Ngā Tau

Aronga Reo

Ko te reo whiriwhiri utu te aronga reo. Ka ako koe ki te pātai mō te utu o tētahi mea, arā, ‘He aha te utu mō...’. 

Kia mahara, i mua i ngā tau 2-9, ka noho ko te kupu ‘e’, hei tauira, ‘E rua tāra’ ($2). Engari kāore te tau tahi e pēnei ana, hei tauira, ‘Kotahi tāra’ ($1). 

E rua ngā tūkapi takirua whaihua (engari āhua uaua) e whakamahia ana; ko ‘māua’, ko ‘kōrua’.
 

Aronga Reo

I roto i tēnei hākoritanga-reo, ka ako koe ki te tuku i te pātai ‘tokohia’, ‘e hia’ rānei - he rerekē ngā pātai mō te tangata i ngā pātai mō ngā kararehe me ngā mea atu. Ka whakamahi koe i te ‘Tokohia’ ki te pātai i te maha o ngā tāngata kei reira me ‘E hia’ ki te pātai i te maha o ngā kararehe/mea. 

Ka rongo koe he rerekē te tatau tangata i te tatau kararehe (mea atu rānei). 

Ina tatauhia ngā tāngata toko 2-9, me whakamahi te kūmua ‘toko-’, hei tauira, ‘tokoono ngā tamariki’. 

Ka rongo koe ina tatauhia ngā kararehe (ngā mea atu rānei) e 2-9 ka noho ko te ‘e’ ki mua, hei tauira, ‘e whā ngā kurī’. 

Kia mahara ki ngā aweretanga: arā, kotahi, hei tauira, ‘kotahi te ika’ me ngā tau ka tīmata ki te tekau, hei tauira, ‘tekau mā toru ngā mōkai’.

Aronga Reo

Ka ahu haere te reo mai i te tatau 1-10, ki te 11-20, ā, mā ngā tekau i muri mai kia tae ki ngā tekau tekau, arā, 100.

Aronga Reo

Ka ako koe ki te whakaputa tau mā te whakamahi i ngā mano, ngā rau, ngā tekau me ngā tau takitahi.