Te Paerangi Kaiako 4

Nau mai ki Te Paerangi Kaiako 4, he pae mā ngā kaiako, mō ngā kaiako.
Kei te Paerangi Kaiako 4 ngā mōhiohio, ngā rauemi me ngā ngohe hei tautoko i ngā kaiako me:

Te Reo Rangatira me te Pāngarau Wāhanga Ako

Kei konei te hononga ki ngā kōrero mō ngā Tau 0-6 mō te wāhanga ako Te Reo Rangatira: Te Reo Rangatira wāhanga ako (Years 0-6)
Kei konei te hononga ki ngā kōrero mō ngā Tau 0-8 mō te wāhanga ako Pāngarau:Pāngarau wāhanga ako (Years 0-8)

He rauemi atu anō mō Te Reo Rangatira Wāhanga Ako me te Pāngarau Wāhanga Ako i tua atu i ngā ngohe:

e toru ngā pānui A3 e whakamārama ana i ngā waehanga o te whakahoutanga o Te Marautanga o Aotearoa me te hanga o ngā wāhanga ako.
he patapatai hei tautoko i ngā wānanga kaiako ki te wherawhera i ngā waehanga o ngā wāhanga ako.

Rangaranga Reo ā-Tā

Ko te Rangaranga Reo ā-Tā te rerenga kua whakaritea mō tēnei momo huarahi mō te pānui me te tuhituhi. I tēnei ngohe, ka kitea te whārangi mōhiohio mō te hōtaka, me pēhea hoki te uru atu ki ngā mahi PLD me ngā pātai auau hoki. He ngohe anō mō ngā tikanga whakaata hoki.

Hihira Weteoro (Phonics Check)

He kohinga mahinga aromatawai i whakahoahoatia i te taha o ngā kōrero whakaako, akoako hoki mō te Rangaranga Reo ā-Tā mō ngā ākonga Tau 0-3. E whakamātauhia ana ēnei mahinga mō ngā take whakamātautau aromatawai, hinengaro hoki (psychometric), ā, ka wātea mai ki ngā kaiako hei whakamahi mō te Wāhanga 1 o te kura, 2025.

Mātaki mai ki tēnei paku tirohanga o te tirohanga weteoro mō te 20-wiki, arā, ko Te Mōhiohio Oro.

Rangaranga Pāngarau

Kei te hoahoatia tonutia te hōtaka Rangaranga Pāngarau mō ngā ākonga Tau 0–8, ka wātea mai ki ngā kaiako hei te Wāhanga 1 o te kura, 2025. Hei whakaritenga kē, mā tēnei ngohe koe e tautoko ki te uru atu ki ngā rauemi ipurangi Pāngarau me te tono kape o ngā rauemi mai i Down the Back of the Chair (DTBOTC).

Aromatawai

E hāngai ana ngā ngohe nei ki te tautoko i ngā kaiako me ngā huarahi me ngā tikanga aromatawai hei whakamahi ki te akomanga.

Anei ngā momo rauemi aromatawai:

Te Puāwaitanga Harakeke: Te Tuhinga Takunetanga Aromatawai me Mā te Kaiako
He Whakaaturanga Aromatawai
E waru ngā pānui whakamārama Aromatawai

Katoa ngā rauemi nei e hāngai pū ana ki te whakamāramatanga o te aromatawai e ai ki ngā kōrero o Te Puāwaitanga Harakeke: Te Tuhinga Takunetanga Aromatawai (2023).

Ngā rauemi whakamahere

He mahere paetara me te rārangi arowhai hei āwhina pea i āu mahi whakamahere mō te tau 2025.

Wāhanga Ako
Rangaranga Reo ā-Tā
Hihira Weteoro
Rangaranga Pāngarau
Aromatawai

E whakanui ana te whakahoutanga o Te Marautanga o Aotearoa i te tuakiri ahurea motuhake me te akoako hoki o ngā mokopuna kei ngā Tau 0-13 i roto i te reo Māori. He whakauruuru i te matakitenga me ngā mātāpono mō te whakarauora mai o te reo Māori hei tūāpapa mō ngā tikanga me te mātauranga Māori.

He whakarato i ngā kaiako me te anga marautanga tūhonohono. E hāngai ana ki te āwhina i ngā kaiārahi me ngā kaimahi ki te whanake i ngā hōtaka whakaako, akoako hoki e tuku nei i ngā whakaakoranga e whakamāramatia ana ki ngā Wāhanga Ako:

ka rongo ngā mokopuna i ngā wheako kounga i roto i ngā hōtaka whakaako, akoako hoki, me te angitu o te akoako, ā,
e mārama ana ngā kaiārahi me ngā kaimahi mō ngā mahi whakaako, akoako kounga, poua ki ngā taunakitanga hoki me ngā huarahi aromatawai, ngā tikanga me ngā hatepe, e tutuki ai ngā akoranga, te kokenga me ngā hiahia ake o ngā mokopuna.

