He Kau Kāwana

WEB

He Kau Kāwana

Tainui

Highlights the story of He Kau Kāwana, brought to life through the controversial haka of Te Iti Kahurangi at the 2017 Te Matatini Kapa Haka competition.

Order copies of this book from Down the Back of the Chair (MOE46294)

<img src="/images/decorative.jpg" alt"" />

Ko tēnei haka i titoa hei whakamaharatanga ki te whakawhitinga kōrero i waenganui i a Kāwana Kerei me Kīngi Potatau i ngā tau 1800.  I roto i te horopaki o tēnei haka ko te Kau te kupu whakarite mō te Pākeha. Ko te mahi a te Kau he kaihoro i ngā whenua me ngā rawa a te Māori. Nō muri tata mai i ngā kōrero a te tokorua nei, ka kitea tōna whakatinanatanga i roto i ngā riri whenua. Ko te tāhuhu kōrero o tēnei haka ko ngā riri whenua i roto i te rohe o Tainui. Ko tēnei haka ka huri āmio i ngā riri whenua o Tainui ka kōrero mō te aneatanga me ngā mūreretanga o te pakanga ki runga i ngā iwi o ēnei whenua.

He kupu whakamahuki

Ko tēnei kupu aratohu kaiako he rauemi hei āwhina i te kaiako ki te tiki i ngā kōrero hītori me ngā kaupapa matua mai i te haka “He Kau Kāwana” hei kaupapa ako mā ngā ākonga.

Ngā kaupapa matua

Ko ngā kaupapa matua ēnei ka kitea, ka rangona i roto i te roanga o te haka o “He Kau Kāwana”. Ko ēnei kaupapa ka noho hei aronga mō ngā mahi akoako, ka whakahāngai atu ki Te Marautanga o Aotearoa [TMoA]. Ko ngā rauemi, ko ngā ngohe, ka taka katoa mai i ēnei kaupapa matua:

Ngā mūreretanga ki Rangiriri
Ngā mūreretanga ki Rangiaowhia
Ngā mūreretanga ki Ōrākau

Te hononga ki Te Marautanga o Aotearoa

Anei ngā wāhanga o TMoA me ngā whenu o ia wāhanga e hāngai ana ki ngā kaupapa matua o te haka “He Kau Kāwana”.

Taumata 4–8

TMoA

Tikanga ā-iwi
Ngā Toi
Te Reo Māori

Whenu

Te Ao Hurihuri
Ngā Mahi a Te Rehia
Ā-Waha
Te Whakaritenga Pāpori me te Ahurea
Toi Ataata
Ā-Tā

Akoranga tōmua

I mua i te ruku ki ngā kaupapa o te haka nei “He Kau Kāwana”, ka taea e te kaiako me ngā ākonga ēnei kaupapa te tirotiro.

Ngā riri whenua o Tainui
Rangiaowhia
Te mōteatea “E pā tō hau”
Te pakanga o Rangiriri
Te pakanga o Ōrākau
Te pakanga o Pāterangi
Te pakanga o Waiari-te-rangi
Pōtatau Te Wherowhero
Te Kīngitanga
Kāwana Kerei
Rewi Maniapoto me ōna pānga ki te pakanga i Ōrākau
Te petihana “Homai te rā”
Te whakahokitanga mai o Rangiriri ki Tainui
Tūmātauenga te atua o te pakanga

Ngā mūreretanga ki Rangiriri

Te wāhanga
o TMoA

Te Whenu

Te Whāinga Paetae 
Whakaari – Ngā mahi
a te ākonga

Kawenga

Ngā Toi

6 Toi Ataata

Ka tūhura hōhonu, ka rapu mātāpuna whakahihiri, ka tautohu, ka whai māramatanga: i ētahi ariā whakamahi i te hangarau; hei whakamahi tōtika i ngā taputapu hei whakawhitiwhiti whakaaro; 
ki te kunenga me te tūhuratanga a ngā kaitoi.

Kāwana Kerei

Ko tā te ākonga mahi he rangahau i ngā mahi matua a Kāwana Kerei i a ia i Aotearoa. Mutu ana tērā mahi rangahau
ka whakaemitia ērā kōrero kia whakauru atu ki tētehi rarangi wā e whakaatu ana i ngā mūreretanga a Kāwana Kerei.

