Ihumanea Pāngarau
Ihumanea Pāngarau
Hei Whakamārama
Kei tēnei whārangi ētahi rapanga me ētahi tūhuratanga e hāngai ana ki te ākonga matatau ki ngā mahi pāngarau.
Hei wero i te hinengaro ēnei rapanga, hei āta whakaaroaro mā te ākonga, hei whakatakoto māna i te huarahi whakaoti i te rapanga, te mahere rānei hei tūhura i te kaupapa.
Ko ētahi o ngā rapanga me ngā tūhuratanga e hāngai ana ki tētahi whenu kotahi, engari mō te nuinga e whai wāhi atu ana ētahi whenu e rua, e toru rānei.
He whārangi ākonga, he whārangi kaiako mō ia rapanga me ia tūhuratanga. Kei te whārangi ākonga ngā tohutohu, ngā whakamārama me ngā pātai mōna.
Kei te whārangi kaiako ētahi tauira otinga, me t/ētahi whakamārama e hāngai ana. E tohua ana hoki te mātauranga, ngā pūkenga me ngā kupu me mātua mau i te ākonga e tutuki i a ia te rapanga, te tūhuratanga rānei.
Koia nei ngā rapanga me ngā tūhuratanga ihumanea pāngarau e wātea ana i tēnei wā:
- Taumata 1 - 2
- Taumata 3
- Taumata 4
- Taumata 5
Taumata 1-2
He kohinga rapanga e hāngai ana ki ngā whenu katoa o te wāhanga ako pāngarau o Te Marautanga o Aotearoa, Taumata 1 - 2. Kei tēnei whārangi te whakamārama mō tēnei kohinga rapanga. Mā tēnei whārangi hoki e tūhono atu ai ki ia rapanga, arā, ki te whārangi tārua mā te ākonga, me tōna hoa whārangi mā te pouako.
Torohia te pouaka "Mō te rauemi" ki raro nei e kitea ai te rauemi hāngai:
Ihumanea-pāngarau-taumata-1-2 (.pdf)
Ingoa |
Kia mōhio te ākonga ki: |
|---|---|
Tūhuratanga Taparau |
|
Tapawhā Rite Rāroto |
|
Te Whakarea Taurua ki te Taukehe |
|
Kia Whā Ngā Toru |
|
Rākau Ataarangi |
|
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
Mō te rauemi
Wāhanga Ako: Pāngarau
Kohinga Whāiti: Ihumanea Pāngarau
Taumata: Taumata 1, Taumata 2, Taumata 3, Taumata 4, Taumata 5
