Te Wharekura 88
Te Wharekura 88
Nā Waitangi Teepa rāua ko Kiwa Hammond ngā kaituhi mō Hokotehi Moriori Trust
Nā Tūmanako Taurima i tuku te kōrero Te Haerenga ki te kaituhi, ki a Kiwa Hammond
Nā Maui Solomon i tuhi He Iwi Hou Rongo, I Muri mai i te Hui i Te Awapātiki, ā, nā Carol Buchanan i whakamāori
Nā Roger Fyfe i tuhi Ngā Waka o ngā Tai Whatinga Nui, ā, nā Che Wilson i whakamāori
Ko Carol Buchanan rāua ko Stephanie Tibble ngā ētita
Ko Phillip Paea te kaihoahoa
This collection focusses on history of the Moriori people, their migration, their landmarks and their language.
Order copies of this book from Down the Back of the Chair (MOE11463), or you may be able to find this in the resource room in your kura.
Ngā pūrākau kei roto i te puka nei:
- Te Iwi Moriori
- He Iwi Hou Rongo
- Me Iaroha ki te Re Moriori
- Te Mahi Kai
- Ngā Waka o ngā Tai Whatinga Nui
- Ngā Rā e Toru ki Te Awapātiki
- Te Haerenga
- I muri mai i te Hui i Te Awapātiki
See the “About this resource” box below to download resources.
- He tirohanga whānui
- Ngā āhuatanga reo
- I mua i te pānui pukapuka
- I te ākonga e pānui pukapuka ana
- I muri i te pānui pukapuka
- Ngā tohutoro
He tirohanga whānui
He kupu whakataki
Ko te huinga pukapuka Te Wharekura, he kohinga kōrero nō neherā, nō ēnei rangi tonu, mā te hunga rangatahi. Ka whai atu te huinga pukapuka Te Wharekura i te huinga pukapukaTe Tautoko, ā, e hāngai ana ki ngā ākonga kei ngā tau 11–13 i te kura. Ko te arotahinga o tēnei putanga ko te iwi Moriori. Ka aro atu ngā kōrero i roto i tēnei pukapuka ki te taenga atu o te iwi Moriori ki Rēkohu, ngā kai i Rēkohu, ngā waka o te iwi Moriori me ētahi āhuatanga i pā atu ki ngā Moriori i ngā wā o mua tae noa ki nāianei.
Ngā whāinga o tēnei pukapuka
He mea waihanga tēnei pukapuka hei tautoko i ngā pouako ki te:
- tautohu hononga ki Te Marautanga o Aotearoa
- tautohu hononga ki Ngā Paerewa Paetae
- tautohu i ngā ara e whakahāngaitia ai pea ngā kōrero o te putanga nei ki ngā hōtaka reo matatini a te kura
- whakawhānui i ngā horopaki me ngā whakamahinga o tēnei pukapuka mā te whakatauira i ētahi momo ngohe ako
- tīpako i ngā pūkenga me te mātauranga e arotahitia ana me te tautohu i ngā rautaki ako hei whāngai i ēnei āhuatanga ki te ākonga.
He whāinga ako
Kia tautoko i ngā ākonga ki te:
- whakawhānui i ō rātou mōhiotanga mō te iwi Moriori
- whakapakari i tō rātou āheinga ki te whai i tētahi tukanga tūhuratanga
- kōrero mō te hītori o te iwi Moriori me te āhua o tō rātou noho ināianei
- tautohu i ngā momo āhuatanga reo o ngā kōrero taki
- whakawhānui i ō rātou rautaki pānui pukapuka kia taea ai e rātou te patapatai me te whakamārama i te take o te kaituhi.
He horopaki ako
Anei ētahi whakaaro mō ngā horopaki ako, ko:
- te iwi Moriori
- ngā tikanga rongomau o te ao
- ngā kerēme a te Rōpū Whakamana i te Tiriti o Waitangi.
He ngohe
Anei ētahi ngohe e hāngai ana ki ngā kōrero katoa o roto o Te Wharekura 88, ka taea e te pouako te whakamahi kia tutuki ai ngā whāinga whakaako me ngā whāinga ako. Ka taea anō e te pouako te rāwekeweke ēnei whakaaro kia hāngai ake ki ngā whāinga ako me ngā hiahia o ngā ākonga.
About this resource
Order copies of this book from Down the Back of the Chair (MOE11463), or you may be able to find this in the resource room in your kura.
Taumata: Taumata 6, Taumata 7, Taumata 8
Kaupapa: Rārangi Pukapuka
Kohinga: Te Wharekura