Te Paerangi Kaiako 4

Rangaranga = hanganga
ā-tā = te rerenga kei Te Marautanga o Aotearoa (2008) e tohu ana i te pānui me te tuhituhi

Ko te Rangaranga Reo ā-Tā te rerenga e pā ana ki te ako ki te pānui me te tuhituhi ki te reo Māori, ā, ka arotahi ki Ngā hua whakaako (te korahi - he aha ngā mea me whakaako), te raupapa whakaako (te raupapa - te raupapatanga e whakaakohia ai te korahi), me te wā whakaako (te tāwhai - āhea whakaako ai te korahi). He paearu anō tēnei o Te Reo Matatini e tino whai pānga ana ki te ako ki te pānui me te tuhituhi ki te reo Māori. He kaupapa a Rangaranga Reo ā-Tā nā Te Tāhuhu o te Mātauranga e arahina ana e Cath Rau rāua ko Hūrae White, e arotahi ana ki te reo matatini, te whanake marautanga, me te aromatawai. E hāngai ana ki te korahi, te raupapa me te tāwhai o Te Reo Rangatira i Te Marautanga o Aotearoa kua whakahoutia."

Pāwhiria te rauemi nei, whakamahia rānei te hononga Rangaranga Reo ā-Tā ki te toro atu ki te whārangi mōhiohio. Pānuitia te whārangi nei, whakamahia te hononga ki te rēhita mō te PLD me te pānui hoki i te wāhanga ‘Q and A’ (Pātai Auau).

Pāwhiria ki kōnei

I muri i tō tirohanga ki te whārangi Rangaranga Reo ā-Tā, me whai wā koe ki te whakaaro ki ō ake tikanga mā te whakamahi i ngā whāngai kupu kei raro iho nei.

Rangaranga Reo ā-Tā

Ko te weteoro he hononga i waenga i ngā pūreta me ngā oro. He mea nui tēnei i roto i ngā mahi pānui, tuhituhi hoki.

E hāngai ana te tirohanga weteoro me ngā āhuatanga o ngā waehanga tuatahi e toru o Rangaranga reo ā-Tā:

Te aroā weteoro me te aroā oromotu
Te oro arapū ā-tā
Ngā kūoro me te tautohu kupu

Mātakihia tēnei kiriata o tētahi kaiako (Taniora) e whakahaere ana i te tirohanga weteoro mō te 20-wiki, e kīia nei ko Te Mōhiohio Oro mai i te kohinga aromatawai o Hihira Weteoro. Ko te ākonga (Danni-Aroha) e whā tau ki te kōhanga reo, e rua ngā wāhanga ki te kura.

Tēnei rā te mihi nui atu ki a Taniora Robinson me Danni-Aroha Peta, i whakaae mai rāua kia whakamahia tēnei kiriata mō Te Paerangi Kaiako 4.

Ngā pātai whakawhiti kōrero

Me whakawhiti kōrero mō ngā mea e aromatawaitia ana, he aha ngā whakahaerenga, ka pēhea hoki te kohi i ngā raraunga.
He aha ngā tino ngohe whakaako ka whakaratoa e koe hei akoranga ngaio mā ngā ākonga i ngā 20 wiki e tau ana ki te kura? He aha ngā momo ngohe me kaha ake te whakaako?
Whakawhiti kōrero mō te take e hira ai tēnei momo aromatawai i roto i ngā kokenga a te ākonga e ako ana ki te pānui me te tuhituhi.

Mā te tirohanga weteoro (hihira weteoro) e āwhina ngā kaiako kia hāngai ki ngā hiahia tonu o te ākonga e tū kaha, e tū maia ai hei kaipānui.

