Te Wharekura 85
Te Wharekura 85
Nā Hareruia Aperahama rātou ko Te Kiwa Graham, ko Timi Te Po Hohepa ngā kōrero
Nā Jo Thapa te uwhi, ā, nā te Uri Whakatupuranga Charitable Trust ngā whakaahua
Ko Phillip Paea te kaihoahoa
This collection foccusses on the history of the Rātana movement and it's connections to the King Movement.
Order copies of this book from Down the Back of the Chair (MOE11265), or you may be able to find this in the resource room in your kura. .
Ngā pūrākau kei roto i te puka nei:
- Ko Ratana me te Kīngitanga
- Te Ao Ngāngara
- Te Pou Kara o Tūrangawaewae
This resource is no longer in print. You may be able to find it in the resource room in your kura.
- He tirohanga whānui
- Ko Rātana me te Kīngitanga
- Te ao ngāngara
- Te pou kara o Tūrangawaewae
He tirohanga whānui
He kupu whakataki
I whakatakotoria tēnei huinga pukapuka a Te Wharekura hei rauemi reo Māori e pā ana ki te ao Māori i roto i te horopaki o te ao whānui. He kōrero mō te ao tawhito, mō ngā tikanga tawhito, me te herenga mai ki ngā tikanga kei te mahia i nāianei. Ka tautokongia hoki ngā whāinga matua o ētahi o ngā marautanga, arā, ko te reo Māori, pāngarau, pūtaiao, tikanga ā-iwi, ngā toi, me te hauora, mō ngā taumata ono ki te waru. Ka noho mai he pātere, he kupu whakarite, he kōrero tawhito, he kupu here ā-wairua hei tūāpapa, ā, ko ngā tikanga, mai i reira ka toro ngā ākonga ki te mahi takitahi, ā-rōpū, ā-akomanga rānei i te roanga atu o ngā kōrero.
I horahia a Te Wharekura 85 hei whāwhātanga mā te hunga kei te ako i te reo Māori me ōna tikanga.
Te whakamahi i tēnei pukapuka
Hei āwhina tēnei pukapuka i te pouako, hei tautoko i a ia e whakarite mahere ako ana mā ngā ākonga. Ka arotahi ngā whāinga paetae, ngā pūkenga, te kawenga, me te aro matawai ki Te Reo Māori i roto i te Marautanga o Aotearoa. Whakawehea ngā whenu hei whakawhanake i ngā pūkenga o ngā ākonga. Tērā pea, ka hiahia koe ki te whakatārua ngā wāhanga o tēnei pukapuka hei tāpiri atu ki tāu mahere.
Te kaupapa o Te Wharekura 85
Ko te kaupapa matua o Te Wharekura 85 , ko te Kīngitanga. E toru ngā kōrero o roto. Ko tētahi kōrero e hāngai ana ki te taura here i waenganui i te Kīngitanga me te hāhi Rātana. Ko te tuarua, he kōrero tuku iho nō mua tata atu i te whakatuwheratanga o te Rohe Pōtae ki te ara tereina. Me kī, he kōrero matakite. Ka whakakapia te pukapuka nei ki te kōrero mō Te Pou Kara o Tūrangawaewae. Nā Ngāti Pikiao tēnei pou kara i tākoha atu ki a Waikato hei tohu i tōna taura here whakapapa ki te Kīngitanga. (Kia mōhio mai te pouako, kei Toi Te Kupu 86 tētahi whakamārama mō tēnei hononga whakapapa, hononga rangatira.)
Te hononga ki ngā marautanga
Mā te pouako anō e whakamahere te hononga o ngā mahi kua mahia e te ākonga hei whakaaturanga ki tētahi whakaminenga.
Mā te ākonga e whakaemi āna mahi ki te pūataata rorohiko i a rātou e whakaoti ana i ngā ngohe.
Hei te mutunga, ka whakaatu atu tērā ki te akomanga, ki te kura, ki ngā mātua rānei. Nā reira, me kohi ngā mahi a ngā ākonga ki tētahi hautaka, me tiaki hoki ki tētahi kōpae.
Ko ngā ngohe e akiaki ana i te ākonga me te pouako ki te rāwekeweke i ngā pūrere hiko me ngā iahiko, arā, te rorohiko, te pūataata rorohiko, te pūataata ā-reo, pūrere ataata me ngā momo ataata katoa. Kātahi ka whakamōhio atu ki tētahi hunga i ō rātau mōhiohio, mātauranga katoa. Ka whai wāhi te pouako ki te tango whakaahua, pūrere ataata, rīpene ataata, ataata ā-reo hoki. Ka noho ēnei ataata hei taunaki i ngā mahi kua mahia nei e te ākonga, hei pūkete aromatawai mā te pouako, mā te whānau hoki.
About this resource
Order copies of this book from Down the Back of the Chair (MOE11265), or you may be able to find this in the resource room in your kura.
Taumata: Taumata 6, Taumata 7, Taumata 8
Kaupapa: Rārangi Pukapuka
Kohinga: Te Wharekura
