Tauhono Takirua
Tauhono Takirua
He Kōwae Ako Pāngarau
He kōwae ako e aro ana ki ngā tauhono takirua o tētahi tau mai i te 0 ki te 10. Ka whakaaturia te hononga ki te marautanga, ngā whāinga ako, ngā rauemi ka whakamahia, te rārangi o ngā kupu matua, me te raupapatanga o ngā mahi ako.
I tēnei kōwae ako ka tūhurangia ngā tauhono takirua o ētahi tau, tae atu ki te 10. Ka whakamahi rauemi hei whakaatu i te horopaki o ngā rapanga, ka tuhi hoki i ngā tauhono takirua hei tāpiritanga.
1. Ka mōhio ki ngā tauoti 0–100: te whakaingoa i ngā tohutau; ngā raupapa tatauranga whakamua, whakamuri hoki; ngā tikanga uara tū: te rima me ngā tauhono; ngā tauhono o te tekau; te tekau me ngā tauhono; ngā tau ngahuru; te maha o ngā tekau me ngā tahi k
3. Ka whakaoti rapanga e whai wāhi mai ana te tauoti me te hautau māmā, ka whakamārama hoki i te rautaki: rautaki tatau; rautaki whakarōpū; rautaki tohatoha ōrite.
Taumata 1
Te Tau me te Taurangi (Te Mātauranga Tau me ngā Rautaki Tau)
Whāinga Paetae 1:
Ka mōhio ki ngā tauoti 0–100:
- te whakaingoa i ngā tohutau;
- ngā raupapa tatauranga whakamua, whakamuri hoki;
- ngā tikanga uara tū:
- te rima me ngā tauhono;
- ngā tauhono o te tekau;
- te tekau me ngā tauhono;
- ngā tau ngahuru;
- te maha o ngā tekau me ngā tahi kei roto i tētahi tau;
- te rahi me te hanga o tētahi tau.
Whāinga Paetae 3:
Ka whakaoti rapanga e whai wāhi mai ana te tauoti me te hautau māmā, ka whakamārama hoki i te rautaki:
- rautaki tatau;
- rautaki whakarōpū;
- rautaki tohatoha ōrite.
Kia mōhio te ākonga ki te:
- wāwāhi i ngā tau i raro iho i te 10 ki ō rātou tauhono takirua
- whakatauira i te horopaki o tētahi rapanga ki te rauemi
- tuhi tāpiritanga hei whakaatu i ngā tauhono takirua o tētahi tau
E rua ngā kaupapa pāngarau matua ka tūhurangia i tēnei kōwae ako:
- Ehara i te mutunga kore ngā tauhono takirua o tētahi tau. Arā, ka taea te tautohu ngā tauhono takirua. Hei tauira, ko ngā tauhono takirua o te whā: 0 + 4, 1 + 3, 2 + 2, 3 + 3, 4 + 0.
- Ko ia tau o ngā tauhono takirua e tohu ana i tōna hoa. Hei tauira, mēnā ko te 3 tētahi o ngā tau o tētahi tauhono takirua o te 5, ko te 3 tōna hoa, arā, 2 + 3 = 5.
Kia maha tonu ngā tūhuratanga a te ākonga i ngā tauhono takirua o tētahi tau. Ina he putuputu te kitea ko te 3 te hoa takirua o te 2 hei tauhono mō te 5, kātahi pea ka noho tangata whenua ki te pūmahara o te ākonga.
Mō tēnei kōwae ako, ko te ‘tatau i te katoa mai i te kotahi’ te rautaki matua hei whakamahi mā te ākonga (Kaupae 3 o Te Mahere Tau).
Te Mahere Tau o Te Poutama Tau
Kaupae 2
he porotiti
he rākau ātārangi
Whārangi Tārua 1
tauhono takirua |
additive number pairs |
|---|---|
meka tāpiritanga |
addition facts |
Torohia te pouaka "Mō te rauemi" ki raro nei e kitea ai ngā rauemi hāngai:
- Tauhono-takirua (.pdf)
- Tauhono-takirua-WT-1 (.pdf)
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
Mō te rauemi
Wāhanga Ako: Pāngarau - Te Tau me te Taurangi
Kohinga Whāiti: He Kōwae Ako Pāngarau
Taumata: Taumata 1
