Ngā Hua Whakatinana Marautanga

Kua hoahoatia nei ngā hua Whakatinana Marautanga hei āwhina kura ki te whakaoho i Te Marautanga o Aotearoa kua whakahoutia i rō akomanga, i ngā Rā Kaiako Anake. 

He whakarato aratohu whaitake ēnei rauemi mā ngā kaiako me ngā kaihautū, kia māmā ake ai te whakatinana, kia nui ake ai te mahi ngātahi, ā, kia ngāwari ai te whakahāngai ki ngā horopaki rerekē. Kei roto i aua utauta ngā ngohe rite ki te whakamahi, ngā aratohu whakamahere, me ngā tauira hei whakapiki i tō te kaiako māia, me te whakatairanga i te māramatanga tiritiri. Kei te whakaata ērā i te matawhānui me ngā uara o Te Marautanga o Aotearoa, otirā kei te tuku ara ngangahu mō te whakaako me te ako. 

Tūhuratia ngā rauemi kei raro, ka tikiake i ngā PDF i te pouaka Mō te rauemi hei whakamahinga mā tō rōpū i ngā wā whakamahere, i ngā Rā Kaiako Anake rānei. 

Ngā Kara Wāhanga Ako
Tauira Mahere ā-Tau
Ētahi Ngohe mā ngā Kaihautū me ngā Kaiako

Ngā Kara Wāhanga Ako

He huinga kara mō Te Reo Rangatira me te Pāngarau e whakaatu ana i ngā whenu me ngā āhuahira ahurei o ngā wāhanga ako. Ka rawe hei whakakite i ngā rūma kaiako, i ngā wāhi kaimahi rānei. 

He Tauira Mahere ā-Tau

He tauira tirowhānui mahere ā-tau mō te Pāngarau (Tau 1–Tau 7), kua hoahoatia hei āwhina i tā te kaiako hanga mahi ako puta noa i te tau. 

He Tauira Mahere Kōwae Ako

He tauira mahere kōwae ako mō te Pāngarau (Tau 7) e arotahi ana ki Te Tauanga – Te Whakaata me te Tātari Raraunga. Ka whai wāhi ko ngā koronga ako, ētahi ngohe, ētahi hono ki ngā akoranga o mua, o muri atu rānei, ētahi tūhononga hapori, ētahi whakaaro aromatawai, me ētahi tohuāki huritao mā te kaiako. 

Ētahi Ngohe mā ngā Kaihautū me ngā Kaiako

Ētahi ngohe poto me te whaitake hei āwhina ki te wewete i ngā kiko o ia wāhanga ako. 

He tuhinga ārahi e whakataki ngohe ana me te pūtake o tēnā, o tēnā. Te tautoko kaiako kia mārama ki te rerenga, ngā ariā matua, me ngā tūhononga i mua i te tīmata i ngā mahi e whai ake ana. 

Kupu Whakataki

A guidance document introducing the activities and their purpose. Supporting kaiako to understand the flow, key ideas, and connections before starting the following actitivies.

Ngohe 1: He Poutama Ako

He mahi rōpū: Te Whakamahere Koke Whakamua

Ka āwhina kaimahi kia taunga haere ki ngā tauākī koke whakamua puta noa i ngā tūārere i roto i tētahi wāhanga ako kia mōhio ai ka pēhea te ako e whanake ā-hātepe ai. 

Ngohe 2: He Mōhiotanga

He mahi takirua: Te Whakamahere Mōhiotanga

Ka tautoko kaimahi kia taunga haere ki ngā wāhi mōhiotanga i roto i ia wāhanga ako, me te hanga hononga i waenga i ngā wāhanga ako, ngā whenu, me ngā mōhiotanga. 

Ngohe 3: Ngā Toi Mokopuna

He mahi rōpū: Toi Mokopuna

Ka torotoro i ngā toi mokopuna e whakaatatia ana i ngā wāhanga ako o Te Marautanga o Aotearoa kua ahu mai i ngā Pou Matua. He whakatītina tēnei i te tautuhi hononga puta noa i ngā wāhanga ako. 

Ngohe 4: Auahatia te Whakaako

He mahi takirua: Tūmahi ako (Whakaako ā-Kōwae Ako)

Ka tautoko i te kaiako ki te whakahāngai i tōna māramatanga o ngā Toi Mokopuna, ngā Wāhanga Ako, ngā Whenu, me ngā mōhiotanga marautanga mā te hoahoa i tētahi tūmahi ako poto me te tūturu. 

Tīkina ake ēnei rauemi hei whakamahinga i ō mahi whakamahere, i tō whakaako, me ngā matapaki ā-rōpū. 

Mō te rauemi

Download these resources to use in your planning, teaching, and team discussions.

Tāpirihia ki te kete

Tāpirihia ki te kohinga

Tikiake i te rauemi

Reviews

File Downloads

No files available for download.