Ko Au

Tikanga

Ko te tikanga o te kupu ‘whānau’ he nui ake i te whaea, te pāpā, me ngā tamariki. He whānui ake i te whānau whaiaro. I roto i te ao Māori, he wāhi  nui tō ō tātou tūpuna. Ka whakanuia rātou, ka kitea ngā painga o te mātauranga me te aroha i tukuna iho e rātou ki a tātou.

Aronga Reo

Ka ako koe me pēhea te tautuhi ko wai tētahi, he aha tana hononga ki a koe (ki tētahi atu rānei). Ka ako hoki koe ki te tuku i te pātai ‘Ko wai’. Kia mahara hoki ki ngā tūkapi ‘au’ me ‘ia’.

Aronga Reo

Ko te āhuatanga reo tino nui o tēnei hākoritanga ko te whakamahi i te kūmua ‘kai-’ (ko te tikanga ‘he tangata e mahi ana i tētahi mea’, hei tauira, ‘kaiako’, te tikanga he tangata whakaako; me te ‘kaihoko’, te tikanga he tangata e hoko ana). 

Kia mahara ki te tūkapi riro takitahi ‘tana’. 

Kia mahara hoki ki te tīmatanga rerenga whakaahua ‘He’, hei tauira, He kaiako ia.
 

Tikanga

I roto i te ao Māori, he pai ake te pātai ki tētahi nō hea ia, i te pātai mō tana mahi, hei tauira. He mea nui te tūhononga o te tangata ki tētahi wāhi.

Aronga Reo

Ka ako koe ki te pātai atu nō hea tētahi, hei tauira, ‘Nō hea ia?’

Ka ako hoki koe me pēhea te whakautu ina pātaia taua pātai, hei tauira, ‘Nō Hāmoa ia’.