Rarangi wā

He mahi takitahi

Mā te ākonga e tuhi, e patopato, e tā rānei i tētehi rarangi wā e whakaatu ana i ngā mūreretanga a Kāwana Kerei i a ia i Aotearoa.

Tikanga ā-Iwi

7.1 Te Ao Hurihuri

Ko ngā āinga me ngā rōpū
o mua i whakaawe i ngā pūtaketanga me ngā otinga o ngā tūāhua o mua e whai tikanga ana ki Aotearoa.

Ngā taonga a Tūmatauenga

Ko tā te ākonga mahi he whakatairite i ngā momo rauemi pakanga a te Pākeha i ngā tau 1800,(Tūpara, pūrepo) ki ngā taonga pakanga a te Māori o aua tau tonu. Mā te ākonga e whakamārama i ngā rerekētanga me ngā āhuatanga ōrite i waenganui i ēnei momo taonga a Tū.

He tuhinga whakatairite

He mahi takitahi

Mā te kaiako e āta whakamārama  ngā tikanga o te tuhinga whakatairite ki ngā ākonga kia pai tā rātou whakarite i tēnei momo tuhinga mai i ngā kōrero kua tūhuratia mō ngā taonga a Tū. 

Te Reo Māori

ā-Tā
5.2 Puna Reo
Ka hāngai ngā kupu me te āhua tonu o te whakatakoto kupu ki te kaupapa.

Taiaha
Mai i ngā kōrero kua rangahaua e te ākonga mō ngā taonga a Tūmātauenga. Ko tā te ākonga mahi he ako i ngā āhei mō te taiaha me ngā tikanga o aua kupu i taua horopaki.

Ngā karo, ngā nekehanga, ngā wāhanga o te taiaha, aua mea katoa.

Mehemea kāore i te kaiako ēnei pukenga māna tētehi tangata e whakarite ki te whakahaere i ētehi akoranga mau rākau mā ngā tamariki. Ko te whāinga kia whakaritea e ngā ākonga tētehi whakaaturanga e whakamārama ana i ngā kupu hou kua ākona e rātou mā te whakaatu i ngā tikanga o ngā ingoa o ngā āhei me te horopaki.

Kurutao
He mahi ā-rōpū 

Mā te kaiako ngā ākonga e whakarōpū, e whā ngā ākonga ki ia rōpū. Mā ia rōpū tētehi whakaaturanga mau rākau e whakarite, e whakamārama ana i ngā momo āhei me ngā momo karo i whakamahia e ngā tūpuna mō te pakanga.

Ngā rauemi tautoko

Pukapuka

McCan, D. (2001). Whatiwhatihoe: Te Waikato Raupatu Claim. Wellington, NZ: Huia Publishers.

O'Malley, V. (2016). The Great War of New Zealand: Waikato 1800-2000. Wellington, New Zealand: Bridget Williams Books.

Sinclair, K. (1991). Kinds of Peace: Māori People After the Wars, 1870-85. Auckland: Auckland, NZ: Auckland University Press .

Werry, P. (2018). The New Zealand Land Wars. Auckland: New Holland Publishers Pty.

Pae tukutuku

New Zealand History. Ngā Kōrero ā-ipurangi o Aotearoa

War in Waikato

Rangiriri pā – Roadside Stories

British capture Rangiriri

Rangiriri

Te Ara – the Encyclopedia of New Zealand

Biography: Grey, George

Tiriata

The 150th anniversary of the Land Wars – The battle of Rangiriri

Battle of Rangiriri

Part 1: How to use Māori weaponry

Part 2: How to use Māori weaponry

Ngā mūreretanga ki Rangiaowhia

Te wāhanga
o TMoA

Te Whenu

Te Whāinga Paetae 
Whakaari – Ngā mahi
a te ākonga

Kawenga

Ngā Toi

4. Toi Ataata

Ka whakawhanake ariā, ka whakapakari pūkenga, ka whakamārama, ka whai māramatanga te ākonga: mā te tūhura me te whakamahi i ngā hua o ngā rawa, rawa tā, me ngā taputapu; i ngā mahi o te whiriwhiri tukanga rawa tā, me te tautohu taputapu; mā te whakamahi i ngā tukanga me ngā rawa tā a te kaitoi.

