Tūārere 3

Tau Ako

Ngā Whāinga Matua mō Te Uara Tū

7 Tau

Tautohu i te tikanga o ngā mati i te uara tū o ngā tau oti katoa me ngā tau ā-ira kia toru ngā mati whaiira.

Te Ngako o te Whāinga:

• Mārama ki te tūtohi uara tū mō ngā tau oti me ngā tau a-ira kia toru ngā mati whaiira.

• Ngā paheko tau ā-ira: whakamahi uara tū hei whakaoti tāpiri, tango, whakarea, whakawehe ki ngā tau ā-ira.

• Ngā tau ā-ira: mārama ki ngā tau ā-ira ki ngā haumano.

• Mārama ki te tikanga o te tānga ngahuru: whakamahi pū 10 kia tū mō ngā tau nui, me ngā tau tino iti mā te uara tū.

8 Tau

Tautohu i te tikanga o ngā mati i te uara tū o ngā tau me ngā tau ā-ira katoa.

Te Ngako o te Whāinga:

• Matatau ki te uara tū: he kaha nō ngā ākonga ki te whakamahi tau i roto i te miriona me tau ā-ira ki ngā haumano (tua atu rānei).

• Ngā tau ā-ira me ngā hautanga: whakamahi i te mōhiotanga o te uara tū ki te whakatau me te whakaraupapa i ngā tau ā-ira me ngā wāhanga, tae atu ki te huri i ngā tau ā-ira hei hautanga.

• Uara tū kei roto i te taurangi: whakamahi i te uara tū i te wā e whakarūnā kīanga taurangi me ngā whārite e pā ana ki ngā tau nui, rahi rānei.

• Ngā hatepe hōhonu: whakahaere i ngā tatauranga e pā ana ki ngā tau nui me ngā tau ā-ira, me te tino mārama ki te uara tū.

Tau Ako

Ngā Whāinga Matua mō Te Whakarea me te Whakawehe

7 Tau

Whakarea tauoti me te whakawehe tauoti ki ngā tauwehe mati-1, mati-2 rānei.

Te Ngako o te Whāinga:

• Ngā āhuatanga tau: tūhura whakareatanga kōaro (te tau me te tau huripoki) ki ngā tau whakarea, te huri kōaro, te āhuatanga tohatoha me te āhuatanga herekore.
• Whakaputa wawe i ngā meka matua ki te 10 × 10 me ngā ture whakawehe mō te 2, 3, 5, 9, 10.
• Whakarea me te whakawehe tau ki ngā pū-10.
• Whakawehe tauoti ki tauwehe mati-1, mati-2 rānei.
  • Hei tauira: 327 ÷ 5 = 65.4, 65 2/5 rānei.
• Whakaahua me te whakamahi āhuatanga kōaro, āhuatanga herekore, āhuatanga tohatoha.
  • Hei tauira: O × _ = _ × O
• Ngā whakaaturanga: whakamahi rauemi rāwekeweke me ngā momo hangarau.

8 Tau

Te whakarea me te whakawehe tauoti.

Te Ngako o te Whāinga:

• Whakamahi āhuatanga kōaro, herekore, tūmau, kōaro hoki.
• Whakarea me te whakawehe tau ki ngā pū-10.
• Whakawehe tauoti.
  • Hei tauira: 327 ÷ 15 = 21.8, 21 4/5 rānei.
• Whakarūnā rautaki taurangi e whai wāhi ana ki ngā tapeke, ngā otinga, ngā rerekētanga me te whakawhānui hoki i ngā kīanga ki te āhuatanga tohatoha.
  • Hei tauira: 2 (x + 3) + 1 = 2x + 6 + 1 = 2x + 7
• Ngā whakaaturanga: whakamahi rauemi rāwekeweke me ngā momo hangarau.

Tau Ako

Ngā Whāinga Matua mō Ngā Tau Whakahau

7 Tau

Tautohu, te pānui, te tuhi, te whakaahua hautanga,tau ā-ira (kia 3 ngā mati ā-ira) me ngā ōrau.

