Moni Taurewa, Moni Penapena
Moni Taurewa, Moni Penapena
He Kōwae Ako Pāngarau
He kōwae ako e aro ana ki te whakamahinga o te rauemi matihiko nei, te Moni Taurewa, Moni Penapena. Ko tā te kōwae ako nei, he tūhura i ngā rautaki mō te tāpiri me te tango tau tōraro. Ka whakaaturia te hononga ki te marautanga, ngā whāinga ako, ngā rauemi ka whakamahia, te rārangi o ngā kupu matua, tae atu ki te raupapatanga o ngā mahi ako.
E hāngai ana tēnei kōwae ako ki te akoranga matihiko nei, Moni Taurewa, Moni Penapena. Ko tā te Moni Taurewa, Moni Penapena, he āwhina i ngā ākonga ki te tūhura i te tāpiri me te tango tau tōpū. Ko te horopaki o te pūtea pēke hei whakaatu i te tāpiri me te tango tau tōrunga, tau tōraro hoki. Ina, ko te moni taurewa he tau tōraro, ko te moni penapena he tau tōrunga, ā, ka whakaaturia hei pou kia kitea ai te hua o te whakapiki me te whakaheke i te moni taurewa, i te moni penapena rānei. Ka whiriwhiri hoki i te tapeke o te pūtea. E hāngai ana tēnei kōwae ako ki te Kaupae 7 o te Mahere Tau (Te Poutama Tau). Kei tēnei kōwae ako ētahi rapanga hei whiriwhiri tahi mā te kaiako me te ākonga mā te whakamahi i te akoranga matihiko, hei mahi wehe kē rānei mā te ākonga.
Te Tau me te Taurangi, Taumata 4, Whāinga Paetae 2, 5, 6
2. Ka mōhio ki ngā tikanga o:
- te tau tōraro me te tau tōrunga
5. Ka kōwhiri, ka whakamārama i te rautaki e tino whaihua ana hei whakaoti rapanga e whai wāhi mai ana te tauoti, te hautau, te tau ā-ira, te ōrau, te ōwehenga, te tau tōpū me te taupū māmā:
- rautaki tatau;
- rautaki tāpiripiri;
- rautaki whakarea;
- rautaki pānga riterite māmā.
6. Ka mārama ki te whaitakenga o te otinga o tētahi rapanga.
Te Hononga ki Te Mahere Tau
E tino hono ana tēnei kōwae ako ki te Mahere Tau o Aotearoa (tirohia te kaupapa o Te Poutama Tau i te pae tukutuku o www.nzmaths.co.nz).
E whakaatu ana te wāhanga rautaki o te mahere tau i ngā momo rautaki ka whakamahia e ngā ākonga ki te whakaoti paheko.
E hāngai ana te mahi o tēnei kōwae ako ki te ākonga kua eke ki te Kaupae 7 o te Mahere Tau.
I te Kaupae 7, e ako ana te ākonga ki te whakaoti rapanga tāpiri, rapanga tango hoki e whai wāhi mai ana te tau ā-ira, te tau tōpū, me te hautau.
Te Whāinga Ako
Kia mōhio te ākonga ki te:
- whakaoti rapanga tāpiri, rapanga tango hoki, e whai wāhi mai ana te tau tōrunga me te tau tōraro.
akoranga matihiko |
digital learning object |
|---|---|
moni penapena |
savings amount |
moni taurewa |
loan amount |
pāwhiri |
click (a computer mouse) |
pūtohu |
button (on a computer screen) |
tāneke |
slider |
tapeke |
total |
tau tōpū |
integer |
tau tōraro |
negative number |
tau tōrunga |
positive number |
Torohia te pouaka "Mō te rauemi" ki raro nei e kitea ai ngā rauemi hāngai:
- Moni-taurewa-moni-penapena (.pdf)
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
Mō te rauemi
Wāhanga Ako: Pāngarau
Kohinga Whāiti: He Kōwae Ako Pāngarau
Taumata: Taumata 4
