Ruruwhango rāua ko Tangorau
Ruruwhango rāua ko Tangorau
Ngāti Kahungunu
He kōrero mō tētahi tokorua, he ruru me tētahi mokomoko, he hoa hianga rāua, hoa tauwhāinga hoki. Kei te whai haere a Ruruwhango i a Tangorau, kia mau i a ia, engari...
Tonoa he kape o te pukapuka mai i Down the Back of the Chair (MOE712119)
- Rauemi Matua
- Ngā Tauira Whakaakoranga
- Ngohe
Rauemi Matua
Torohia te pouaka Mō te rauemi ki raro nei e kite ai ngā rauemi hāngai: TSM-Core-Resource-Info (.pdf)
Ngā Tauira Whakaakoranga
Ngā hononga ki Te Marautanga o Aotearoa
Taumata: 1–2 Te Reo Māori
Te momo o te tuhinga: He korero paki, taki, whakangahau, tūhonohono.
Ngā whāinga ako |
|
|
|---|---|---|
(ĀR) Āheinga Reo Ka whakautu i ētahi pātai māmā e pā ana ki tētahi kaupapa e taunga ana. Ka tārua i te pūrākau rongonui kua rangona kētia kia tika te raupapa, kia wairua hihiko anō ngā kōrero |
(PR) Puna Reo Ka tautohu i ngā kupu hou i roto i te tuhinga Ka tautohu i ngā kupu o te rerenga. Ka tautohu i ngā kōrero matua |
(RR) Rautaki Reo Ka tautohu i ngā wāhanga o te pukapuka Ka whakamahi i te pikitia hei āwhina i a ia ki te whai māramatanga Ka whakarongo, ka paparua, ka pupuri ki te hinengaro, ka pao hei rautaki ako reo |
Ngā Rauemi Tautoko
- Te Marautanga o Aotearoa
- Hei Korowai Tuatahi mō te Marautanga Reo Māori
- He Ara Ako i te Reo Matatini – Te Pānui me te Tuhituhi
- Hangarau Wāhanga Ako
- He Rau Taki Kōrero: He rautaki ako hei whakapakari i te reo ā-waha (Haemata Ltd. mā te Tāhuhu o te Mātauranga 2016)
Ko ngā kaupapa matua i te kōrero:
- te taiao o te roto – ngā mea ka tipu, ka noho rānei i te taha o te roto
- te huna me te kimi
- te kai o te roto
Ko ngā āhuatanga reo i roto i te kōrero:
- Ngā kupu huarite
- Ngā kupu hāngū
- Ngā kārawarawa – tohu kōrero, tohu pātai, tohuhā
- Te kīwaha ‘Ēkene koe i au’
Ko ngā pātai hai arataki i te kaiako
Whārangi 2 - 3 |
|
|---|---|
Whārangi 4 - 5 |
|
Whārangi 6 - 7 |
|
Whārangi 8 - 9 |
|
Whārangi 10 - 11 |
|
Whārangi 12 - 13 |
|
Whārangi 14 - 15 |
|
Whārangi 16 - 17 |
|
Whārangi 18 - 19 |
|
Tauira Whakaakoranga 1
(RR) Ka whakarongo, ka paparua, ka pupuri ki te hinengaro, ka pao hei rautaki ako reo
(RR) Ka tautohu i ngā wāhanga o te pukapuka
(PR) Ka tautohu i ngā kupu hou i roto i te tuhinga
Hai Mahi 1: Te whakahihiko i te hinengaro - Pao, Pao!
- Whakaarohia he paku waiata, rotarota rānei e mōhio nei ngā ākonga eg. Tūtira mai ngā iwi ...
- Kōwhirihia ko wai ka tīmata.
- Ko tā tērā ākonga he kōrero i tētahi o ngā kupu o te waiata, rotarota rānei.
- Ka pēnei ngā ākonga katoa - ka whakapuaki ia ākonga i tētahi kupu o te waiata - kia tae rā anō atu ki te mutunga.
