Te Wharekura 58
Te Wharekura 58
Nā Eileen Mata Te Rangi rātou ko Rihi Puhiwahine, ko Te Rerehau ngā kōrero.
Nō Patupaiarehe me Ngāti Awa tētahi o ngā waiata, ā, nō Ngāti Tūwharetoa hoki ētahi waiata
Nā Te Taite Te Tomo te whakamārama mō tētahi o ngā waiata
Nā Te Maari Gardiner te pikitia me te uhi
This collection focusses on the songs written by Eileen Mata Te Rangi that was taken from Mōteatea 1. The rest of the collection includes songs from Ngāti Tūwharetoa.
He mihi
Tēnei te tuku mihi atu ki a Eileen Mata Te Rangi, nāna te katoa o ngā tuhituhinga o tēnei whakaputanga o Te Wharekura 58. Ka nui te aroha ki a ia me tana iwi nā rāua te whakaae kia tukuna ngā pakiwaitara nei ki te ao. Hāunga rā, ko ēnei o ngā tuhituhinga ko He Waiata Aroha mō Te Toko (Mahutu), ko He Aroha mō Te Tomo, me He Waiata Aroha nā Te Turehu (Patupaiarehe), i tīkina mai i te pukapuka Ngā Mōteatea , hei āwhina i te kaupapa Mōteatea nei. Me tuku mihi whānui hoki ki ngā iwi nā rātou te mahi kohikohi me te whakatā tuatahitanga i a rātou ki te whei ao. Nā reira, me kaha tonu koutou e ngā tauira e hiakai mai nei ki tēnei reo rangatira, ki te kimi, ki te whai i ēnei momo tuhinga i ngā wāhi katoa o te ao tā pukapuka.
This resource is no longer in print. You may be able to find it in the resource room in your kura.
Ngā pūrākau kei roto i te puka nei:
- Pīhanga
- Te inoi ki a Tāne
- Te whakawai i te waka i a Te Reporepo
- Te aroha a ngā maunga
- Ruapehu
- Waiata aroha 1
- Waiata aroha 2
- Ngā moteatea
- He waiata aroha mō Te Toko (Mahuta)
- He waiata aroha mō Te Tomo
- He waiata nā te tūrehu (Patupaiarehe)
See the “About this resource” box below to download resources.
- Pīhanga
- Te inoi ki a Tāne
- Te whakawai i te waka i a Te Reporepo
- Te aroha a ngā maunga
- Ruapehu
- He kohinga waiata
- He kohinga mōteatea
Pīhanga
Nā Eileen Mata Te Rangi
Hei tīmatanga kōrero ēnei mō te takiwā, e ai ki te kaituhituhi o te pakiwaitara nei, hei whakaatu ingoa maunga, ingoa kāinga, ingoa tīpuna hoki hei whakatū i te kaupapa.
E te whaea Pīhanga
E tū teitei nei i runga i te papa
Waipapa te wai ū o te whaea
Te whaea Pīhanga
I koropupū ake ngā puna o Tokaanu
I ō tahataha
Te wāhi nohonga maunga
A Tī Oreore me Tī Katakata
Ngā kapua pateri kaihau
Ngā kaitiaki o ngā puna
Ngā mokopuna ... ō mokopuna.
Ka takahui te iwi
Ka titiro ki te atatū
Ka tūhāhā a Te Rangitautahanga
Te amokapua, te upoko āriki
I te wāhi nohonga maunga.
Ka kī ia ki tōna iwi
Kua tae ki te wā ki te hanga waka
Koinei te pūrākau o te iwi
Te Reporepo, te tātai whetū.
He kōrero whakamārama
Pīhanga – he ingoa maunga kei roto o Ngāti Tūwharetoa, ā, e mōhio whānuitia ana e te ao.
Tokaanu – he kāinga tēnei e tū ana ki te taha tonga o te roto o Taupō nui ā Tia (Taupō Moana).
Tī Oreore, Tī Katakata – he ingoa whetū ēnei kei te kāhui o ngā Magellan Clouds i whakamahia rā e Ngatoroirangi i te hekenga nui ki Aotearoa. E ai anō ki te kōrero, i noho te pīataata o aua whetū nei hei kaitiaki ki ngā wai puna o Tokaanu, ā, hei mokopuna tonu ki a Pīhanga.
kapua pateri kaihau – Magellan Clouds.
takahui – te whakarōpū, te huihui.
Te Rangitautahanga – he ingoa ariki, rangatira hoki ko ia te amokapua (ariki) o te iwi o te takiwā.
pūrākau – he kōrero, he pakiwaitara.
Reporepo – he ingoa waka tēnei i hangahia. He ingoa tātai whetū anō i whaia e Ngatoroirangi kia tae ora mai ai te waka a Te Arawa ki Aotearoa nei.
Ngā Kupu Whakamārama
- A – K
- M – P
- R – WH
A
aho envelop
ākina dashing
amokapua chief, leader
ārei obstacle
atiati drive off as in banish
aweko knowing
āwhā storm
H
haeata dawn
hanga build, make, construct
hanguru rumble
haurui dispel, dispelling
hawa tremble
hikuwai source of a stream
horoi (a) mutunga kore wash in eternal glory
horokukū reluctant
hukinga source
K
kakano texture
kapua pateri kaihau Magellan clouds
kārapu splash
kārarapa flashing
kōhumuhumu whisper
koimutu truncated
kōripo whirlpool
korowai raurau cloak of leaves
About this resource
This resource is no longer in print. You may be able to find it in the resource room in your kura.
Taumata: Taumata 6, Taumata 7, Taumata 8
Kaupapa: Rārangi Pukapuka
Kohinga: Te Wharekura
