Te Tauira Āhuahanga
Te Tauira Āhuahanga
He Kōwae Ako Pāngarau
He kōwae ako e aro ana ki te paenga me te horahanga o te tapawhā hāngai, me te hononga o tētahi ki tētahi. Ka aratakina ngā ākonga ki te whakahaere tūhuratanga āhuahanga. Ka whakaaturia te hononga ki te marautanga, ngā whāinga ako, ngā rauemi ka whakamahia, te rārangi o ngā kupu matua, tae atu ki te raupapatanga o ngā mahi ako.
Ka āta tirohia ngā tauira ka hua mai i ētahi horopaki āhuahanga, pērā i te hononga o te paenga me te horahanga o te tapawhā hāngai. I takea mai tēnei kōwae ako i te kōwae ako reo Ingarihi You Can Count On Squares.
1. Ka whakaoti rapanga whaitake: ka kōwhiri, ka whakamahi i te waeine e hāngai ana mō te roa, te horahanga, te rōrahi (kìtanga), te papatipu (taumaha), te paemahana, te koki me te wā; ka whakawhitiwhiti waeine māmā; ka whakamahi i ngā inenga tapa ki te whiriwhiri i te paenga me te horahanga o te tapawhā hāngai, me te rōrahi o te poro tapawhā hāngai; ka tuhi, ka whakamārama, ka whakamahi hoki i ngā momo wātaka me ngā mahere; ka mārama ki te whaitakenga o tētahi inenga.
Taumata 4
Te Ine me te Āhuahanga (Te Ine)
Whāinga Paetae 1:
Ka whakaoti rapanga whaitake:
- ka kōwhiri, ka whakamahi i te waeine e hāngai ana mō te roa, te horahanga, te rōrahi (kìtanga), te papatipu (taumaha), te paemahana, te koki me te wā;
- ka whakawhitiwhiti waeine māmā;
- ka whakamahi i ngā inenga tapa ki te whiriwhiri i te paenga me te horahanga o te tapawhā hāngai, me te rōrahi o te poro tapawhā hāngai;
- ka tuhi, ka whakamārama, ka whakamahi hoki i ngā momo wātaka me ngā mahere;
- ka mārama ki te whaitakenga o tētahi inenga.
Kia mōhio te ākonga ki te:
- whiriwhiri i te paenga me te horahanga o tētahi tapawhā hāngai
- hononga i waenganui i te paenga me te horahanga o tētahi tapawhā hāngai
- whiriwhiri i te horahanga o tētahi tapawhā whakarara
- whakahaere tūhuratanga āhuahanga
TauiraĀhuahangaWT1
TauiraĀhuahangaWT2
TauiraĀhuahangaWT3
he pepa tukutuku
hononga |
relationship |
|---|---|
horahanga |
area |
mitarau pūrua |
square centimetre |
paenga |
perimeter |
pepa tukutuku |
grid paper |
rahirahi |
thin |
taparara |
trapezium |
tapawhā whakarara |
parallelogram |
tūtohi |
table |
Torohia te pouaka "Mō te rauemi" ki raro nei e kitea ai ngā rauemi hāngai:
- Te-Tauira-Āhuahanga (.pdf)
- Te-Tauira-Āhuahanga-1 (.pdf)
- Te-Tauira-Āhuahanga-2 (.pdf)
- Te-Tauira-Āhuahanga-3 (.pdf)
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
About this resource
Wāhanga Ako: Pāngarau
Kohinga Whāiti: He Kōwae Ako Pāngarau
Taumata: Taumata 4
