E wātea ana ētahi pukapuka He Kōrero Tātai hou

Tēnei ētahi pukapuka hou e toru te tae mai nei ki ngā kura puta noa i Aotearoa  hei wāhanga o He Kōrero Tātai.  

Ko tā He Kōrero Tātai he tautoko i Te Takanga o Te Wā i roto i Te Marautanga o Aotearoa. I tuhia ngā pūrākau me ngā tuhinga i roto i ngā pukapuka e ngā kaituhi Māori. He mea āta hoahoa kia whakahihiritia ngā ākonga, kia tautokona hoki tō rātou whanaketanga pānui, me tō rātou mōhiotanga ki ngā tāhuhu kōrero o Aotearoa. 

E wātea ana ia pukapuka hei ata Kūkara whai ororongo, me ngā rauemi tautoko kaiako i te taha (KSM), me ētahi atu kai matihiko tāpiri mō ia tuhinga i te pukapuka

Inā ētahi o ngā kai kei roto i ngā pukapuka hou e toru:
 

• He kura nui: Tuia i runga tuia i raro’. Ka aro ake tēnei ki te huringa o te ao me te taiao. Me pēhea te tiaki i tō tātou taiao, me ngā kōrero hītori o tētahi iwi? He matapihi ki te ao o nehe me ngā mahi a ngā tūpuna.
   
• He tikanga, he taonga ka poipoia: Whāia ngā kōrero mō ngā taonga a te Māori. Ka tirohia te mahinga poi me te hira o te hononga ki ngā waiata Māori hei tūāpapa mōu. Ka kōrerotia ngā momo mahi e hono ana i a koe ki ō tūpuna me ā rātou mahi i ngā rā o mua.
   
• Kia haumanu, kia ora: Te hiranga o tō tuakiritanga hei āhuru mōwai. Mai i tō ūkaipō tae noa ki tōu ake reo. Te kaha o tētahi Iwi ki te mau tonu ki ō rātou ake reo hei painga mō te iwi.

Kua tukua atu he kāpuinga akomanga, kei roto nei ngā pukapuka kua tāngia, ki ngā kura katoa. Ka taea ētahi atu kape te tono mai i Down the Back of the Chair.  

Kei konei ngā pukapuka ororongo kei Tāhūrangi: He Kōrero Tātai (Tāhūrangi)