Te Mana o te Aromatawai
Nau mai ki tēnei whārangi kei raro iho nei ngā rauemi katoa e hāngai ana ki Te Mana o te Aromatawai. Kua āta wetewete i te kaupapa Aromatawai kia kite atu i tōna hōhonutanga. I reira i puāwai ko ōna tini rawa hei whakaatu ki ngā tikanga aromatawai pēnei i Tairongo me te Whānau Aro. He nui ngā rawa i tēnei whārangi kia whai mārama ai ki ngā tikanga o Aromatawai i ōna momo taiao.
I roto i te whakahoutanga o Te Marautanga o Aotearoa e whakaritea ana ngā rauemi Aromatawai tautoko.
Mehemea he pātai anō āu whakapā atu ki: [email protected]
Ngā Kōrero o nehe
Hei tā te tirohanga Māori mō te whakapapa o Harakeke. E hoki ana tēnei kōrero ki te wā whai muri i te wehenga o Ranginui rāua ko Papatūānuku. E ai ki te kōrero, ko ngā tamariki o Rangi rāua ko Papa he tāne te katoa. I mōhio tonu a Tāne me kimi ia i te Kurawaka. Kāore ia i te tino mōhio he aha rawa tērā. Nō reira, i haere ia ki te torotoro ki ngā momo rākau. Tirohia te whakapapa i raro iho nei mō te nui o ngā rākau i tūpono atu ia. E whakapapa ana te Aromatawai ki te pā harakeke, ka āta tiro ki te katoa o te mokopuna, tōna whānau, hapū, iwi me tōna taiao whānui.
Kōko Pīwari
Ko Kōkō Pīwari te kaiārahi, te māngai mō Te Mana o te Aromatawai. He hononga anō tōna ki te pā harakeke. Ka topa haere i te rangi kia whakarongo ake ki ngā kōrero huhua e pā ana ki te harakeke tētahi wāhi ka tau ai a Kōkō Pīwari ki te ngote i te reka o ngā pua. Ka kite ai i a Kōkō Pīwari i ngā momo rauemi Aromatawai - hei tohu he rauemi hou, he kōrero hou kua puta mai e tautoko ana i Te Marautanga o Aotearoa.
- Aromatawai - He Tuhinga Tākunetanga
- Ataata
- Pānui Whakamārama
Kua āta wetewete i te kaupapa Aromatawai kia kite atu i tōna hōhonutanga. Ko ēnei rauemi e toru e whakaatu ki ngā tikanga aromatawai pēnei i Tairongo me te Whānau Aro me ngā whakaaro Mō te Ako, Ō te Ako.
Aromatawai Position Paper and Mā te kaiako
- Ko tā te Tuhinga Tākunetanga Aromatawai, ko te whakamārama i te aromatawai hei aronga me ōna ara whakaako, tikanga whakaako hoki.
- He aratohu mā te kaiako ki te āta wetewete i ngā ariā matua, kia whai mārama i te ngako o Te tuhinga takunetanga Aromatawai.
Torohia te pouaka "Mō te rauemi" ki raro nei e kitea ai ngā rauemi hāngai:
- Ngā Tohu tairongo (.pdf)
- He aha te Tairongo (.pdf)
- Te Whānau Aro (.pdf)
- Tairongo He Whakamāramatanga (.pdf)
- Te Whakaoho i ō Tairongo (.pdf)
- Tairongo He Kohinga Kōrero (.pdf)
- Tairongo (.pdf)
- Aromatawai Mā te kaiako (.pdf)
- Aromatawai Position Paper (.pdf)
- Mō te ako Ō te Ako (.pdf)
Mō te rauemi
Tau: Ngā Tau Katoa
