Rapanga Pāhekoheko - Te Ine me te Āhuahanga Taumata 4
He Rapanga Pāhekoheko
Te Ine me te Āhuahanga | Taumata 4
He Whakamārama
He ngohe ēnei hei whakahau i ngā ākonga ki te whakawhitiwhiti kōrero i roto i te rōpū iti, hei whakaoti rapanga pāngarau. Ka whai wāhi mai ko ngā pūkenga nei:
- te pānui;
- te āta whakarongo;
- te whakawhitiwhiti kōrero;
- te mahi tahi me te rōpū;
- te āta whakaaro arorau;
- te whiriwhiri rautaki hei whakaoti rapanga;
- te āta whakaaro ki te tika, te whaitakenga rānei o te otinga.
E hāngai ana ngā ngohe ki tēnā, ki tēnā o ngā whenu o te marautanga, waihoki ki tēnā taumata ki tēnā. He tauira noa iho ēnei rapanga. Māu, mā te kaiako e whakarite āu ake rapanga e hāngai ana ki āu ake ākonga. He māmā anō hoki te huri i ngā tau o roto i ngā rapanga kia uaua ake, kia ngāwari ake rānei mā te rōpū ākonga.
E tino aro ana ēnei ngohe ki te whāinga paetae mō ‘Te Reo Matatini o te Pāngarau’ o ia taumata o te marautanga pāngarau, arā:
Ka whakawhitiwhiti whakaaro, ka āta wānanga te ākonga i āna mahi pāngarau, mā te kupu (ā-waha, ā-tuhi), mā te tohu, me ngā momo whakaahuahanga e hāngai ana. He mea nui tēnei hei tautoko i te whakatutukitanga o ngā whāinga paetae e whai ake nei, e pakari anō ai te whakaaro arorau, te whakaaro arohaehae, te whakaaro whaitake me te auahatanga o te ākonga e hāngai ana ki tēnei taumata.
Ngā Tohutohu
- E whā ngā kāri mō ia rapanga. Kua tuhia te rapanga, te pātai rānei ki ia kāri, me ētahi kōrero hei āwhina ki te whakaoti i te rapanga. He rerekē ngā kōrero āwhina kei tēnā kāri, kei tēnā.
- Ka mahi takiwhā ngā ākonga, ka hoatu he kāri ki ia ākonga.
- Me noho matatapu ngā kāri ki ia ākonga, arā, kāore e whakaaetia te titiro a tētahi ki te kāri a tētahi atu.
- Mā ia ākonga e pānui ngā kōrero kei tana kāri, hei āta whakarongo mā te rōpū.
- Ka mahi tahi, ka whakawhitiwhiti kōrero te rōpū ki te whakaoti i te rapanga. He pai tonu te tuhi whakaaro, te tuhi pikitia rānei ki te papa tuhituhi hei āwhina i te rōpū.
Torohia te pouaka Mō te rauemi ki raro nei e kitea ai ngā rauemi hāngai:
- Rapanga pāhekoheko 4.11 (.pdf)
- Rapanga pāhekoheko 4.12 (.pdf)
- Rapanga pāhekoheko 4.13 (.pdf)
- Rapanga pāhekoheko 4.14 (.pdf)
- Rapanga pāhekoheko 4.15 (.pdf)
Te Ine me te Āhuahanga
Taumata 4
1. Ka whakaoti rapanga whaitake:
- ka kōwhiri, ka whakamahi i te waeine e hāngai ana mō te roa, te horahanga, te rōrahi (kītanga), te papatipu (taumaha), te paemahana, te koki me te wā;
- ka whakawhitiwhiti waeine māmā;
- ka whakamahi i ngā inenga tapa ki te whiriwhiri i te paenga me te horahanga o te tapawhā hāngai, me te rōrahi o te poro tapawhā hāngai;
- ka tuhi, ka whakamārama, ka whakamahi hoki i ngā momo wātaka me ngā mahere;
- ka mārama ki te whaitakenga o tētahi inenga.
5. Ka whakaatu, ka whakamārama, ka whakamahi i te wāhi noho (taunga) o tētahi mea, me te ahunga:
- ngā tōpito; ngā koki o te kāpehu; ngā āhuatanga o te taiao; te tukutuku (takirua raupapa); te mahere.
Te Rapanga |
Te Pātai |
Ngā Kōrero āwhina |
He Kupu Matua |
Te Otinga |
|---|---|---|---|---|
Whārangi Tārua Rapanga pāhekoheko 4.11 (.pdf) |
E hia mitamano (mm) te roa o te paenga o te tapawhā hāngai?
|
|
|
188mm |
Whārangi Tārua Rapanga pāhekoheko 4.12 (.pdf)
|
E hia ngā pou o tētahi o ngā tapa poto o te pātiki?
|
|
|
25 |
Whārangi Tārua Rapanga pāhekoheko 4.13 (.pdf)
|
He aha te aronga whakamutunga o Tamanui?
|
|
|
082.5° (mai i te raki) |
Whārangi Tārua Rapanga pāhekoheko 4.14 (.pdf) |
E hia mitarau (cm) te roa o ngā tapa?
|
|
|
E 3cm te roa o ngā tapa poto
E 5cm te tapa roa. |
Whārangi Tārua Rapanga pāhekoheko 4.15 (.pdf) |
E hia mitarau (cm) te roa o ngā tapa?
|
|
|
1.5cm = tapa poto
6cm = tapa roa |
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga
Mō te rauemi
Taumata: Taumata 4
Wahanga Ako: Pāngarau
Kohinga Whāiti: Rapanga Pāhekoheko
