Te Huarere

Aronga Reo

E rua ngā tauira rerenga taketake e whakaatuhia ana kei tēnei hākoritanga-reo. Ko te tuatahi he reremahi wātū, me te hanga, ‘Kei te ...’, hei tauira, ‘Kei te whiti te rā’. 

Ko te tuarua he rerenga whakaahua, ka tīmata ki te ‘He...’, hei tauira, ‘He rangi wera’. 

Ka rongo hoki koe i te kīanga ‘nē rā’ i te mutunga o te rerenga – he rite ki ngā kīanga reo Pākehā pēnei i te ‘Isn’t that so’ me te ‘Eh’. 

Ko tētahi atu mea ka rongo pea koe, ki te hiahia koe ki te whakakaha ake i tētahi tūāhua, ka taea e koe te tāpiri i te kupu ‘tino’, hei tauira, ‘tino mākū’.
 

Aronga Reo

I roto i tēnei hākoritanga-reo ka rongo koe i ngā mihimihi ngāwari. Ka ako hoki koe ki te patapatai mō te huarere me ngā momo whakautu pai. I tua atu, ka rongo koe i ētahi kīanga wā, hei tauira, ‘i tēnei wā’, ‘ināianei’.

Tikanga

I runga i ngā kōrero mō te hī a Māui i tana ‘ika’, arā, Te Ika-a-Māui, ka rongo tātou i a Taupō e kīia ana ko ‘te Puku o Te Ika-a-Māui’.

Aronga Reo

Ka ako koe i tētahi rerenga whakataki e pai ana hei tīmata i te matapae huarere. 

I tua atu i ngā reremahi mō te āhua o te rangi, ka ako koe me pēhea te tāpiri ingoa wāhi, hei tauira, ‘Ki Ōhakune, ka pupuhi te hau’. Kia mahara ki te pūmahi ‘ka’ – e tohu ana i te wāheke.
 

Aronga Reo

Ka rongo koe i ngā ingoa wāhi Māori – me ngā kīanga mō te whakaahua i te huarere kei aua wāhi. 

Ka rongo hoki koe i te kupu ‘hoki’.

Kia mahara hoki ki te kupu ‘tohu’. 

I roto i te matapae huarere tuarua ka ako koe me pēhea te whakaahua i te horanga mai i tētahi wāhi matawhenua ki tētahi atu, hei tauira, ‘...mai i Taupō ki ....’. 

Ka ako anō koe i ētahi pūwāhi o te kāpehu; hei tauira, ko te ‘tonga’, te ‘rāwhiti’ me te ‘hauāuru’. 

Tua atu i tēnā, ko ētahi kīanga wā whaihua, hei tauira, ‘i te ata’; ‘i te ahiahi’.
 

Aronga Reo

Ka rongo koe i ngā ingoa wāhi Māori – me ngā kīanga mō te whakaahua i te huarere kei aua wāhi. 

Ka rongo hoki koe i te kupu ‘hoki’.

Kia mahara hoki ki te kupu ‘tohu’. 

I roto i te matapae huarere tuarua ka ako koe me pēhea te whakaahua i te horanga mai i tētahi wāhi matawhenua ki tētahi atu, hei tauira, ‘...mai i Taupō ki ....’. 

Ka ako anō koe i ētahi pūwāhi o te kāpehu; hei tauira, ko te ‘tonga’, te ‘rāwhiti’ me te ‘hauāuru’. 

Tua atu i tēnā, ko ētahi kīanga wā whaihua, hei tauira, ‘i te ata’; ‘i te ahiahi’.