Papa Whakarea (Kaupae 7)
Papa Whakarea (Kaupae 7)
He Kōwae Ako Pāngarau
He kōwae ako e aro ana ki te whakamahinga o te rauemi matihiko nei, te Papa Whakarea. Ko tā te kōwae ako nei, he tūhura i ngā rautaki tau hei whakaoti i te whakareatanga o tētahi tau mati-rua ki tētahi tau mati-rua. Ka whakaaturia te hononga ki te marautanga, ngā whāinga ako, ngā rauemi ka whakamahia, te rārangi o ngā kupu matua, tae atu ki te raupapatanga o ngā mahi ako.
E hāngai ana tēnei kōwae ako ki te rauemi matihiko nei, te Papa Whakarea. Ko tā te Papa Whakarea, he āwhina i ngā ākonga ki te tūhura i ngā rautaki wāwāhi tau mō te whakarea. I tēnei kōwae ako, ka whakamahia te Papa Whakarea ki te whakarea i tētahi tau mati-2 ki tētahi tau mati-2, hei whakatauira i te hātepe ōkawa mō te whakarea. E hāngai ana ki te Kaupae 7 o te Mahere Tau.
5. Ka kōwhiri, ka whakamārama i te rautaki e tino whaihua ana hei whakaoti rapanga e whai wāhi mai ana te tauoti, te hautau, te tau ā-ira, te ōrau, te ōwehenga, te tau tōpū me te taupū māmā: rautaki tatau; rautaki tāpiripiri; rautaki whakarea; rautaki pānga riterite māmā.
Taumata 4
Te Tau me te Taurangi (Te Mātauranga Tau me ngā Rautaki Tau)
Whāinga Paetae 5:
Ka kōwhiri, ka whakamārama i te rautaki e tino whaihua ana hei whakaoti rapanga e whai wāhi mai ana te tauoti, te hautau, te tau ā-ira, te ōrau, te ōwehenga, te tau tōpū me te taupu māmā:
- rautaki tatau;
- rautaki tāpiripiri;
- rautaki whakarea;
- rautaki pānga riterite māmā.
Kia mōhio te ākonga ki te:
- whakamahi i te Papa Whakarea ki te wāwāhi i ngā tau o roto i tētahi whakareatanga tau mati-2 mā te tau mati-2, ki te whakaoti hoki i taua whakareatanga;
- tuhi pikitia ki te whakamārama i ngā rautaki wāwāhi tau hei whakaoti rapanga whakarea (tau mati-2 mā te tau mati-2);
- whakaoti whakareatanga mā te hātepe ōkawa.
E tino hono ana tēnei kōwae ako ki te Mahere Tau o Aotearoa (tirohia te kaupapa o Te Poutama Tau i te pae tukutuku o https://nzmaths.co.nz).
E whakaatu ana te wāhanga rautaki o te Mahere Tau i ngā momo rautaki ka whakamahia e ngā ākonga ki te whakaoti paheko.
E hāngai ana te mahi o tēnei kōwae ako ki te Kaupae 7 o te Mahere Tau. I tēnei kaupae, ka kōwhiri te ākonga i te rautaki e hāngai ana ki te whakatau tata, ki te whakaoti tika i ngā rapanga whakarea. Ka wāwahia ngā tau e whakareatia ana ki ngā tekau me ngā tahi hei whakamāmā i te whakareatanga. Mā konei e mārama ai te ākonga ki ngā tikanga o te hātepe ōkawa mō te whakarea.
Ko te whakatau tata me te āta tirotiro i te whaitakenga o te otinga ētahi atu kaupapa o tēnei kōwae ako.
tāneke |
slider |
|---|---|
rauemi matihiko |
digital resource |
paheko tau |
number operation |
wāwāhi |
partition |
hātepe ōkawa |
formal algorithm |
akoranga matihiko |
digital learning object |
Torohia te pouaka "Mō te rauemi" ki raro nei e kitea ai ngā rauemi hāngai:
- Papa-whakarea-(kaupae-7) (.pdf)
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
Mō te rauemi
Wāhanga Ako: Pāngarau
Kohinga Whāiti: He Kōwae Ako Pāngarau
Taumata: Taumata 4