Hai Tauira:
- Ākonga 1: Tūtira
- Ākonga 2: mai
- Ākonga 3: ngā
- Ākonga 4: iwi
Hai Mahi 2: Te tūhura i te whakatakoto o te tuhinga
- Tuhia ngā wāhanga o te pukapuka ki te pepa (ko te uhi, te tuarā, te whārangi, te ihirangi, te kaituhi, te aha, te aha).
- Tirohia te pukapuka ‘Ruruwhango rāua ko Tangorau’.
- Kōrerohia te pukapuka, ko tōna kaupapa, ko tōna hanganga.
- Hoatu ngā kupu ki ētahi ākonga.
- Ko tā ngā ākonga he whakapiri atu i ngā kupu nei ki te pukapuka hai whakaatu i tō rāua mōhio ki te tikanga o ngā kupu.
Tauira Whakaakoranga 2
(PR) Ka tautohu i ngā kupu o te rerenga.
(ĀR) Ka whakautu i ētahi pātai māmā e pā ana ki tētahi kaupapa e taunga ana.
(RR) Ka whakamahi i te pikitia hei āwhina i a ia ki te whai māramatanga.
Hai Mahi 1: Te whakahihiko i te hinengaro - Pao, Pao!
Whakamahia t/ētahi o ngā rerenga kōrerokōreroi te pukapuka eg. Kimihia, rangahaua …
Hai tauira:
- Ākonga 1: Kimihia
- Ākonga 2: rangahaua
- Ākonga 3: he
- Ākonga 4: aha
- Ākonga 5: rā ...
Hai whakauaua ake: Kia mutu rānei te/ngā rerenga kōrerokōrero me tīmata i te kupu whakamutunga, ā, ka hoki whakamuri ki te kupu tuatahi o te waiata/rotarota eg. … rā, aha, he, rangahaua, kimihia.
Hai Mahi 2: Pānuitia te pukapuka mai i te whārangi 2 ki te 7
● Tukuna ngā pātai (tirohia te poutaha)
Hai Mahi 3: Te Whakakī Āputa (Cloze)
Tauira Whakaakoranga 3
(ĀR) Ka whakautu i ētahi pātai māmā e pā ana ki tētahi kaupapa e taunga ana.
(PR) Ka tautohu i ngā kupu o te rerenga.
Hai Mahi 1: Te whakahihiko i te hinengaro – Pao, Pao!
Whakamahia t/ētahi o ngā rerenga kōrerokōreroi te pukapuka.
Hai Mahi 2: Pānuitia te pukapuka mai i te whārangi 8 ki te 15
- Tukuna ngā pātai (tirohia te poutaha)
- Kōrerohia ngā whakautu
Hai Mahi 3: Te Waihanga Rerenga Kōrero Kōrero (Sentence Building)
Tauira Whakaakoranga 4
(ĀR) Ka whakautu i ētahi pātai māmā e pā ana ki tētahi kaupapa e taunga ana.
Ka taea e te ākonga te tuku me te whai tohutohu māmā (HANGARAU MATIHIKO – Whakaaro Rorohiko – Whakatupuranga 1).
Hai Mahi 1: Te whakahihiko i te hinengaro – Pao, Pao!
Hai Mahi 2: Pānuitia te pukapuka mai i te whārangi 16 ki te 20
- Tukuna ngā pātai (tirohia te poutaha)
- Matapakihia ngā whakautu
Hai Mahi 3: Hangarau Matihiko: Te Tuhi Waehere
Tauira Whakaakoranga 5
(RR) Ka tautohu i ngā kupu o te rerenga.
Hai Mahi 1: Te whakahihiko i te hinengaro – Pao, Pao!
Hai Mahi 2: Pānuitia te pukapuka katoa
Hai Mahi 3: Te Tūhonohono Kupu Huarite
Tauira Whakaakoranga 6
(ĀR) Ka tārua i te pūrākau rongonui kua rangona kētia kia tika te raupapa, kia wairua hihiko anō ngā kōrero.
