Te Wharekura 83
Te Wharekura 83
Nā Anituatua Black ngā kōrero
Nā NASA rāua ko Luda Bovina-Welch ngā pikitia
Nā Phillip Paea ngā hoahoa me ētahi o ngā pikitia
This collection shares a story that relates to the origins of the world.
Order copies of this book from Down the Back of the Chair (MOE11263), or you may be able to find this in the resource room in your kura.
Ngā pūrākau kei roto i te puka nei:
- Te Waharoa a Tāne
- Ākina te Kanapa o te Whakaaro
- Te Takutaku a Mahuika
- Te Whai a Who o te Mātauranga
- Te Menemene a te Whai
- He Atua ā rāua Tamariki
- Te Hika Matakite
- Auē, Taukuri E!
- He Tau ngā Te Hinengaro
- Huakina te Tatau Pounamu
- Ngā Huarahi o te Ao
See the “About this resource” box below to download resources
- He tirohanga whānui
- Hei mahi 1
- Hei mahi 2
- Hei mahi 3
- Hei mahi 4
- Hei mahi 5
- Hei mahi 6
- Hei mahi 7
- Hei mahi 8
- Hei mahi 9 me 10
He tirohanga whānui
He kupu whakataki
He huinga pukapuka a Te Wharekura i whakatakotoria hei rauemi reo Māori e pā ana ki te ao Māori i roto i te horopaki mō te ao. He kōrero mō te ao tawhito mō Ranginui rāua ko Papatūānuku, mō Tāne, mō ngā tikanga tawhito, me te herenga mai ki ngā tikanga kei te mahia i nāianei. Ka mahuki ake anō ngā kōrero mō te mahana haere o te ao i runga i ngā mahi taruweku a te tangata.
Ka uru mai he pātere, he kupu whakarite, he kōrero tawhito, he kupu here ā-wairua i ngā mahi tapu, i ngā tikanga tawhito, me ngā taputapu anō ki te āhua o te noho i ēnei rā.
Kua horahia atu a Te Wharekura 83 hei whāwhātanga mā te hunga whakaako i te reo Māori me te ako i ōna tikanga.
Te whakamahi i tēnei pukapuka
Mā te pouako tēnei pukapuka, hei āwhina, hei tautoko i āna mahi whakarite mahere ako mā ngā ākonga. Ka arotahi ki Te Reo Māori i roto i te Marautanga o Aotearoa, ngā whāinga paetae, ngā pūkenga, te kawenga me te aromatawai. Kei te pukapuka mā te ākonga, arā, ko [italic] Te Wharekura 83: Te ngawiki o te ao [italic end], te horopaki e hāngai ana ki te taumata me tāu e hiahia ana mō āu ākonga. Whakawehea ia whenu, kia whakawhanake i ngā pūkenga o ngā ākonga. Tērā pea ka hiahia koe kia whakatāruaruatia ngā wāhanga o tēnei pukapuka hei tāpiri atu ki tāu mahere.
Te kaupapa matua
Ko te kaupapa matua o Te Wharekura 83, ko te āta pānui i Te ngawiki o te ao mai i te kore, ki te pō, ki a Ranginui rāua ko Papatūānuku, ki te tuku i ō rāua aroha, i te wā i wehea e Tāne, me te tipuranga o ngā mea katoa o te ao.
I tua atu, kōrerotia te āhua o te kohi kai, o te hī ika, o te toiora, o te whenua, ngā pānga ki ngā tōpito o te ao, ngā kaitiaki mātāmua – te whai me te tohorā, me te herenga ā-wairua, ā-tinana o te tangata ki ēnei āhua. Ko ētahi o ēnei tikanga kei te mau tonu, ko ētahi kua makere noa i runga i te huri o te oranga o tō tātau ao.
Te hononga ki ngā marautanga
- Mā te pouako anō e whakamahere te hononga o ngā mahi kua mahia e te ākonga hei whakaaturanga ki tētahi whakaminenga.
- Mā te ākonga e whakaemi āna mahi ki te pūataata rorohiko i a rātou e whakaoti ana i ngā ngohe.
Hei te mutunga, ka whakaatu ki te akomanga, ki te kura, ki ngā mātua rānei. Ko te tūmanako, ka kohia ki tētahi hautaka e ngā ākonga ā rātou mahi katoa, ka tiaki hoki ki tētahi kōpae.
Ko ngā ngohe nei e akiaki ana i te ākonga me te pouako ki te rāwekeweke i ngā pūrere hiko me ngā iahiko, arā, ko te rorohiko, te pūataata rorohiko, te pūataata ā-reo, pūrere ataata me ngā momo ataata katoa. Kātahi ka whakamōhio atu ki tētahi hunga i ō rātou mōhiohio, mātauranga katoa.
Ka whai wāhi te pouako ki te tango whakaahua, pūrere ataata, rīpene ataata, ataata ā-reo hoki. Ka noho ēnei ataata hei taunaki i ngā mahi kua mahi nei e te ākonga, hei tāonga aromatawai mā te pouako, mā te whānau hoki.
About this resource
Order copies of this book from Down the Back of the Chair (MOE11263), or you may be able to find this in the resource room in your kura.
Taumata: Taumata 6, Taumata 7, Taumata 8
Kaupapa: Rārangi Pukapuka
Kohinga: Te Wharekura
