Rapanga Pāhekoheko - Te Tau me te Taurangi Taumata 4
He Rapanga Pāhekoheko
Te Tau me te Taurangi | Taumata 4
He Whakamārama
He ngohe ēnei hei whakahau i ngā ākonga ki te whakawhitiwhiti kōrero i roto i te rōpū iti, hei whakaoti rapanga pāngarau. Ka whai wāhi mai ko ngā pūkenga nei:
- te pānui;
- te āta whakarongo;
- te whakawhitiwhiti kōrero;
- te mahi tahi me te rōpū;
- te āta whakaaro arorau;
- te whiriwhiri rautaki hei whakaoti rapanga;
- te āta whakaaro ki te tika, te whaitakenga rānei o te otinga.
E hāngai ana ngā ngohe ki tēnā, ki tēnā o ngā whenu o te marautanga, waihoki ki tēnā taumata ki tēnā. He tauira noa iho ēnei rapanga. Māu, mā te kaiako e whakarite āu ake rapanga e hāngai ana ki āu ake ākonga. He māmā anō hoki te huri i ngā tau o roto i ngā rapanga kia uaua ake, kia ngāwari ake rānei mā te rōpū ākonga.
E tino aro ana ēnei ngohe ki te whāinga paetae mō ‘Te Reo Matatini o te Pāngarau’ o ia taumata o te marautanga pāngarau, arā:
Ka whakawhitiwhiti whakaaro, ka āta wānanga te ākonga i āna mahi pāngarau, mā te kupu (ā-waha, ā-tuhi), mā te tohu, me ngā momo whakaahuahanga e hāngai ana. He mea nui tēnei hei tautoko i te whakatutukitanga o ngā whāinga paetae e whai ake nei, e pakari anō ai te whakaaro arorau, te whakaaro arohaehae, te whakaaro whaitake me te auahatanga o te ākonga e hāngai ana ki tēnei taumata.
Ngā Tohutohu
- E whā ngā kāri mō ia rapanga. Kua tuhia te rapanga, te pātai rānei ki ia kāri, me ētahi kōrero hei āwhina ki te whakaoti i te rapanga. He rerekē ngā kōrero āwhina kei tēnā kāri, kei tēnā.
- Ka mahi takiwhā ngā ākonga, ka hoatu he kāri ki ia ākonga.
- Me noho matatapu ngā kāri ki ia ākonga, arā, kāore e whakaaetia te titiro a tētahi ki te kāri a tētahi atu.
- Mā ia ākonga e pānui ngā kōrero kei tana kāri, hei āta whakarongo mā te rōpū.
- Ka mahi tahi, ka whakawhitiwhiti kōrero te rōpū ki te whakaoti i te rapanga. He pai tonu te tuhi whakaaro, te tuhi pikitia rānei ki te papa tuhituhi hei āwhina i te rōpū.
Torohia te pouaka Mō te rauemi ki raro nei e kitea ai ngā rauemi hāngai:
- Rapanga pāhekoheko 4.1 (.pdf)
- Rapanga pāhekoheko 4.2 (.pdf)
- Rapanga pāhekoheko 4.3 (.pdf)
- Rapanga pāhekoheko 4.4 (.pdf)
- Rapanga pāhekoheko 4.5 (.pdf)
- Rapanga pāhekoheko 4.6 (.pdf)
- Rapanga pāhekoheko 4.7 (.pdf)
- Rapanga pāhekoheko 4.8 (.pdf)
- Rapanga pāhekoheko 4.9 (.pdf)
- Rapanga pāhekoheko 4.10 (.pdf)
Te Tau me te Taurangi
Taumata 4:
1. Ka mōhio ki:
- ngā meka whakawehe matua;
- te whakaawhiwhi tauoti, tau ā-ira hoki.
2. Ka mōhio ki ngā tikanga o:
- te tau tōraro me te tau tōrunga;
- te tau toitū;
- te ōwehenga;
- te uara tū o ngā tau ā-ira:
- te maha o ngā haumano, ngā haurau, ngā hautekau, ngā tahi, ngā rau me ngā mano kei roto i tētahi tau ā-ira (tae atu kia 3 ngā mati ā-ira).
3. Ka mōhio ki te kimi mai i ngā taurea me ngā tauwehe o tētahi tau.
4. Ka mōhio ki ngā hautau, ngā tau ā-ira, ngā ōrau me ngā ōwehenga māmā:
- ngā huringa hautanga: hautau ↔ tau ā-ira ↔ ōrau;
- ngā raupapa tatauranga tau ā-ira (haumano, haurau, hautekau);
- te raupapa hautau, tau ā-ira, ōrau hoki;
- te whiriwhiri hautau ōrite.
Te Rapanga |
Te Pātai |
Ngā Kōrero āwhina |
He Kupu Matua |
Te Otinga |
|---|---|---|---|---|
Whārangi Tārua Rapanga pāhekoheko 4.1 (.pdf) |
He aha te tau?
|
|
|
28.4 |
Whārangi Tārua Rapanga pāhekoheko 4.2 (.pdf) |
He aha te tau?
|
|
|
13/4 |
Whārangi Tārua Rapanga pāhekoheko 4.3 (.pdf) |
He aha te tau?
|
|
|
27 |
Whārangi Tārua Rapanga pāhekoheko 4.4 (.pdf) |
He aha te tau?
|
|
|
3.567 |
Whārangi Tārua Rapanga pāhekoheko 4.5 (.pdf) |
He aha te tau?
|
|
|
125% |
Te Tau me te Taurangi
Taumata 4:
5. Ka kōwhiri, ka whakamārama i te rautaki e tino whaihua ana hei whakaoti rapanga e whai wāhi mai ana te tauoti, te hautau, te tau ā-ira me te ōrau, te ōwehenga, te tau tōpū me te taupū māmā:
- rautaki tatau;
- rautaki tāpiripiri;
- rautaki whakarea
- rautaki pānga riterite māmā.
6. Ka mārama ki te whaitakenga o te otinga o tētahi rapanga.
Te Rapanga |
Te Pātai |
Ngā Kōrero āwhina |
He Kupu Matua |
Te Otinga |
|---|---|---|---|---|
Whārangi Tārua Rapanga pāhekoheko 4.6 (.pdf) |
E hia te rahi o te pūtea i wini i a Hakopa?
|
|
|
$16,000 |
Whārangi Tārua Rapanga pāhekoheko 4.7 (.pdf)
|
E hia te utu mō te hunga pakeke ki te haere ki te pikitia?
|
|
|
$13.00 |
Whārangi Tārua Rapanga pāhekoheko 4.8 (.pdf)
|
E hia ngā pōro tēnehi, e hia ngā pōro hahau i hokona?
|
|
|
15 ngā pōro tēnehi
10 ngā pōro hahau |
Whārangi Tārua Rapanga pāhekoheko 4.9 (.pdf)
|
E hia karamu te taumaha o te pouaka?
|
|
|
475g |
Whārangi Tārua Rapanga pāhekoheko 4.10 (.pdf) |
E hia tau te pakeke o ia tamaiti?
|
|
|
Hera = 11.5 tau Hinewai = 11.5 tau Matiu = 14 tau |
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
Mō te Rauemi
Taumata: Taumata 4
Wahanga Ako: Pāngarau
Kohinga Whāiti: Rapanga Pāhekoheko