Hai Mahi 1: Te Taki i te Kōrero
- Kōrerongia anō te paki.
- Whakamahia ētahi rānei o ngā pikitia kore kupu, te katoa rānei o ngā pikitia kore kupu (tirohia te whārangi whakamutunga o te pukapuka) kia tākina anō te pūrākau.
Torohia te pouaka Mō te rauemi ki raro nei e kite ai ngā rauemi hāngai: TSM-Sample-Lesson-Plan (.pdf)
Ngohe
Te Taiao – Te Roto
Te Kōrero Pikitia
E hiahiatia ana:
- Ko ētahi pikitia mai i te pukapuka (tirohia ki raro nei).
- Ko ētahi rernga kōrero e tohutohu ana ki hea takoto ai ngā pikitia i te roto.
Ngā Hua ka Puta:
- Ka kōrerohia, ka tautohua ngā mea ka tipu rānei, ka noho rānei i te taha o te roto. (Ko te raupō, te wahie, te tuna, te aha, te aha).
- Ka whakarongo ki ngā tohutohu o te kaikōrero (ahakoa ko wai) kia tika te takoto o ngā whakaahua i te roto.
- Ka whakamahia te reo tohutohu, pērā i te ‘ki te taha, ki runga, ki muri, ki roto, ki raro, ki waenga, (whakate)mauī, (whakate)matau/katau.
Ngā Tohutohu
- Tāruatia ngā pikitia i raro nei, arā te roto, ngā kōhatu, te wīwī, ngā anga kākahi, te tāwhao, te kōhanga raupō me te tuna. Uhia ki te kirihou. **Me nui ake te pikitia o te roto i ērā ake kia taea ērā atu pikitia te piri atu.
- Tirohia, kōrerohia ngā pikitia katoa
- he aha ngā mea ka kitea i roto i tēnā pikitia, i tēnā pikitia?
- Ki te tuku te pikitia ki te roto, ka takoto ki hea?
- Whakamāramahia atu ki ngā ākonga, ka pānuihia ētahi rerenga kōrerokōrerome ētahi tohutohu.
- Ko tā ngā ākonga he āta whakarongo ki ngā rerenga kōrerokōrerome ngā tohutohu, ka tahi. Ka rua, he whiriwhiri i te pikitia e whakaahuatia ana, ā, ka tukuna ki te wāhi e tika ana i te pikitia o te roto.
- Me whakarongo noa iho ngā ākonga i te pānuitanga tuatahi. I te pānuitanga tuarua, ka whāia ngā tohutohu.
Ngā kōrero mā te kaiako (he tauira noa iho ēnei):
- Tukuna te kōhatu ki te taha o te kōhatu i te pikitia o te roto. Place the kōhatu beside the kōhatū on the lake picture.
- Whakatakotoria te wīwī ki raro i te karahiwi. Place the wīwī below the hill.
- Tukuna te anga kākahi ki te taha matau o te wīwī . Place the anga kākahi on the right of the wīwī.
- Ki hea takoto ai te tāwhao? Ki te taha o te rākau i te roto. Place te tāwhao beside the rākau on the lake picture.
- Whakatakotoria te kōhanga raupō ki waenganui pū o te roto. Place the kohanga raupō in the middle of the lake.
- Whakatakotoria te tuna ki waenga i te roto ki te taha o te kohanga raupō. Place the tuna in the middle of the lake beside the kohanga raupō.
Instructions:
- Copy and laminate the pictures, i.e., the lake, the stones, the reeds, the mussel shells, the logs, bulrush, and the eel. The picture of the lake is the setting so should be bigger than the other pictures.
- Look at and discuss the picture cards – what do they see in each picture? If they were to put the picture in the lake setting, where would it go?
- Explain to the students you will read out some sentences and instructions for them to follow.
