Poraka Uara Tū
Poraka Uara Tū
He Kōwae Ako Pāngarau
He kōwae ako e aro ana ki te whakamahinga o te rauemi matihiko nei, te Poraka Uara Tū. Ko tā te kōwae ako nei, he tūhura i ngā tikanga uara tū o ngā tau mai i te 0 ki te 9,999. Ka whakaaturia te hononga ki te marautanga, ngā whāinga ako, ngā rauemi ka whakamahia, te rārangi o ngā kupu matua, tae atu ki te raupapatanga o ngā mahi ako.
E hāngai ana tēnei kōwae ako ki te rauemi matihiko nei, te Poraka Uara Tū. Ko tā tēnei rauemi, he āwhina i te ākonga ki te tūhura i te tikanga uara tū o ngā tau mai i te 0 ki te 9,999. Ka whakamahia he poraka uara tū hei whakaahua i ngā tau. E hāngai ana tēnei kōwae ako ki te Kaupae 5 o Te Mahere Tau.
1. Ka mōhio ki ngā tauoti 0–1 000: te whakaingoa i ngā tohutau; ngā raupapa tatauranga whakamua, whakamuri hoki ngā tikanga uara tū: te maha o ngā tahi, ngā tekau, me ngā rau kei roto i tētahi tau; te rahi me te hanga o tētahi tau; ngā tikanga o te taurua
Taumata 2
Te Tau me te Taurangi (Te Mātauranga Tau)
Whāinga Paetae 1:
Ka mōhio ki ngā tauoti 0–1 000:
- te whakaingoa i ngā tohutau
- ngā raupapa tatauranga whakamua, whakamuri hoki;
- ngā tikanga uara tū
- te maha o ngā tahi, ngā tekau, me ngā rau kei roto i tētahi tau;
- te rahi me te hanga o tētahi tau;
- ngā tikanga o te tauruame te taukehe.
Kia mōhio te ākonga ki:
- te maha o ngā tahi, ngā tekau, ngā rau me ngā mano kei roto i tētahi tau, tae noa atu ki te 9,999.
Kaupae 5
Te Tauākī Ako
- E ako ana ahau i te tikanga o ngā mati i roto i ngā tau 0 – 1000.
Ko tā te rauemi matihiko nei, te Pōraka Uara Tū, he āwhina i ngā ākonga ki te tūhura i te uara tū o ngā tau, me te whakaatu i te uara tū ki ngā poraka. Hei tauira, e 2 ngā rau, e 5 ngā tekau, e 8 ngā tahi kei roto i te tau 258. E 25 rānei ngā tekau me ngā tahi e 8.
Whārangi Tārua 1 – 4
mati |
digit |
|---|---|
pāwhiri |
click (computer mouse) |
poroka uara tū |
place value blocks |
pūtohu |
button or icon (on computer screen) |
rauemi matihiko |
digital learning object |
uara tū |
place value |
whakaahuahanga |
representation |
Torohia te pouaka "Mō te rauemi" ki raro nei e kitea ai ngā rauemi hāngai:
- Poraka-uara-tū (.pdf)
- Poraka-uara-tū-whārangi-tārua-1 (.pdf)
- Poraka-uara-tū-whārangi-tārua-2 (.pdf)
- Poraka-uara-tū-whārangi-tārua-3 (.pdf)
- Poraka-uara-tū-whārangi-tārua-4 (.pdf)
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
Mō te rauemi
Wāhanga Ako: Pāngarau - Te Tau me te Taurangi
Kohinga Whāiti: He Kōwae Ako Pāngarau
Taumata: Taumata 2
