Tūmoanakōtoreiwhakairiaoratia
Tūmoanakōtoreiwhakairiaoratia
Tūwhakairiora hapū
He kōrero tēnei kua heke mai i ō mātau kuia me ngā koroua. I tipu mātau me tēnei kōrero. Kua tuhia kētia e ētahi atu tāngata e pā ana ki tō mātau tipuna, ēngari ko ēnei kupu, nā mātau ngā uri. Ko te tūmanako ka tuku ki ngā tōpito o te motu, kia rangona e ngā tamariki o Aotearoa, ka noho hei rauemi mō roto i ngā kura.
Order copies of this book from Down the Back of the Chair (MOE69620)
He tirohanga whānui
He rauemi mā te pouako e pā ana ki te pūrākau Tūmoanakōtoreiwhakairiaoratia. E iri ana ngā kōrero mō ngā rauemi ako, ngā hononga ki ngā wāhanga ako me ētahi atu rauemi hāngai.
Nā Te Ataakura tēnei kōrero:
“Eii, takatakahi koe i roto i ahau he tāne e ea ai te mate a taku pāpā, tō tipuna a Poroumāta.”
Ka tīmata tēnei kōrero i te wā e ora tonu ana tana tipuna a Poroumāta. Kātahi ko te kōhurutanga i a ia, ka rua ko te whānautanga mai a Tūwhakiriora, ka toru ko te paheketanga a te kōkā me te tamaiti ki te kimi whakaruruhau ki Ōkauwharetoa, me tōna kaupapa nui te hoki anō ki te wāhi i mate ai tōna tipuna.
Ka rongo i te āhuatanga o āna mahi whawhai, te take, ko ia te toa mō te whawhai, he tangata rongonui i roto o Ngāti Porou i waho hoki, ā, huri rauna i Aotearoa.
He pukapuka
Tūmoanakōtoreiwhakairiaoratia
Nā Wayne Abraham rāua ko Pohatu Poutu i taki
Nā Reweti Arapere ngā whakaahua
Otirā koira ko te kōrero a te tipuna a Tūwhakairiora, me ōna karangatanga maha. Ka tīmata te kōrero i mua i tōna whānautanga mai, ki tōna whakaako i ngā mahi whawhai, kātahi ki te ea i te whakatauākī a tōna māmā a Te Ataakura.
Kua tuhia te kōrero i te mita o Ngāti Porou. Kua tuhia he upoko, he momo wānanga katoa te tika ai. Ko tā mātau kia whakamahi tahitia te pukapuka nei me ō tauira, me te aro tahi ki ngā wāhanga o te kōrero te whakaputa ai.
Paki pūmeka
Te Kōhurutanga i a Poroumāta
Te Hikutawatawa
E rua ngā paki pūmeka, e kōrero ana mō te tipuna nei a Tūwhakairiora.
Ko tētahi kaikōrero ko Taina Ngarimu, nō Whareponga, ko Te Aitanga a Mate te hapū. Ka kōrero a ia mō te wā o te tipuna rā a Poroumāta, me te hokinga atu a Tūwhakairiora ki te ngaki i te utu o tōna tipuna.
Ko ngā kaikōrero tuarua ko Pohatu Poutu rāua ko Kararaina Ngātai-Melbourne, nō Wharekahika/Matakāoa rāua. Ka kōrero mō te wā i a Tūwhakairioa i Wharekahika me tana tūtakinga i a Te Aotaki, otirā, ko tona hononga ki tōna hoa rangatira ki a Ruataupare.
Ngā hononga ki Te Marautanga o Aotearoa
Hītori Māori
Ko te rauemi e tuku angitūtanga ana ki ngā ākonga me ngā kaiako ki te kimi kōrero mai i ngā ariā e kitea ana i Te Takanga o te Wā:
- Whakapapa
- Tūrangawaewae
- Mana Motuhake
- Kaitiakitanga
- Whanaungatanga
Tikanga ā-Iwi
Te Ao Hurihuri
Ka whakawhanake mōhiotanga te ākonga ki:
- ngā pānga i waenga i te tangatangā, nga tūāhua o mua, me ngā whakapono
- ngā whakaawenga i waihangatia ai te porihanga;
- ngā whakamāoritanga o aua pānga i te huringa o te wā.
Taumata 3
3.1 Ka whakamārama i te whakaawenga o ngā whakaaro me ngā mahi a te tangata i te oranga o ētahi atu i ngā wā o mua. Ka whakamārama i ngā huarahi e taea e te takitahi me te rōpū te urupare ki te panoni.
Taumata 4
4.1 Ka tautohu i ngā pūtake me ngā otinga o ngā tūāhua kua waihanga i te oranga o te tangata.
4.2 Ka whakaahua i ngā huarahi e tuhia ai, e maumaharatia ai ngā mahi o mua.
Hei Mahi
Kei roto i ngā upoko nei ko ngā kōrero hei wetewete, hei tohetohe, hei whakaaroaro mā ngā ākonga me ngā kaiako, hei tūpou, whakariterite, tohetohe, whakahikohiko whakaaro. Ka āta titiro ki ngā tikanga ahurea a tātau te iwi Māori, ngā pakanga, ā tātau arotakenga i te pai me te kino, te tika me te hē, ā, me ērā atu mea.
Me arahina ngā ākonga e ngā kaiako ki te mahi tahi, ki te whiri tahi i ngā āhuatanga o ia whakaaro, o ia kīwaha, o ia whakatauākī hei tohu whakamārama i a rātau tino whakakitenga, kei roto i te pukapuka mātua rā a Tūmoanakōtoreiwhakairiaoratia. Tērā anō te nuinga o tēnei mea te taonga hei whakamahi, kia mārama ake ai te kite i te tika me te hē o ngā whakaritenga. Ko te arotakenga ko te Tikanga me te Ahurea Māori.
Ko ngā tino arotakenga a te kaiako he wetewete mai i ngā tino kaupapa kei te pukapuka hei whāngai atu ki ana ākonga. Ko te pukapuka nei a Tūmoanakōtoreiwhakairiaoratia he piringa wairua o te whakaaro o ngā mātua tīpuna, te ara i takahia e rātau, te kaupapa i whawhaitia e rātau, me ngā ngakinga oranga i pupū ake i aua kōrero.
About this resource
Order copies of this book from Down the Back of the Chair (MOE69620)
Wāhanga Ako: Te Reo Māori, Tikanga ā-Iwi
Taumata: Taumata 3, Taumata 4
Kaupapa: Te Aho Ngārahu
