
Periodic Table |
tāpui wai |
water reserve |
tatau (kupu āhua) |
quantitative |
tauhohe matū |
chemical reaction |
tauira |
model; pattern |
tauira horahora hauropi |
ecological distribution pattern |
taupori |
population |
taurite |
equilibrium |
tauru |
pulley |
tautake |
philosophy |
tipu |
plant |
tītohunga ā-rongo |
physical phenomenon |
tō |
pull |
tō ā-papa |
gravity |
tōpana |
force |
toro ātea |
space exploration |
tuhi |
record |
tukunga iho |
inheritance |
uara ā-hinengaro |
cognitive values |
uara ā-wairua |
moral values |
urutapu |
pure |
wāhi noho |
habitat |
waikawa |
acid |
waikura |
rust |
waiwaro |
hydrocarbon |
waku |
friction |
warokore |
inorganic (chemical) |
whai wāhi atu |
to experience |
whaiwaro |
organic (chemical) |
whakaata |
reflect |
whakamātau tika |
fair test |
whakaoti rapanga |
problem-solving |
whakaputa uri |
reproduction |
whakatauira |
modelling |
whakatinana ira |
gene expression |
whānau a Tama-nuite-Rā |
solar system |
whiringa māori |
natural selection |
Heading
Hangarau
Ko te wāhanga ako Hangarau o roto i Te Marautanga o Aotearoa. Ko ngā whakamārama, ko ngā whāinga paetae anō hoki mai i te Taumata 1 ki te Taumata 8.
1 of 9Ngā Toi
Ko te wāhanga ako Ngā Toi o roto i Te Marautanga o Aotearoa. Ko ngā whakamārama, ko ngā whāinga paetae anō hoki mai i te Taumata 1 ki te Taumata 8.
2 of 9Ngā Reo
Ko te wāhanga ako Ngā Reo o roto i Te Marautanga o Aotearoa. Ko ngā whakamārama, ko ngā whāinga paetae anō hoki mai i te Taumata 1 ki te Taumata 8.
3 of 9Te Anga
Te Marautanga o Aotearoa
4 of 9Tikanga ā-Iwi
Ko te wāhanga ako Tikanga ā-iwi o roto i Te Marautanga o Aotearoa. Ko ngā whakamārama, ko ngā whāinga paetae anō hoki mai i te Taumata 1 ki te Taumata 8.
5 of 9Pāngarau
Ko te wāhanga ako Pāngarau o roto i Te Marautanga o Aotearoa. Ko ngā whakamārama, ko ngā whāinga paetae anō hoki mai i te Taumata 1 ki te Taumata 8.
6 of 9Te Marautanga o Aotearoa Whakapākehātanga
Te Marautanga o Aotearoa Whakapākehātanga
7 of 9Te Reo Māori
Ko te wāhanga ako Te Reo Māori o roto i Te Marautanga o Aotearoa. Ko ngā whakamārama, ko ngā whāinga paetae anō hoki mai i te Taumata 1 ki te Taumata 8.
8 of 9Te Reo Pākehā
Ko te wāhanga ako Te Reo Pākehā o roto i Te Marautanga o Aotearoa. Ko ngā whakamārama, ko ngā whāinga paetae anō hoki mai i te Taumata 1 ki te Taumata 8.
9 of 9
Mō te rauemi
Ko te wāhanga ako Pūtaiao o roto i Te Marautanga o Aotearoa. Ko ngā whakamārama, ko ngā whāinga paetae anō hoki mai i te Taumata 1 ki te Taumata 8.
Wāhanga Ako: Pūtaiao
Taumata: Taumata 1, Taumata 2, Taumata 3, Taumata 4, Taumata 5, Taumata 6, Taumata 7, Taumata 8
Kaupapa: Te Marautanga o Aotearoa