Kai

Aronga Reo

Ka rongo koe i te tūnga o te tūāhua i muri i te tūingoa, hei tauira, ika nui. 

Ka rongo hoki koe i te tīmatanga pātai ‘He aha...’, hei tauira, ‘He aha te wā?’. 

Ka mātakitaki ngā tamariki me te harikoa ki te hurihanga o tētahi kupu ki tētahi atu – mā te hurinaha i ngā pū, hei tauira, ‘ika’ me ‘kai’.

Aronga Reo

He tino whaihua ētahi o ngā hanga reo kei tēnei hākoritanga-reo - ina koa me pēhea te: 

• whakapuaki i te hiakai
• pātai mō ngā mea pai ki tētahi 
• whakaatu i ngā mea kāore i te pai ki a koe (mā te kāhoretanga)
• whakaahua i ngā take ngāwari mō ngā mea kāore i te pai ki a koe
• whakapuaki i ngā mea pai ki a koe. 

Kia mahara ki te kupu pūhui ‘hiakai’. I takea mai i te ‘hia’ me te ‘kai’. Kia mahara hoki ki te kupuhono ‘engari’.
 

Tikanga

Kei te mōhio a Jenny ki ngā tikanga – nō reira ka hoatu e ia te hanawiti ki te manuhiri, nā te mea me mātua manaaki ngā manuhiri i te tuatahi (ā, ka hoatu ki a rātou ngā kai pai rawa atu).

Aronga Reo

He ngāwari, he tukurua te hākoritanga-reo. Ka tohutohu a Jenny ki a Sam kia hoatu ētahi mea rerekē ki a ia, hei tauira, ‘Homai he pereti’, ka mahi a Sam. I a ia e tuku ana i ngā taonga e hiahiatia ana, ka kī atu ia ‘Anei ...’. 

Kia mahara ki te pūnoa ‘he’, hei tauira, ‘Homai he parāoa’. 

Kia mahara hoki ki te āhua o te hanga whakahau mā te tāpiri i te kūmuri ki te tūmahi. I konei, i tāpirihia te kūmuri ‘-tia’ ki te tūmahi ‘manaaki’ hei hanga ‘Manaakitia’.
 

Aronga Reo

Ka rongo koe i te tīmatanga pātai ‘He aha...’. Ka rongo hoki koe i te kīanga pūhono/pūwāhi ‘kei roto’. 

Ka ako koe me pēhea te: 

• pātai mō ngā whiringa kai e rua (mā te whakamahi i te ‘rānei’)
• tono marie i tētahi mea kia tukuna (mā te whakamahi i te ‘koa’)
• whakamahi i te tūkapi riro takitahi ‘taku’
• kī atu ki tētahi kia tatari (mā te whakamahi i te ‘Taihoa’).

He uaua ake te kupu ‘māu’. I ētahi wā  ka tuhia pēnei, ‘māhau’.