Te Heketea ā-Ira
Te Heketea ā-Ira
He Kōwae Ako Pāngarau
He kōwae ako e aro ana ki ngā tikanga uara tū o ngā tau ā-ira. Ka tūhuratia hoki te huringa o tētahi hautau hei tau ā-ira, te raupapa tau ā-ira, me te whakaawhiwhi tau ā-ira. Ka whakaaturia te hononga ki te marautanga, ngā whāinga ako, ngā rauemi ka whakamahia, te rārangi o ngā kupu matua, tae atu ki te raupapatanga o ngā mahi ako.
Ka whakaakona ngā tikanga o te punaha ngahuru mō te tau ā-ira. Arā, ko te huri i te hautau hei tau ā-ira, ko te whakaatu me te raupapa i te tau ā-ira, ko te whakaawhiwhi i te tau ā-ira. Kia rua wiki pea te roa hei whakaoti i tēnei kōwae ako.
1. Ka mōhio ki ngā tau 0 – 1 000 000: te whakaingoa i ngā tohutau; ngā momo raupapa tatauranga tauoti; ngā meka matua mō te tāpiri, te tango, me te whakarea; te whakaawhiwhi tauoti, tau ā-ira hoki ki te 1, te 10, te 100 rānei e pātata ana; ngā tikanga uar
Taumata 3
Te Tau me te Taurangi (Te Mātauranga Tau me ngā Rautaki Tau)
Whāinga Paetae 1:
Ka mōhio ki ngā tau 0 – 1 000 000:
- te whakaingoa i ngā tohutau;
- ngā momo raupapa tatauranga tauoti;
- ngā meka matua mō te tāpiri, te tango, me te whakarea;
- te whakaawhiwhi tauoti, tau ā-ira hoki ki te 1, te 10, te 100 rānei e pātata ana;
- ngā tikanga uara tū o ngā tauoti me ngā tau ā-ira (kia toru ngā mati ā-ira):
- te maha o ngā haurau, ngā hautekau, ngā tahi, ngā tekau, ngā rau me ngā mano kei roto i tētahi tau;
- te rahi me te hanga o tētahi tau.
Kia mōhio te ākonga ki:
- ngā tikanga o ia mati i roto i ngā tau ā-ira (ki ngā mati a-ira e toru)
- ētahi kēmu pāngarau hei whakaū i ngā mātauranga uara tū ā-ira
- te huri i te hautau hei tau ā-ira
- te raupapa tau ā-ira
- te whakaawhiwhi i te tau ā-ira ki te tahi (1), te ira tahi (0.1) me te ira kore tahi (0.01) e pātata ana
- he tikanga tō te wāhi e noho ana ia mati i roto i tētahi tau ā-ira
- 10 ngā ira tahi (.1) i roto i te kotahi
- 100 ngā ira kore tahi (.01) i roto i te kotahi
- 1000 ngā ira kore tahi (.001) i roto i te kotahi
- Mēnā e whakaawhiwhia ana tētahi tau he 5 tōna mati whakamutunga, me whakaawhiwhi ki runga ake
ngā papa ‘heketea ā-ira’
te pene papa tuhituhi mā
He Papa Pūkeko Kirihou (me tono mai ki: He Kupenga Hao i te Reo, PO Box 5301, Palmerston North)
Torohia te pouaka "Mō te rauemi" ki raro nei e kitea ai ngā rauemi hāngai:
- Te-Heketea-Ā-Ira (.pdf)
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
Mō te rauemi
Wāhanga Ako: Pāngarau - Te Tau me te Taurangi
Kohinga Whāiti: He Kōwae Ako Pāngarau
Taumata: Taumata 3
