Nukutawhiti

Ngāpuhi

He hōtaka tukutuku ā-hākoritanga ka whakaahua i te haerenga mai o Nukutawhiti i Hawaiki nui ki Hokianga Whakapau Karakia. Ko Nukutawhiti te kaihautū o te waka o Ngātokimatawhaorua i haere mai i Hawaiki nui ki Hokianga Whakapau Karakia. He mokopuna nā Kupe, he tohunga pūtaiao, he tohunga ahurewa, he tohunga tārai waka me te whakatere waka. Ko ngā kōrero ka tākina e te hōtaka tukutuku nei ko:

ngā kāwai whakapapa whānui o Nukutawhiti
te take i wehe atu ia i Hawaiki
ngā mahi a te tohunga
te tāraitanga o Ngātokimatawhaorua
ngā mahi whakariterite mō te haerenga
te whakatere waka
te taenga atu ki Hokianga

Nukutawhiti

Developer:

He whakamahuki
Te hononga ki TMoA
Ngohe taunaki i te taupānga
He rauemi tautoko

He whakamārama

Ko Nukutawhiti te kaihautū o te waka o  Ngātokimatawhaorua i haere mai i Hawaiki nui  ki Hokianga Whakapau Karakia. He  mokopuna nā Kupe, he tohunga pūtaiao, he tohunga ahurewa, he tohunga tārai waka me te whakatere waka.

He aha te rauemi?

He hōtaka tukutuku ā-hākoritanga ka whakaahua i te haerenga mai o Nukutawhiti i Hawaiki nui ki Hokianga Whakapau Karakia. Ko ngā kōrero ka tākina e te hōtaka tukutuku nei ko…

ngā kāwai whakapapa whānui o Nukutawhiti
te take i wehe atu ia i Hawaiki
ngā mahi a te tohunga
te tāraitanga o Ngātokimatawhaorua
ngā mahi whakariterite mō te haerenga
te whakatere waka
te taenga atu ki Hokianga

Ka āpitihia he ngohe pāhekoheko mō ngā wāhanga matua o te haerenga hei whakatutuki mā ngā ākonga.

Whāinga

Kia whakaohooho i te kākano o pitomata me te mana whakaheke kei roto i tēnā ākonga, kei roto i tēnā māhuri tōtara. Kia tuituia te herenga tangata ki ōna whakapapa, ki ōna kōrero tuku iho, ki tōna tuakiritanga anō hoki.

Akoranga o mua

Whakapapa mai i a Kupe ki a Nukutawhiti
Te tono a Nukutawhiti ki a Kupe mō Matawhaorua
Ngā toki e rua i tārai i a Matawhaorua
Ruanui me te waka o Māmari
Ngā taniwha e 4 i tukua e Kupe hei korowai atawhai mō Nukutawhiti me Ruanui: Puhi Moana Ariki (Puhi Te Āewa)

Rangi Uru Hinga

Ara-i-te-uru

Niua (Niwa/Niniwa)

Ngā ngaru tapu e toru o Nukutawhiti me Ngāpuhi:

Ngarunui

Ngaruroa

Ngarupaewhenua

Ngāpuhi me Te Āewa
Te karakia nā Nukutawhiti, ‘E kau ki te tai e’
Ngāpuhi whakataukī: “Kotahi ki reira, ki Araiteuru. Kotahi ki reira, ko Niniwa. Ā, homai he toa, he kaha, e aua taniwha, ki Ngāpuhi!”
Hokianga Whakapau Karakia

Te hononga ki TMoA

Taumata 1–4

Ahakoa te pakeke me te taumata ako o ngā ākonga, ka taea e koe te tuitui i te whakamahinga o te taupānga ki ngā wāhanga kaupapa o raro iho nei.

TMoA	Whenu	Aho
Pāngarau	Te Ine me te Āhuahanga	Te Wāhi me te Ahunga
Tikanga ā-iwi	Te Wāhi me te Taiao	Pāhekoheko / Matawhenua
Pūtaiao	Ō Ahupūngao	Te Tōpana me te Nekenga
Hangarau	Te Whakaharatau Hangarau	Ngā Hanga me ngā Pūhanga Manawa

