Ngā rauemi whakaako hei tautoko i te TMoA kua whakahoutia
Kei te hangaia e mātou ngā tūmomo rauemi whakaako hei āwhina i ngā kura kia tīmata ki te hōpara, te hanga mahere me te whakaako i Te Marautanga o Aotearoa kua whakahoutia.
Me rerekē te aronga o te hanga mahere me te whakaako mō te mōhiotanga-tōnui, ā, e mōhio ana mātou he maha ngā kaiako kei te hiahia i ngā tauira me ngā whakamārama hei āwhina kia tīmata ai rātou.
Mō te tau 2026, kei te aro nui atu mātou ki ngā rauemi mō ngā kōrero mō te Tau 9, ā, e tautoko ana mātou kia mārama, kia mōhio hoki ki ngā kōrero o Te Reo Rangatira me te Pāngarau kua whakahoutia.
I tua atu i te kōrerorero tahi mō ngā anga hukihuki o Te Marautanga o Aotearoa, kei te rapu hoki mātou i ngā whakaaro mō ngā rauemi hukihuki i hangaia hei tautoko i ngā whakaakoranga.
Koinei te wā tuatahi i pēnei ai tā mātou hanga rauemi marautanga me ōna kōrero taipitopito. He mea hanga hei whakamahi, hei whakahāngai hoki mā ngā kaiako kia mārama ai rātou ki ngā wāhanga ako hukihuki.
Arā, ka taea e koe te whakamahi me te whakamātau, me te whakamahi hei tauira āwhina i a koe ki te whakamahere me te hanga i ōu ake wāhanga, akoranga whai mōhiotanga.
Ka tuku rauemi haere atu anō mātou i roto i te wā.
Ngā rauemi e wātea ana
Ngā rauemi tuihono, ā-pukapuka hoki hei āwhina i ngā tumuaki me ngā kaiako ki te wherawhera, te whai mārama, te whakatinana hoki/rānei i ngā wāhanga ako hou:
- He kohinga pukapuka wharekura hei tautoko i ngā mokopuna ki roto i ngā kura aratuku Māori (Taumata 1 & 2) puta noa i ngā Tau 9-10, e whakamahi ana i ngā wāhanga ako Te Reo Rangatira me Pūtaiao.
- E whitu ngā pukapuka hou hei tautoko i Te Reo Rangatira me te Pūtaiao mō Ngā Tau 9-13.
- Ngā āhuatanga reo he puka aratohu mō Ngā Tau 4-8.
- Ngā tūmomo hua Pāngarau mō Ngā Tau 0-8.
- He tauira o te mahere ā-tau mō te Pāngarau kua whakahoutia mō Ngā Tau 1-7.
- He tauira o te mahere wāhanga mō te Pāngarau kua whakahoutia mō te Tau 7.
- Ngā rauemi whakamārama i te marautanga hei āwhina i ngā kaiako kia mārama ai ki Te Reo Rangatira, tae atu ki ngā kara me ngā mahi e pā ana ki te kokenga me ngā hononga mōhiotanga.
He aha ngā mahi whai ake i te tau 2026
Ka arotakehia, ka whakahoutia hoki ngā rauemi kia hāngai ai ki te National Curriculum ina whakaputaina i te weheruatanga o te tau 2026.
Wāhanga 2, 2026
- Ngā kete ako (kei roto ko ngā mahere wāhanga, ngā mahere ako me ngā mahi) mō Te Reo Rangatira me te Pāngarau mō Ngā Tau 9 me te 10.
- 45 ngā pukapuka katoa o Te Tautoko o ngā āhuatanga reo he puka aratohu.
- Hei Tautoko i te Marautanga Pāngarau kua whakahoutia
- Ngā rauemi whakamārama i te marautanga mō ngā wāhanga ako e toe ana hei āwhina i ngā kaiako kia mārama ai ki te wāhanga ako hukihuki
- Ngā Rauemi Tautoko Kaiako mō ngā pukapuka e whitu i tohaina hei tautoko i Te Reo Rangatira me te Pūtaiao mō Ngā Tau 9-13.
- Tekau ngā pukapuka hou hei tautoko i Te Reo Rangatira mō Ngā Tau 9-13.
Wāhanga 3, 2026
- Ngā kete ako mō ngā wāhanga ako katoa, hāunga Ngā Reo
- Ngā hautaka hou me ngā rauemi tautoko kaiako tāpiri hei whakakaha i te ako reo, te mātau ahurea, me te whakaaro arohaehae mā ngā mokopuna Tau 7–8.
- Rangararanga Reo ā Tā (ngā tautoko raupapa pānui, tuhituhi) – Ka whakahoutia ngā tohutohu mā te kaiako kia hāngai ai ki Te Reo Rangatira kua whakahoutia, i te taha hoki o ngā rauemi tāpiri hou.
- Poutama Pāngarau (ngā tautoko raupapa Pāngarau) – Ka whakahoutia ngā tohutohu mā te Kaiako kia hāngai ki te Pāngarau kua whakahoutia, me ngā rauemi tāpiri hoki.
- Kua tohaina Ngā Rauemi Tautoko mā Ngā Kaiako mō ngā pukapuka tekau hou i te wāhanga 2 hei tautoko i Te Reo Rangatira mō Ngā Tau 9-13.
Kua whakaritea
- Ngā kete ako mō Ngā Reo.
Ngā hono hāngai
Mō te rauemi
I whakahoutia tēnei whārangi i te 21 o Āpireira 2026.
