Te Taurangi
Te Taurangi
He Kōwae Ako Pāngarau
He kōwae ako e aro ana ki tēnei mea te taurangi, me te hono anō i te taurangi ki ētahi horopaki o ia rā. Ka whai wāhi atu ko te whakaatu i te pānga o ētahi taurangi e rua ki te kauwhata. Ka whakaaturia te hononga ki te marautanga, ngā whāinga ako, ngā rauemi ka whakamahia, te rārangi o ngā kupu matua, tae atu ki te raupapatanga o ngā mahi ako.
8. Ka whakaatu pānga rārangi: mā te whārite whai taurangi (ka whakaoti hoki i te whārite); mā te ture; mā te kauwhata.
Kia mōhio te ākonga ki:
- ngā tikanga o tēnei mea te taurangi.
- te tuhi kauwhata rārangi hei whakaatu taurangi, hei whakaatu hononga i waenganui i ngā taurangi e rua.
- te whakamārama i te ia o tētahi kauwhata, te hononga rānei i waenganui i ētahi taurangi e rua
He whakamārama mō tēnei mea te taurangi:
Ko te taurangi tētahi rahinga kāore e noho pūmau te uara. Ka rerekē haere, ka taea rānei te whakarerekē. Anei ētahi tauira o tēnei mea te taurangi:
- Ko te taima e tō ai te rā i te ahiahi. Kāore e noho pūmau, ka rerekē haere. Ka taea te whakaatu ki te :
te 1 o Kohitātea |
te 1 o Hui tanguru |
te 1 o Poutu te rangi |
te 1 o Paenga whāwhā |
te 1 o Haratua |
te 1 o Pipiri |
8:32 |
8:13 |
7:43 |
6:38 |
6:24 |
5:54 |
- Ko te tāroaroa o tētahi tamaiti. Kāore e noho pūmau, ka rerekē haere i roto i te takanga o te wā. Ka taea te whakaatu ki te tūtohi:
| te pakeke o te tamaiti | 2 |
4 |
6 |
8 |
10 |
12 |
14 |
| tōna tāroaroa (cm) | 85 |
100 |
113 |
127 |
138 |
149 |
160 |
- Ko te maha o ngā pīkaokao me rau atu ki te hāngi me te tokomaha o te manuhiri. Ka taea te whakaatu ki te tūtohi:
| ngā pīkaokao (p) | 5 |
10 |
15 |
20 |
25 |
30 |
| ngā manuhiri (m) | 30 |
60 |
90 |
120 |
150 |
180 |
Ka whakaaturia te taurangi ki te pū (reta). Hei tauira:
p = te maha o ngā pīkaokao m = te tokomaha o ngā manuhiri
He papa rākau hei hanga rōnaki
He pepa tukutuku hei tuhi kauwhata
Ētahi pōro rerekē
kai whakauru |
ingredients |
|---|---|
kauwhata rārangi hiato |
composite line graph |
curve |
|
kurawai |
water tank |
predict |
|
pēkena paura |
baking powder |
double |
|
incline/slope |
|
variable |
|
tohutaka |
recipe |
horizontal avis |
|
vertical axis |
|
investigation |
|
table (of data) |
Tuatahi: Te Taurangi
Whakaaturia te tohutaka nei mō te tunu parāoa pēkena paura, tonoa rānei mā ngā tamariki e kimi tētahi tohutaka.
Torohia te pouaka "Mō te rauemi" ki raro nei e kitea ai ngā rauemi hāngai:
- Te-Taurangi (.pdf)
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
Mō te rauemi
Wāhanga Ako: Pāngarau - Te Tau me te Taurangi
Kohinga Whāiti: He Kōwae Ako Pāngarau
Taumata: Taumata 4