Ko tā te tirohanga mō te 20-wiki he aromatawai i te āheinga ki te rongo i ngā oro. Kei te hoahoatia he Auditory Phonological Assessment Tool (APAT) hei tautoko i te kohinga raraunga me te pūrongo mō ngā tirohanga weteoro mō te 20-wiki. He mea hou hoki te APAT me te aromatawai.
Ko tā te tirohanga mō te 40-wiki he aromatawai i te āheinga ki te tautohu i ngā pūreta. E rua ngā whāinga:
- Me mātua hāngai te aro ki ngā ākonga me whai tautoko e koke whakamua ai rātou i roto i ngā mahi weteoro.
- Me whakarato raraunga mō ngā mahi Aroturuki ā-Motu te take.
Ko tā te tirohanga mō te 55-wiki, kua tohua he kohinga aromatawai atu anō ki te tūhura mēnā i ea ngā mahi whakaako atu i te tirohanga mō te 40-wiki, ā, e pai ana te koke whakamua a ngā ākonga me ō rātou pūkenga weteoro mō ngā mahi pānui, tuhituhi hoki. Mā tēnei e whakarato ai ngā whakaaturanga mōhiohio, e whatutoto ai, e tuatini ake ai ngā whanaketanga weteoro e aromatawaitia ana i tēnei wā whakawhanake.

Katoa ngā aromatawai o Hihira Weteoro e whakamātauhia ana mō ngā take whakamātautau aromatawai, hinengaro hoki. Ka wātea mai ngā taputapu me ngā mahinga hei whakamahi hei te Wāhanga 1 o te kura, 2025 me ngā mahi PLD.

Kei hopu tōu ringa ki te aka tāepa, engari kia mau ki te aka matua

Kei te mahere whakahaere hou o te Kāwana mō ngā mahi pāngarau, arā, ko te Make It Count, e toru ngā waehanga – ko te Marautanga (Curriculum), ko te Rāngaimahi (Workforce) me te Aromatawai. Ka puta te marautanga pāngarau hou mō ngā ākonga Tau 0-8 hei tērā tau tonu, mai i te Wāhanga 1 o te kura, 2025, me ngā rauemi tautoko mō ngā kaiako hoki.

E hoahoatia ana, e hangaia ana te hōtaka Rangaranga Pāngarau e Tākuta Tony Trinick rātou ko Tammy Gardiner ko Moko Cooper. Ka whaimōhio hoki mai i te Pāngarau Wāhanga Ako, ka tautokohia e ngā rauemi ipurangi, rauemi tā hoki.

Hei whakarite noa mō te tau 2025, mā tēnei ngohe e tautoko tō urunga ki ngā rauemi ipurangi Pāngarau me te tono hoki mō ngā rauemi kape māro mai i Down the Back of the Chair (DTBOTC).

Me tūhura, me tikiake, me tono mō ngā rauemi nei. Areare mai mō ngā whakahoutanga o te kokenga o Rangaranga Pāngarau!

Ko te tikanga o Aromatawai he aroā ki te ao o te mokopuna ki ngā mea e taea ai e rātou, te huarahi ako, ngā pūkenga, ngā wheako me ngā mea ka whakahihiko, ka akiaki hoki i te mokopuna. Ka tiro atu hoki ki te whanaungatanga o te Kaiako me te mokopuna, ā, me pēhea rā ēnei kōrero katoa e tautoko ai i te akoako ināia tonu nei, ā tōna wā hoki.

Me tūhura, me arotake me whakawhiti kōrero mō ngā mōhiohio kei tēnei whārangi rauemi me te hono ki tō hōtaka whakaako, akoako hoki.  

Whai atu i tō mahi arotake, me whakaoti koe te Uiui Pātai Aromatawai.

Te Uiuinga Te Paerangi Kaiako 4 - Aromatawai

Mā ō kōrero urupare e whaimōhio ai mātou ki ngā ara pai hei tautoko i a koe me tō kura. Huakina te uiui, tuhia ō whakaaro ki konei.

Ko te tino take o ēnei rauemi he whakarato mōhiohio, rauemi, me ngā ngohe hoki hei tautoko i Te Puāwaitanga Harakeke: Te Tuhinga Takunetanga Aromatawai.

Me whakawhiti kōrero mō te whakaaturanga e whai ake ana, me ngā pātai tautoko hoki. 

Nau mai ki Te Puāwaitanga Harakeke

Tauwhaituhi ā-kiriata

Te Puāwaitanga Harakeke

Te Tuhinga Takunetanga
Mā te Kaiako
Pānui whakamārama

Torohia te pouaka "Mō te rauemi" ki raro nei e kitea ai ngā rauemi hāngai 

Te Pā Harakeke (.pdf)
Ngā Tohu Tairongo (.pdf)
He Aha te Tairongo (.pdf)
Te Whānau Aro (.pdf)
Tairongo He Whakamāramatanga (.pdf)
Te Whakaoho i ō Tairongo (.pdf)
Tairongo He Kohinga Kōrero (.pdf)
Tairongo (.pdf)