- Firstly, students are to listen carefully to the sentences and instructions. Secondly, choose the correct picture that is being described and place in the correct place on the lake setting.
- Students just listen for the first reading. At the second reading they follow the instructions.
Torohia te pouaka Mō te rauemi ki raro nei e kite ai ngā rauemi hāngai: Rangi-1-Te-Taiao-Te-Roto (.pdf)
Tangorau! Kai te kite atu au!
Te Whakakī Āputa
Hai whakataki i te rautaki:
- whakaingoatia te rautaki.
- whakamāramahia ngā hua ka puta i te rautaki.
- tukuna ētahi kōrero hai āwhina i ngā ākonga kia oti pai ai te mahi.
- āta whakamāramahia atu te tukanga mahi.
Te Tukanga Mahi
- Whakaritea he tuhinga, tīkina atu rānei he kōwae o te pukapuka (kai te taumata reo e mahi ana ngā ākonga).
- Whakakorengia ia kupu tuatoru.
- Tuhia he rārangi i te āputa kia tohua ki ngā ākonga e ngaro ana tētahi kupu.
- Tuhia ētahi kupu hai kōwhiringa mā ngā ākonga.
- Tukuna te tuhinga ki ngā ākonga.
- Ko tā ngā ākonga he whiriwhiri ko tēhea te kupu e ngaro ana. Ka porohitangia te kupu tika.
- Mutu ana te mahi, ka pānuihia e ngā ākonga ā rātau tuhinga.
- Kōrerohia te mahi hai whakaaro huritao.
Ngā Tohutohu
- He tuhinga tēnei mō Ruruwhango rāua ko Tangorau.
- E ngaro ana ētahi o ngā kupu i ngā rerenga kōrerokōrero
- Āta pānuihia te katoa o te tuhinga, me ngā kupu kua hoatu hai āwhina i a koe.
- Hoki atu ki te tīmatanga o te tuhinga, me tīmata koe ki te whiriwhiri i ngā kupu e ngaro ana kia tika ai te rere o te tuhinga. Porohitangia te kupu tika.
He Tauira Reo Hai Āwhina I Te Kaiako:
| He mahi tēnei mā te ākonga kotahi, mā te tokorua rānei. | This is an individual/ pair activity |
|---|---|
| Anei tētahi kōrero. | This is a piece of text. |
| Kua tangohia ia kupu tuatoru. | Every third word has been deleted. |
| Ka riro māu e tuhi porohita i te kupu tika hai whakaoti i te kōrero | Choose the correct word from the list to fill the gap and complete the text. |
He Tauira Reo Hai Āwhina I Te Ākonga:
| He aha tētahi kōrero pai hei kuhu atu ki konei? | What shall we write in this space? |
|---|---|
| He aha te kōrero e tika ana kia noho mai ki ... konei? | What is something we should write … here? |
| Ki a au nei, ko te kōrero tika mō konei, ko te ... | I think we should write … here. |
| He aha te mea me kuhu atu ki konei? | What do you think fits in here? |
| Ki a au nei, ko te mea tika mō tēnei āputa, ko tētahi kōrero mō te ... | I think something about … should be written in this gap. |
| He aha te kupu Māori (Pākehā) mō te … ? | What’s the Māori (English) word for … ? |
| Ka pēhea ōu whakaaro? / He aha ōu whakaaro? | What do you think? |
Torohia te pouaka Mō te rauemi ki raro nei e kite ai ngā rauemi hāngai: Rangi-2-Te-Whakakī-Āputa (.pdf)
Tukuna te Tohu Tuhituhi!
Te Waihanga Rerenga
E hiahiatia ana: (tirohia ki raro nei)
- Ko ētahi o ngā tauira rerenga kōrerokōreroi te pukapuka ‘Ruruwhango rāua ko Tangorau’.
- He huinga kāri kupu me ētahi kāri tohu tuhituhi (me kotahi te tohu ki te kāri kotahi).
