Ko tā te kaupapa nei, he torotoro i ētahi āhua ahu-rua, me ētahi āhua ahu-toru, he whakarōpū, he whakaingoa i aua āhua, kia mārama ai te tamaiti ki ngā āhuatanga motuhake.

7. Ka whakarōpū taonga i runga i te āhua o ngā taonga, pērā i te tae, te nui, me te maha o ngā tapa.

8. Ka mōhio ki ngā āhua ahu-2, pērā i te tapatoru, te tapawhā rite, te tapawhā hāngai, te porowhita, te taparima, te tapaono me te tapawaru.

9. Ka mōhio ki ngā āhua ahu-3, pērā i te pouaka, te rango me te poi.

Taumata 1
Te Ine me te Āhuahanga (Te Hanga)
Whāinga Paetae 7:

Ka whakarōpū taonga i runga i te āhua o ngā taonga, pērā i te tae, te nui, me te maha o ngā tapa.

Whāinga Paetae 8

Ka mōhio ki ngā āhua ahu-2, pērā i te tapatoru, te tapawhā rite, te tapawhā hāngai, te porowhita, te taparima, te tapaono me te tapawaru.

Whāinga Paetae 9

Ka mōhio ki ngā āhua ahu-3, pērā i te pouaka, te rango me te poi.

Kia mōhio te ākonga ki:

• te whakamārama i ēnei āhua i roto anō i tōna ake reo: te tapatoru, te tapawhā rite, te tapawhā hangai, te porowhita, te taparima, te tapaono, te taimana, te pouaka, te rango, te poi.
• te whakarōpū, te whakatairite hoki i ngā āhua ahu-2, ahu-3 i runga nei.
• ngā kupu me te tikanga o te ‘tapa’ me te ‘kokonga’
• ngā ingoa o ngā āhua ahu-2, ahu-3 i runga nei.

he pepa (A4, A3, ētahi pepa whai kano )

he āhua kua tapahia mai i te kāri whai kano (he rerekē te rahi)

he papa tīrau

he hererapa

he āhua ahu-toru (he rango, he poi, he poro-tapawhā rite)

he poro āhuatanga ake

he taura, he aho ranei