Ngohe taunaki i te taupānga

Te Wāhanga o TMoA	Te Whenu Whāinga Paetae	Kawenga mā te kaiako	Tūmahi mā ngā ākonga
Pūtaiao	Ō Ahupūngao	Te Waka Hourua	Mahi ā-rōpū
Hononga: Te Reo: (ā-waha) Hauora Hangarau	Te Tōpana me te Nekenga Ka tūhura kia mārama haere ki te tōpana, te tere, te wā, te ānga, te pūngao neke me te pūngao moe, me te pūmau o te pūngao e hāngai ana	Ngohe: Mātakitakina ngā pakipūmeka e toru o Hekenukumai Busby me te rerenga mai o Kupe mā ngā kāhui whetū ki Aotearoa. Mutunga kē mai nei o te tino mīharo rawa atu. He matapihi ki te haerenga mai o Nukutawhiti ki Hokianga. Pāwhiri te hononga o raro iho nei… Kupe – Voyaging by the Stars Whakaritea ētehi pātai hei whakautu mā ngā ākonga, whiriwhiria ētehi kaupapa hei āta matapakihia mā koutou. Anei ētahi tauira pātai hei māhirahira mā ngā ākonga. Kāri Pātai	Tū Mahi: Āta whakarongo, āta titiro, āta matapakihia, whakautua ngā pātai Whāinga: Ka mārama haere ki… Ngā tikanga taki karakia ki rō ngahere, ngā tikanga mō te tope rākau me te tārai waka, te whakatere waka, te pānui i ngā whetū me te moana, ngā hononga i waenga i ngā moutere o Poronēhia, ngā mōteatea, te tāmoko, te whakapono, te mahi tahi,
Pāngarau	Te Wāhi me te Ahunga	Kāpehu Whetū	Mahi takitahi
Hononga: Te Reo: (ā-waha) Pūtaiao Tikanga ā-iwi Hauora	Ka whakaatu, ka whakamārama, ka whakamahi i te wāhi noho (taunga) o tētahi mea, me te ahunga: • ngā tōpito; • ngā koki o te kāpehu; • ngā āhuatanga o te taiao; • te tukutuku (takirua raupapa); • te mahere.	Ngohe: Kia maharatia ētehi wāhanga o te kāpehu whetū pērā i ngā kaiurungi o ngā waka hourua. Rauemi: Kāpehu Whetū Tohutohu: Whai i ngā tohutohu i te hononga o runga ake nei	Tū mahi: Whakamaharatia kia 28 ngā whetū ā, ka mahuta ake, ka tau iho rā hoki ngā whetū mai i tēwhea whare o te kāpehu whetū. Akoranga: Ko te pūkenga nui o te kaiurungi, ko tōna pūmahara kia mōhio ai e ahu ana ki whea
Tikanga ā-Iwi	Te Wāhi me te Taiao	Karakia / Mōteatea / Whakataukī	Mahi ā-rōpū:
Hononga: Te Reo: (ā-waha) Pūtaiao Hauora	Ka whakamārama i ngā take e neke haere ai te tangata ki wāhi kē, me ngā putanga iho o ēnei nekehanga ki te tangata me te wāhi.	Hei whakaū i ngā kōrero tuku iho mō te haerenga mai o Nukutawhiti ki Hokianga, kimihia, rangahaua, whakaakona he karakia, he mōteatea me tētehi whakataukī ā-iwi rerekē. Māu rānei e tito i ētehi. Hei tauira: Karakia Mōteatea Whakataukī: ‘Ko te tai i whakakīa e Marutawhiti’	Whāinga: Akona he karakia, he mōteatea, he whakataukī e hāngai pū ana ki te haerenga mai o Nukutawhiti ki Hokianga hei whakaū i ngā kōrero.
Hangarau	Te Whakaharatau Hangarau	Waka	Mahi takitahi
Hononga: Tikanga ā-iwi Pūtaiao Ngā Mahi Toi	Ka whakamātau, ka aromātai i te hoahoa. Ka kōwhiritia tētahi huarahi kia tika rawa. Ka whakamahia he mahere, ka whakamātauria kia kitea: • te whanaketanga; • te tōtika o te mahi	Ngohe: Hanga Waka Rauemi: Kōhiwi x 2 Toati x 3 Maihi x2 Kaupapa x 1 Whare x1 Pepa x1 Kāpia x1 Kutikuti x 1 Tauira: Me pēhea te hanga waka	Tū mahi: Hangaia mai he waka e mānu pai ai ki runga i te wai. Tauira: Me pēhea te hanga waka Whāinga: Ka whakawhanake pūkenga whakamātau me te aromātai i te hoahoa kia tōtika te mahi