Te Whakaatu Tāpiritanga
Te Whakaatu Tāpiritanga
He Kōwae Ako Pāngarau
He kōwae ako e aro ana ki ētahi momo hoahoa hei whakaatu tāpiritanga, me te whakaatu tāpiritanga hei whārite. Ka mātua tūhuratia te rautaki 'tatau ake' hei whakaoti tāpiritanga. Ka whakaaturia te hononga ki te marautanga, ngā whāinga ako, ngā rauemi ka whakamahia, te rārangi o ngā kupu matua, tae atu ki te raupapatanga o ngā mahi ako.
3. Ka whakaoti rapanga e whai wāhi mai ana te tauoti me te hautau māmā, ka whakamārama hoki i te rautaki: rautaki tatau; rautaki whakarōpū; rautaki tohatoha ōrite.
Taumata 1
Te Tau me te Taurangi
Whāinga Paetae 3 (Ngā Rautaki Tau):
Ka whakaoti rapanga e whai wāhi mai ana te tauoti me te hautau māmā, ka whakamārama hoki i te rautaki tatau.
Kia mōhio te ākonga ki:
- te whakaatu tāpiritanga ki ētahi momo hoahoa rerekē, pērā i te rārangi tau, te anga tekau me te hoahoa huinga
- te tuhi whārite hei whakaatu tāpiritanga
- te tatau ake hei whakaoti tāpiritanga
He maha ngā momo hoahoa hei whakaatu tāpiritanga. Ko te wāhi nui ki ēnei momo hoahoa, hei āwhina i ngā whakaaro o te ākonga, hei āta whakaatu anō i te rautaki e whāia ana. Mā te whakamahi tae rerekē e tino kitea ai ngā huinga (tauhono) e rua e tāpiria ana. Hei tauira:
he anga tekau (Rauemi Tārua 4-6 o Te Poutama Tau)
he porotiti
he ngaku tau wātea (Whārangi Tārua 1)
he rārangi tau 0-10 (Whārangi Tārua 2)
he rārangi tau 0-20 (Whārangi Tārua 3)
anga tekau |
tens frame |
|---|---|
hoahoa |
diagram |
hoahoa huinga |
set diagram |
ngaku kāri |
cardboard strip |
ngaku tau |
number strip |
porotiti |
counter |
rārangi tau |
number line |
tatau ake |
count on |
tauhono |
addend |
whārite |
equation |
Torohia te pouaka "Mō te rauemi" ki raro nei e kitea ai ngā rauemi hāngai:
- Te-Whakaatu-Tāpiritanga (.pdf)
- Te-Whakaatu-Tāpiritanga-Whārangi_Tārua-1 (.pdf)
- Te-Whakaatu-Tāpiritanga-Whārangi_Tārua-2 (.pdf)
- Te-Whakaatu-Tāpiritanga-Whārangi_Tārua-3 (.pdf)
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
Mō te rauemi
Wāhanga Ako: Pāngarau
Kohinga Whāiti: He Kōwae Ako Pāngarau
Taumata: Taumata 1
