Te Whakaaro Tūhonohono
Te Whakaaro Tūhonohono
He Kōwae Ako Pāngarau
He kōwae ako e aro ana ki te whakaaro pānga riterite o roto i ētahi rautaki whakaoti paheko tau. Ka whakaaturia te hononga ki te marautanga, ngā whāinga ako, ngā rauemi ka whakamahia, te rārangi o ngā kupu matua, tae atu ki te raupapatanga o ngā mahi ako.
I tēnei kōwae ako ka tūhurangia ētahi rautaki paheko tau e whai wāhi mai ana te whakaaro tūhonohono
3. Ka kōwhiri, ka whakamārama i te rautaki e tino whaihua ana hei whakaoti rapanga e whai wāhi mai ana te tauoti, te hautau, te tau ā-ira me te ōrau: rautaki tatau; rautaki whakarōpū; rautaki tohatoha ōrite; rautaki tāpiripiri; rautaki whakarea māmā.
5. Ka mōhio ki ngā wāwāhitanga tāpiripiri o tētahi tau.
Taumata 3
Te Tau me te Taurangi
Whāinga Paetae 3 (Ngā Rautaki Tau):
Ka kōwhiri, ka whakamārama i te rautaki e tino whaihua ana hei whakaoti rapanga e whai wāhi mai ana te tauoti, te hautau, te tau ā-ira me te ōrau.
Whāinga Paetae 5 (Te Tauira me te Pānga):
Ka mōhio ki ngā wāwāhitanga tāpiripiri o tētahi tau.
Kia mōhio te ākonga ki:
Ko tā te whakaaro tūhonohono, he tautohu, he whakamahi i te pānga o ngā tau kei ia taha o te tohu ōrite o tētahi whārite. He nui ngā hua o te whakaaro tūhonohono, koia hoki hei tūāpapa mō ētahi rautaki tau maha. Hei tauira:
- 6 + 7 = 6 + 6 + 1
Ka tūhonoa te 7 i te taha mauī me te 6 + 1 i te taha matau. - 28 + 17 = 30 + 15
Ka tūhonoa te 28 i te taha mauī me te 30 i te taha matau, ka tūhonoa hoki ko te 17 i te taha mauī me te 15 i te taha matau. Ina ka tāpiria te 2 ki tētahi tauhono, ka tangohia te 2 i tētahi kia noho pūmau tonu te tapeke o te tāpiritanga. - 3 x 14 = 6 x 7
Ka tūhonoa te 3 i te taha mauī me te 6 i te taha matau, ka tūhonoa hoki ko te 14 i te taha mauī me te 7 i te taha matau. Ina ka whakareatia tētahi tau ki te 2, ka whakawehea tētahi ki te 2, kia noho ōrite tonu te otinga o te whakareatanga.
he papa pūkeko (Whārangi Tārua 1)
he porotiti
huatango |
difference (in a subtraction) |
|---|---|
paremata |
compensation |
rautaki paheko tau |
operational number strategies |
tāpiritanga ōrite |
equal addition |
tau māmā |
easy number |
tau mamā me te tikanga paremata |
tidy number and compensation |
tauhono |
addend |
tūāpapa |
foundation |
whakaaro tūhonohono |
relational thinking |
whakarea me te whakawehe whai pānga |
proportional multiplying and dividing |
Torohia te pouaka "Mō te rauemi" ki raro nei e kitea ai ngā rauemi hāngai:
- Te-whakaaro-tūhonohono (.pdf)
- Te-whakaaro-tuhonohono-whārangi-tārua-1 (.pdf)
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
Mō te rauemi
Wāhanga Ako: Pāngarau - Te Tau me te Taurangi
Kohinga Whāiti: He Kōwae Ako Pāngarau
Taumata: Taumata 3