Te Ngako o te Whāinga:

• Whakatairite, te raupapa me te huri i ngā hautau, tau ā-ira (kia 3 ngā mati ā-ira) me ngā ōrau.
• Whakarea me te whakawehe tau ki ngā pū-10.
• Kimi hautau ōrite, te whakarūnā hautanga me te huri hautanga nui atu i te kotahi hei tau hanumi, tau hanumi hei hautanga nui atu i te kotahi rānei.
• Whakarea hautanga me ngā ngā tau ā-ira ki ngā tauoti me te kimi ōrau o tētahi tauoti.
• Kimi i te rahinga mēnā e mōhio ana ki te hautanga māmā, te tau ā-ira rānei o te rahinga.
• Hei tauira: 25% o te rahinga, ko te $100, nō reira, he aha te rahinga?
• Tāpiri me te tango hautanga, rerekē ana te tauraro ki ngā hautekau.
  • Hei tauira: 3 - 4 + 1 - 3
• Whakamahi whakaaro pānga riterite ki te tūhura i te pānga o ngā rahinga.
  • Hei tauira: E 3 pōro whero ki ngā pōro kikorangi e 7. E hia katoa ngā pōro mehemea 18 ngā pōro whero?
• Whakamahi whakaaturanga: whakamahi taputapu, pikitia, rārangi tau, taonga rānei hei whakaatu hautanga, tau ā-ira me ngā ōrau.

8 Tau

Tautohu, te pānui, te tuhi, te whakaahua hautanga, tau ā-ira, ōrau me ngā ōwehenga hei whakaoti rapanga.

Te Ngako o te Whāinga:

• Whakatairite, te raupapa me te huri i ngā hautau, tau ā-ira me ngā ōrau.
• Kimi hautau ōrite, te whakarūnā hautanga me te huri hautanga nui atu i te kotahi hei tau hanumi, tau hanumi hei hautanga nui atu i te kotahi rānei.
• Whakarea me te whakawehe tau ki ngā pū-10.
• Whakarea hautanga me ngā ngā tau ā-ira ki ngā tauoti me te kimi ōrau o tētahi tauoti.
• Kimi i te rahinga mēnā e mōhio ana ki te hautanga, te tau ā-ira rānei o te rahinga.
  • Hei tauira: 75% o te rahinga, ko te $45, nō reira, he aha te rahinga?
• Tāpiri me te tango hautanga he rerekē te tauraro mā te whakamahi hautau ōrite.
• Whakamahi whakaaro pānga riterite ki te toha rahinga rerekē.
  • Hei tauira: Ka tohatoha i ngā kāri 100. Mō ia kāri ka riro i ahau, ka riro i a koe e 3. E hia ngā kāri o tēnā, o tēnā o tāua?

Tau Ako

Ngā Whāinga Matua mō Ngā Waeine me ngā Āwhata

7 Tau

Whakatau tata, ka ine i te roa, te rōrahi, te kītanga, te papatipu, te paemahana, te raraunga pūrokiroki, te wā, me ngā koki mā te whakamahi waeine e whai take ana.

Te Ngako o te Whāinga:

• Te ine: te whakatau tatau me te ine tika i te roa, horahanga, rōrahi, kītanga, paemahana, raraunga pūrokiroki, koki, haerenga o te wā.
• Kōwhiri me te whakamahi waeine e tika ana.
  • Hei tauira: mita (m), karamu (k), rita (r) mō te pūnaha ngahuru me te whakamahi hoki i te kuhi (hei tauira, mitarau (hm), manokaramu (kg), ritamano (ml) hei whakaatu i te rahi o ngā waeine.
• Huri i ngā waeine o te roa, te papatipu me te kītanga mā te whakamahi i ngā tauoti me ngā tau ā-ira ki te whakaatu i tētahi huinga.
  • Hei tauira: 724 g = 0.724 kg.
• Tātai i te paenga me te horahanga o ngā āhua pūhui kua hangā ki te tapatoru me te tapawhā hāngai.

8 Tau

Whakatau tata, kātahi ka ine i te roa, te rōrahi, te kītanga, te papatipu, te paemahana, te raraunga pūrokiroki, te wā, me ngā koki mā te whakamahi waeine e whai take ana.

