Te Rua o Te Taniwha
Te Rua o Te Taniwha
Ngāti Kahungunu ki Takapau
He pukapuka rahi hei pānui ngātahi mā te kaiako me ngā ākonga. He kōrero mō tētahi taniwha mō tōna taenga mai ki te rohe o Ngāti Kahungunu ki te wāhi e kiīa nei ko ngā mania o Ruataniwha. Ko Te Awarua-o-Porirua te ingoa o te taniwha. Ko te aronga o tēnei pūrākau ko te tūtakitanga o te taniwha ki tētahi tamaiti o te haukāinga.
Order copies of this book from Down the Back of the Chair (MOE712118)
- Rauemi Matua
- Ngā Hononga Marau
- Ngā Tauira Whakaakoranga
- Ngā Ngohe
Rauemi Matua
He kōrero whakataki
Ko tēnei tētahi o ngā kōrero taniwha o ngā hapū o te taiwhenua o Tamatea ki Ngāti Kahungunu. Nō te wā o tēnei pūrākau e kapi ana te whenua ki ngā ngahere nui, ngā awa nui me ngā roto nui. Ko Ruataniwhā te ingoa o tētahi o aua roto nui. E ai ki ngā kōrero e kapi ana i tēnei roto tētahi wāhanga nui o ngā mānia o Ruataniwha. Ko tēnei pūrākau mō tētahi taniwha haere i tae atu ki Ruataniwha. Ko Awarua o Porirua te ingoa o te taniwha. E ai ki ngā kōrero tuku iho i ahu mai tēnei taniwha i Porirua tonu, i te Upoko o Te Ika a Māui.
Te whakapapa o te pūrākau
I ahu mai tēnei kōrero i ngā kete kōrero o ngā hapū o te taiwhenua o Tamatea. He kōrero tēnei e mōhiotia ana e ngā hapori o Takapau, o Waipukurau me Waipawa. Ka mutu kua mau te ingoa o Ruataniwha ki ētahi wāhi, rōpū hoki i ēnei hapori. Ko te kōrero i konei he mea tito hei whakautu ki ngā pātai o ngā uri o nāianei; arā, nō hea tēnei taniwha? i ahu mai ia i hea? he aha te ara i whāia e ia? he aha te take i tae mai ia ki tēnei wāhi?
I wānangahia tēnei kaupapa e ngā uri o ngā hapū o Ngāi Tahu ki Takapau, Ngāi Toroiwaho me Ngāti Mārau. Hei ārahi i ngā whakawhiti kōrero, i tirohia ngā tuhinga kōrero, arā ngā mea waiho mai e ngā kaumātua me ngā kuia o ēnei hapū.
Nā tēnei rōpū anō i whakatau, i whakamana i te kōrero i tuhia.
Mō te pukapuka
He pai tēnei pukapuka mō te pānui ngātahi. Kai ngā poutaha o te pukapuka ētahi pātai hei arataki i te kaiako, i a ia e pānui tahi ana ki ngā ākonga. He tauira noa iho ēnei pātai, arā anō pea ētahi pātai ka toko ake i te kaiako, otirā, i ngā ākonga.
Ngā hononga kē atu
Ngā hononga ki Te Kete Ipurangi
Ngā hononga ki Alexander Turnbull Library & National Library
He Mihi
He mihi nui tēnei ki a Beth Dixon rāua ko Louise Keepa. Nā rāua i tuhi; Ngā pātai hai arataki i te kaiako; Ngā Tauira Whakaakoranga me Ngā ngohe hai mahi mā ngā ākonga.
Me kore ake rāua hei āwhina i tēnei kaupapa.
See the “About this resource” box below to download resource: TSM-Core-Resource-Info (.pdf)
About this resource
Order copies of this book from Down the Back of the Chair (MOE712118)
Wāhanga Ako: Te Reo Māori, Hauora, Tikanga ā-iwi, Ngā Toi
Taumata: Taumata 1, Taumata 2
Kaupapa: Te Aho Ngārahu