Rangiaowhia Pā

Ko tā te mahi a te ākonga he rangahau i ngā kōrero mō Rangiaowhia. Ngā whenua haumako, te pakanga, me ētehi kōrero mō ngā iwi. Ko tāna mahi he tīpako i ngā kaupapa matua, kia 10 ngā meka mō Rangiaowhia ka hurihia ēnei meka hei kōwaiwai e whakamānawa ana i ngā iwi o Rangiaowhia.

Kōwaiwai
He mahi takitahi
Mā te Kaiako e whakamārama ngā tikanga o te kōwaiwai (Painting, visual arts).

Ko te mahi a te ākonga he whakaatu i te tikanga o ngā kōrero i rangahaua e ia i roto i te mahi kōwaiwai.

Tikanga ā-Iwi

4.2 Te Ao Hurihuri

Ka whakaahua i ngā huarahi e tuhia ai, e maumaharatia ai ngā mahi o mua.

E pā tō hau

Ko tā te ākonga mahi he ruku atu ki ngā kupu o te mōteatea “E pā tō hau” He ruku anō hoki ki te take i titoa ai tēnei mōteatea. Ko tāna mahi he tuhi i tāna ake tuhinga whakaahua e whakapuaki ana i tāna whakamārama mō te mōteatea nei. 

Tuhinga whakaahua
He mahi takitahi
Mā te ākonga e whakamārama ēnei kaupapa kei raro iho nei mō te mōteatea E pā tō hau:

Te Kaitito me ētehi kōrero tautoko
Te Kaupapa o te mōteatea
Ngā whiti
Ngā kupu matua ki tā te ākonga titiro.

Ka tuhia he tuhinga whakaahua e whakamārama ana i ēnei kei runga nei.

Te Reo Māori

Ā-Waha

5.4 Rautaki Reo

Ka whakarite, ka whakamārama i tētahi kaupapa kia kitea ai te āhua o ngā momo kōrero Māori ake nei, ahakoa te kaupapa.

Te tito ruri

Mai i ngā kōrero kua rangahaua e te ākonga mō Rangiaowhia me ngā kōrero mō “E pā tō hau” ko tā te ākonga mahi he tito i tētehi ruri e whakaemi ana i ngā kōrero mō Rangiaowhia.

Ruri

He mahi takirua

Mā te kaiako e āta whakamārama ngā tikanga o te ruri, me te tito ruri.

Mā te tokorua tētehi ruri e tito mō Rangiaowhia, ka tū ka whakaatuhia ki te akomanga.

Ngā rauemi tautoko

Pukapuka

Atholl Anderson, J. B. (2015). Tangata Whenua. A History. Wellington: Bridget Williams Books.

O'Malley, V. (2016). The Great War of New Zealand: Waikato 1800-2000. Wellington, New Zealand: Bridget Williams Books.

Werry, P. (2018). The New Zealand Land Wars. Auckland: New Holland Publishers Pty.

Pae tukutuku

Ngā mūreretanga ki Ōrākau

Te wāhanga
o TMoA

Te Whenu

Te Whāinga Paetae 
Whakaari – Ngā mahi
a te ākonga

Kawenga

Ngā Toi

4. Ngā Mahi a te Rēhia

Ka tūhura, ka whakaatu: i ngā tukanga; i ngā tūmomo mahi. Ka mārama, ka whakaatu whakaaro

Ki te mate ngā tāne me mate hoki ngā wāhine me ngā tamariki.

Ko tā te ākonga mahi he tūhura i te take i puta ai te kōrero rongonui kei runga ake nei i te pakanga i Ōrākau. 

Tautohetohe

He mahi ā-rōpū

Kaupapa: E tautoko ana koe i te putanga o tēnei kōrero ki Ōrākau?

Mā te kaiako ngā ākonga e  whakarōpū he tīma whakaae he tīma whakahē. Mai i ngā kōrero kua rangahaua e ngā ākonga mā rātou ā rātou kōrero e whakarite mō te tautohe nei.

Tikanga ā-Iwi

7.2 Te Whakaritenga

Pāpori me te

Ahurea

I ētahi wā, nā te rerekē o ngā whakapono me ngā ariā  ahurea, ka tutū te puehu, ka puta te mānukanuka.