Te Ngako o te Whāinga:

• Ine i te roa, te rōrahi, te kītanga, te papatipu, te paemahana, te raraunga pūrokiroki, te wā, me ngā koki mā te whakamahi waeine e whai take.Kōwhiri me te whakamahi waeine e tika ana mō te pūnaha ngahuru me te whakamahi hoki ngā kuhi hei whakaatu i te rahi o ngā waeine.
• Te huri i ngā momo waeine.
  • Hei tauira: km ki m, ml ki l, kg ki g.
• Tātai i te rōrahi o ngā poro tapatoru me ngā momo poro kua hangā ki ngā poro tapawhā hāngai.

Tau Ako

Ngā Whāinga Matua mō Te Mokowā me ngā Āhua

7 Tau

Whakarōpū hanga e ai ki tōna āhuatanga, me te whakaingoa i ngā rōpū hanga motuhake me te whakawhiti kōrero mō ngā tūnga me ngā ahunga.

Te Ngako o te Whāinga:

• Mārama ki ngā āhua: whakahāngai mōhiotanga ki ngā hanga rerekē hei whakaoti rapanga o ia rā.
  • Hei tauira: Te tā kōwhaiwhai, he mahere papa, te whakatauira taonga.
• Ngā panga mokowā: kite ā-hinengaro, te waihanga, te tuhi mahere mō ngā poro ahutoru ki nga hanga poro, ā-rorohiko, ā-pepa tukutuku; tirohanga mai i mua, mai i muri, mai i runga, mai i raro, mai i te taha matau, mai i te taha mauī.
• Māherehere: whakamāori me te whakawhiti kōrero mō ngā tūnga me ngā ahunga o ngā taunga, ine koki, me ngā ahunga matua e 8 o te kāpehu.
  • Hei tauira: 45°= rāwhiti mā raki.

8 Tau

Whakaahua āhua Māori taketake, ngā tapatoru, tapawhā me ērā atu taparau e ai ki te hanga o ngā tapa, ngā hauroki me ngā āhuatanga koki me te whakamahi mahere āwhata, ahunga kāpehu.

Te Ngako o te Whāinga:

• Mārama ki ngā āhua: whakaahua āhua Māori, tapatoru, tapawhā me ērā atu taparau e ai ki te hanga o ngā tapa, ngā hauroki me ngā āhuatanga koki.
• Ngā pānga mokowā: whakaahua ā-hinengaro me te tuhi raumata mō ngā poro, ka tātari pānga i waenga hanga, me te whakaatu i aua pānga mā te tauira, te tātuhi rānei.
• Māherehere: whakamahi mahere āwhata, ahunga kāpehu, tawhiti ka huri ai ki te whakamāori me te whakawhiti kōrero mō ngā tūnga, ngā ahunga me ngā tukutuku tūnga tohutoro.

Tau Ako

Ngā Whāinga Matua mō Te Tātari Raraunga

7 Tau

Whakamahi i ngā rautaki huhua hei kohi me te tautohu raraunga, waihanga me te whakaahua whakaaturanga raraunga.

Te Ngako o te Whāinga:

• Kohi raraunga me te kimi hapa ka whakatika ai, mēnā he hapa, whakarite i te papakupu raraunga hei āwhina i ētahi ki te whai māramatanga ki ngā whakamahukitanga whai tikanga mō tētahi horopaki.
• Waihanga me te whakaahua i ngā whakaaturanga mō te whakarāpopoto, whakatairite, pānga, tūhura houanga me te kōtui horopaki me ōna āhuatanga.
• Whakahono me te matapaki i te horopaki hei whakautu i te pātai tūhuratanga ki ngā taunaki o te tātari.

8 Tau

Whakamahi i ngā rautaki huhua hei kohi me te tautohu raraunga, waihanga me te whakaahua whakaaturanga raraunga.

Te Ngako o te Whāinga:

• Kimi raraunga kua kohia kētia e tētahi tangata, tētahi kamupene, te aha rānei me te whakamārama i ngā taurangirangi ki ngā papakupu raraunga.
• Waihanga me te whakaahua i ngā whakaaturanga mō te whakarāpopoto, whakatairite, pānga, tūhura houanga mā te whakamahi i ngā whakaaturanga huhua me te kōtui horopaki me ngā tirohanga rerekē o ōna āhuatanga.
• Tūhonohono, te whakawhiti kōrero mō te horopaki hei whakautu i te pātai tūhuratanga ki ngā taunaki o te tātari.