Te Kokoti Moeroa a Tangiharuru
Te Kokoti Moeroa a Tangiharuru
Ngāti Manawa
He rauemi e taki ana i ngā kōrero tipuna, he kōrero whenua, mō Ngāti Manawa iwi e whakatumatuma tonu nei mō tōna mana motuhake kia mau tonu. Hei tautoko tēnei rauemi i ngā whakaakoranga i roto i te wharekura.
Tonoa he kape o te pukapuka mai i Down the Back of the Chair (MOE50649)
He aratohu tēnei mā te Kaiako hei whakamahi i te taha o te rauemi Te Kokoti Moeroa a Tangiharuru. I tuhia ngā kōrero mō ngā ākonga Tau 9-13.
- Rauemi Matua
- He Tauira Mahere Aromatawai
Rauemi Matua
He kōrero whakataki
Kai ngā urupā o rātou mā, tēnā koutou katoa.
He rauemi tēnei hai hāpai ake i a koutou e whai ana i Te Taumata Mātauranga-ā-Motu Kua Taea – Taumata 1, 2 me te 3.
E pā kau ana ngā kōrero o roto ki ngā kaupapa ako e whai ake nei:
- Tikanga-ā-Iwi
- Hītori
- Te Reo Rangatira
- Te Reo Māori
- Tikanga.
Ko te tūmanako ka whakakipakipa, ka whakamānawa i a koe kia rapua, kia rangahaua, kia tūhurangia ngā kōrero-ā-Iwi, ngā kōrero tuku iho, ngā kōrero ā tīpuna mā hai taonga mōu, hai huarahi ako kia eke ki ngā taumata tiketike.
He kōrero mā te Pouako
Kai ngā rae wera puta noa i te motu, tēnā koutou.
E hāngai kau ana te rauemi nei ki Te Taumata Mātauranga-ā-Motu Kua Taea – Taumata 1-3.
Ko tōna whāinga kia whakamāmāngia ake te mahi a te pouako mā te whakatakoto huarahi whakaako e whakakōtui mai ai ngā kaupapa ako, ka mutu, ka iti iho ngā aromatawai hai whakaoti mā ngā Uri.
Ko te tūmanako he rauemi tēnei hai awhina i te hunga pouako o ngā kura-ā-rohe, arā ko taua momo pouako ka riro māna me tōna kotahi, ngā kaupapa ako e hia kē nei, e whakaako, ki ngā taumata e toru.
Ko ngā kaupapa ako e hāngai kau ana:
- Tikanga-ā-Iwi
- Hītori
- Te Reo Rangatira
- Te Reo Māori
- Tikanga
Nā māua iti nei.
Pem me Lianne Bird
Ngā whāinga
Hai tautoko i ngā Uri ō nāianei, o āpōpō hoki i roto i ā rātou akoranga, kua tuhia tēnei kohinga kōrero hai whakaatu i ētahi āhuatanga o Te Mauri o Tū ki tā Ngāti Manawa tirohanga. Mai i te hekenga mai o ōna tīpuna taketake, ā, heke iho ana ki ngā riri o mua i te taenga mai o te Pākeha, me te tohenga o Ngāti Manawa ki te whakahaumanu i tōna, tuakiri ake, tōna reo ūkaipō me āna tikanga.
Arā, ka taea e ngā Uri:
- te pūtake ake o tō rātou iwi te whakamārama mai
- te tikanga o te kōrero Te Mauri o Tū te whakamārama kia hāngai ki tō rātou Iwi
- ngā take i kuhu ai ō rātou tīpuna ki ngā pakanga nunui o te ao te tautuhi, te whakamārama
- te hītori e pā ana ki ngā kerēme o Kaingaroa te tautuhi, te whakamārama, te wetewete
- te hītori o te Kura-ā-Iwi me tōna pūtake te whakarārangi, te whakamārama.
Ētahi atu kōrero ataata, hononga ipurangi
Te Pakanga o Te Tapiri
Te Hekenga mai a Tangiharuru
Pakanga o te Ao
Te Kura-ā-Iwi Tuatahi
Kaingaroa-Ahikāroa
He Mihi
Nō te iwi o Ngāti Manawa ngā kōrero kua tuhia ki tēnei pukapuka.
Mana tārua i ngā kōrero © Lianne rāua ko Pem Bird
Kua noho manatā tēnei pukapuka. Atu i ngā take pēnei i ngā akoranga whaiaro, te rangahau, te arotake me te arohaehae mahi e whakaaetia ana i raro i te Ture Manatā, kore rawa e tukuna kia tāia anō tētahi wāhanga o ngā kōrero nei, ahakoa te huarahi tā. Me mātua tono whakaae ki a Huia Publishers.
Nā te Tāhuhu o te Mātauranga te pūtea tautoko.
Mō te rauemi
Tonoa he kape o te pukapuka mai i Down the Back of the Chair (MOE50649)
Wāhanga Ako: Te Reo Māori, Tikanga ā-Iwi
Taumata: Taumata 5, Taumata 6, Taumata 7, Taumata 8
Kaupapa: Te Aho Ngarahu