Te rau takitahi a Tūhoe

Ko tā te mahi a te ākonga he kimi i ngā kōrero mō Te Whenuanui nō Tūhoe, ka whakautuhia ēnei pātai.

Ko wai a Te Whenuanui?

He aha tana pānga ki te pakanga i\ki Ōrākau?

I ārahi ia i a wai ki te pakanga ki Orākau?

Tokowhia rātou?

Ko wai te rangatira i tōna taha?

He aha ngā hua o te pakanga?

I aha a Tūhoe i tōna hokinga atu ki te kāinga?

He patopato kōtaha

He mahi takitahi

Mā te kaiako e āta whakamārama ngā tikanga o te kōtaha me te tuhi kōtaha. Mutu ana ērā whakamārama mā te ākonga ngā kōrero nāna i kimi e patopato hei tuhinga kōtaha mō Te Whenuanui.

Te Reo Māori

ā-Waha

8.2 Puna Reo

Ka whakaputa i ngā kupu, ngā kīanga me ngā rerenga hei whakapuaki kare ā-roto.

Rewi Maniapoto – Ka whawhai tonu mātou Ake! Ake! Ake!

Ko tā te ākonga mahi he rangahau i ngā kōrero mō Rewi Maniapoto he rangatira nō Ngāti Maniapoto me ana pānga ki te pakanga i tū ki Ōrākau. Mutu ana te rangahau i ngā kōrero mō te rangatira nei mā te ākonga tētehi ripoata e tuhi e whakaputa ana i ōna kare ā-roto mō te rangataira nei.

Te tuhi rīpoata mō te nūpepa

He mahi takitahi

Mā te kaiako e āta whakamārama i ngā tikanga o te tuhi pānui me ngā ritenga kore o tēnei momo āhuatanga tuhi. Mā ngā ākonga e tuhi pānui e pā ana ki a Rewi Maniapoto me āna pānga ki te pakanga o Ōrākau.

Ngā rauemi tautoko

Pukapuka

Atholl Anderson, J. B. (2015). Tangata Whenua. A History. Wellington: Bridget Williams Books.

O'Malley, V. (2016). The Great War of New Zealand: Waikato 1800-2000. Wellington, New Zealand: Bridget Williams Books.

Werry, P. (2018). The New Zealand Land Wars. Auckland: New Holland Publishers Pty.

Pae tukutuku

New Zealand History. Ngā Kōrero ā-ipurangi o Aotearoa

Ōrākau

Ōrākau NZ Wars memorial

Science learning Hub

Te Ara – the Encyclopedia of New Zealand

Biography: Maniapoto, Rewi Manga

Biography: Te Whenuanui

Pātere: ‘I hoki mai Te Whenuanui i te aha’

Other

Tūhoe Blog: Te Whenuanui

Tiriata

150th anniversary of Land Wars in Waikato at Ōrākau

150 Years commemoration of the Battle at Ōrākau

He Kau Kāwana – hei mahi me ngā ākonga wharekura nei.  He kau rā! He kau rā! He tūpara! He pū repo! Ko ngā pakanga o Waikato e ngūnguru nei i au, au, auē hā. Mai Rangiriri, tae atu ki ngā whenua o Ngāti Apakura, ki Pāterangi, ka mutu ki Ōrākau i tū ai te pūehu, he maemae aroha ki ngā rangatira kua mene ki te pō. He rauemi tēnei mā ngā ākonga Tau 9-13 me ōna uri e whakataki ana i ngā mahi riri whenua, rangatiratanga hoki. He mahi toi, he mahi arohaehae, he mahi tuhinga kia whanake ai te kete mātauranga Māori.  Tūwhitia te hopo e hika mā!

See Materials that come with this resource to download: He-Kau-Kawana (.pdf)

About this resource

Order copies of this book from Down the Back of the Chair (MOE46294)

Wāhanga Ako: Te Reo Māori, Tikanga ā-Iwi

Taumata: Taumata 4, Taumata 5, Taumata 6, Taumata 7, Taumata 8

Kaupapa: Te Aho Ngārahu 

Add to kete

Add to collection

Download resources

Materials that come with this resource:

Te Aho Ngārahu
He tautoko i te tiringa o ngā pūrākau o ngā iwi i roto i ngā kura. He mea whakatū Te Aho Ngārahu i...