I tēnei kōwae ako ka tūhurangia te āhuatanga kōaro o ētahi panoni e rua, te tūmau me te kōaro o ngā panoni. Ka whai wāhi mai hoki te hangarite o ētahi āhua. He mea pūtake mai tēnei kōwae ako i te akoranga kei te pae tukutuku nei:
http://illuminations.nctm.org/LessonDetail.aspx?ID=L566

6. Ka tautohu, ka whakamārama, ka whakamahi i te hangarite o tētahi āhua ahu-2, āhua ahu-3.

7. Ka tautohu, ka whakamārama, ka whakamahi i ngā āhuatanga pūmau o ngā panoni.

Taumata 4
Te Ine me te Āhuahanga
Whāinga Paetae 6 (Te Panoni):
Ka tautohu, ka whakamārama, ka whakamahi i te hangarite o tētahi āhua ahu-2, āhua ahu-3.

Whāinga Paetae 7 (Te Panoni):
Ka tautohu, ka whakamārama, ka whakamahi i ngā āhuatanga pūmau o ngā panoni.

Kia mōhio te ākonga ki:

• te whakaoti tūhuratanga pāngarau
• te tūmau me te kōaro o te paheko panoni
• te āhuatanga kōaro o te paheko panoni

• Ina pāhekoheko tētahi huānga o tētahi pūnaha pāngarau me te huānga tūmau, ka pūmau tonu te huānga tuatahi, kāore e rerekē. Hei tauira:

  • ko te ‘0’ te tūmau o te tāpiritanga me te tangohanga:
    a + 0 = a        a – 0 = a
  • Ko te ‘1’ te tūmau o te whakareatanga me te whakawehenga:
    a x 1 = a        a ÷ 1 = a

• Ina pāhekoheko tētahi huānga o tētahi pūnaha pāngarau me tōna kōaro, ko te huānga tūmau te hua. Hei tauira:

  • ko te haere whakatetonga te kōaro o te haere whakateraki.
  • Ko te ^–4 te kōaro o te ⁺4 mō te tāpiritanga. Arā, ⁺4 + ^–4 = 0 (ko te ‘0’ te tūmau mō te tāpiritanga)
  • Ko te ¼ te kōaro o te 4 mō te whakareatanga. Arā, ¼ x 4 = 1 (ko te ‘1’ te tūmau mō te whakareatanga)

• Ko te āhuatanga kōaro e mea ana kāore he take o te raupapa mai o ngā huānga o tētah paheko. He tauira:

  • he āhuatanga kōaro tō te hurihanga. Kāore he take o te raupapa mai o te hurihanga ½, me te hurihanga ¼. Ko te hurihanga ¾ te hua.
  • He paheko āhuatanga kōaro te tāpiritanga. Hei tauira, 3 + 4 = 4 + 3.
  • Ehara te tangohanga i te paheko āhuatanga kōaro, arā, 3 – 4 ≠ 4 – 3.

He kutikuti

He kāri