Te Tukanga Mahi:
- He mahi takirua tēnei.
- Hoatu tētahi huinga kāri kupu/tohu tuhituhi ki ia takirua.
- Waiho ngā ākonga kia:
- pānuihia ngā kāri me te kōrerorero he aha te tikanga o ētahi kupu kāore pea e tino mōhio ana.
- kōrero he aha pea te tohu tuhituhi ka tāpirihia atu kia oti pai ngā rerenga kōrerokōrero
- Ka mahi tahi ia takirua ki te whakamahi i ngā kāri kupu kia waihanga rerenga kōrerokōrero
- Kia mutu te mahi, ka āta pānuihia ia rerenga kōrerokōrerome te whakaae rānei mēnā e tika ana te whakatakoto o te kupu.
- Ki te kore e tika ana, me mahi tahi anō kia whakatikaina te rerenga kōrerokōrero
Torohia te pouaka Mō te rauemi ki raro nei e kite ai ngā rauemi hāngai: Rangi-3-Te-Waihanga-Rerenga (.pdf)
Kei te huna a Tangorau ki hea?
Te Tuhi Waehere
Te Whāinga Matua:
Tuhia he hātepe hei whai he wāhi haumaru mā Tangorau.
Ngā Taputapu:
- He whāriki tukutuku
- He huinga pikitia – ngā kōhatū, te wīwī, ngā anga kākahi, te tāwhao, te kōhanga raupō, ko Tangorau
- Ngā tohutohu
Ngā Tohutohu:
- Whakaritea ngā pikitia ki runga i te whāriki tukutuku. Kei a koe te tikanga mō te noho o ngā pikitia.
- Tuhia he hātepe kia tae atu a Tangorau ki tētahi wāhi haumaru māna. (Māu e whiriwhiri).
- Whakamahia ngā tohutohu e whai ake nei i roto i tō hātepe
- hurihanga hauwhā whakatematau
- haere tōtiki whakamua
- hurihanga hauwhā whakatemauī
- Hoatu ki tō hoa, māna tō hātepe e whai.
- Ki te hē tētahi wāhanga o te hātepe, whakatikahia mā te patuiro (debug).
- Haere tonu kia tika rāno tō hātepe.
Torohia te pouaka Mō te rauemi ki raro nei e kite ai ngā rauemi hāngai: Rangi-4-Te-Tuhi-Waehere (.pdf)
Te Tūhonohono Kupu Huarite
E hiahiatia ana:
- Te mahere kupu huarite
- Te pukapuka ‘Ruruwhango rāua ko Tangorau’
Ngā Tohutohu
- Tāruatia te mahere kupu huarite. Tapahia hei kāri kupu.
- Me mahi takirua ngā tamariki.
- Tukuna atu ngā huinga kāri ki ia takirua.
- Ko tā ngā tamariki he tūhonohono i ngā kāri e rite ana te tangi o te oro whakamutunga. Hei tauira ‘kō – atapō’.
- Ka mutu ana te mahi, me whakaaro ngā tamariki ki ētahi kupu huarite e 6 anō kātahi ka tuhia ki ngā kāri e wātea ana.
Instructions
- Copy the rhyming words template. Cut into word cards (enough for a set per pair).
- Students are to work in pairs.
- Give a set of cards to each pair.
- Students work together to join the cards according to the last sound of the word, e.g., kō – atapō.
- When they finish, students think of 6 more rhyming words and write them on the blank cards.
Torohia te pouaka Mō te rauemi ki raro nei e kite ai ngā rauemi hāngai: Rangi-5-Te-Tūhonohono-Kupu-Huarite (.pdf)
Mō te rauemi
Tonoa he kape o te pukapuka mai i Down the Back of the Chair (MOE712119)
Wāhanga Ako: Tikanga ā-Iwi
Taumata: Taumata 1, Taumata 2
Kaupapa: Te Aho Ngārahu
Tāpirihia ki te kohinga
