Reo Tupu

Ka taea te whakamahi mō te pānui ngātahi, te pānui ārahi me te pānui motuhake. 

He kōrero ngāwari ēnei, ā, kei roto ngā kupu auau me ngā anga wetereo tāruarua.

E hāngai ana ia pukapuka pānui ki:

1. Ngā Whāinga Paetae i roto i ngā arataki marau mō te reo Māori, Te Aho Arataki Marau mō te Ako i Te Reo Māori  http://tereoMāori.tki.org.nz/Curriculum-guidelines.

2. Ngā kaupapa e waru i roto i te rauemi rongorau, He Reo Tupu He Reo Ora

E tika ana ngā pukapuka pānui mā:

• Ngā ākonga i ngā kura auraki e ako ana i te reo (Ngā Tau 1-6);

• Ngā ākonga i ngā kura Māori e ako ana ki te Taumata 1-3; 

• Ngā mokopuna kei roto i ngā kōhanga, ngā puna reo me ngā whare kōhungahunga – mō te pānui ngātahi; 

• te whānau e hiahia ana ki te whakatairanga i te reo ki te kāinga.

Ka whakamahia ngā pukapuka pānui e ngā kaiako hei āwhina i ngā ākonga kia ako ki ngā tikanga reo matatini whaitake, hei tauira 

• te ako i ngā kupu hou; 

• te kōrero i ngā āhuatanga o te reo;

• te whakahua tika ina pānui ā-waha ana;

• te whakawhanake i ngā pūkenga kōkiri kupu; 

• te whakamārama i ngā kaupapa i roto i te tuhinga;

• te tūhono i ngā kōrero ki ngā wheako matawhaiaro.

E tautokona ana ngā ī-pukapuka pānui e:

• ngā tuhinga tuihono mā ngā kaiako, tae atu ki:

  • ētahi whakaaro mō ngā mahi/ngohe reo tuarua 

  • te whakamārama i te wetereo me te tikanga 

  • ngā mahere paearu kounga aromatawai (e hāngai ana ki ngā Whāinga Paetae i roto i ngā arataki marau mō te reo Māori)

  • ngā waiata

  • ngā marohi mō ngā pānuitanga hāngai

• ngā tauira pukapuka iti.