He Kaitiaki Tuna, He Toa Mahi Kai
He Kaitiaki Tuna, He Toa Mahi Kai
Ngāti Kahungunu ki Wairarapa
Order copies of this book from Down the Back of the Chair (MOE50674)
- Rauemi Matua
- Ngā Tauira Whakaakoranga
- Ngohe
Rauemi Matua
He kōrero whakataki
Hei rauemi ēnei mā te kaiako, i a ia ka whakamahi i te pukapuka He Kaitiaki Tuna, He Toa Mahi Kai i te taha o ō ākonga. He kōrero pono tēnei mō Matiaha Paku e noho mai rā i Te Whakaoriori, mō ōna tīpuna, me tōna hononga ki te tuna, hei oranga mōna me tōna whānau ka tahi, hei akoranga hoki mōna e pā ana ki tēnei tino kai a ō tātou tīpuna, mai rā anō.
Kua wehewehea ngā kōrero i roto i te pukapuka ki ōna wāhanga e ono. Arā;
Hei tautoko tēnei rauemi i te pouako e whakamahi ana i te pakiwaituhi/pukapuka He Kaitiaki Tuna, He Toa Mahi Kai i roto i ngā whakaakoranga arareo Māori.
- Tōna whānau
- Tōna kuranga
- Te mahi tuna hei oranga whānau
- He toa mahi kai
- He tangata tiaki tuna
Ngā whāinga
Kia akiaki i ngā ākonga me te pouako:
- ki te tūhura, ki te matapaki hoki i ngā take taiao o tō rātou ake rohe
- ki te whai whakaaro ki ngā tikanga me ngā mahi tuku iho me ngā tirohanga o tēnā, o tēnā e pā ana ki te taiao hei whakatau i ngā mātātaki me ngā raru
- kia arotahi ki ngā ariā o te Rangatiratanga, te Kaitiakitanga me te Toitūtanga ahakoa kei hea rātou e noho ana.
Te whakapapa o te pūrākau
Nā āna mahi tuna i roto i ngā tau, kua mōhio whānuitia a Matthew Paku i roto i ngā hapori o Wairarapa. Ko Te Tumapuhia-a-Rangi tōna hapū, ko Matt tōna ingoa kārangaranga ki tōna whānau, ōna hoa me te hapori whānui. Me mihi tonu ki a ia ka tika, mōna i whakaae ki tēnei kaupapa, kia uiuia, kia whakaahuangia hoki mō tēnei umanga ōna i ngā tau ki mua.
Kei tōna papakāinga anō, he manga wai e rere ana, ā, kei reira hoki tētahi puna me ngā tuna mōkai a Matt. Ahakoa tana mahi tuna hei umanga arumoni i ngā tau ki mua, kua noho a Matt hei kaitiaki i tēnei rawa māori e noho mōrearea nei i ēnei rā, nā ngā mahi a te tangata.
Mō ētahi atu kōrero mō Matt tirohia ngā ataata kei te ipurangi, kei Lake Stories NZ
Kei tētahi wāhanga o te pukapuka nei he kōrero mō Sam Ludden. I tipu tahi a Sam me ngā tama a Matt. Nā Matt anō a Sam i ako ki te mahi tuna, kia ngākaunui hoki ia ki tēnei rawa wai māori. I ēnei rā he tohunga whakairo uku a Sam, ko te tuna tētahi o ana kaupapa matua. Mō ētahi atu kōrero mō Sam Ludden tirohia: Lake Stories NZ
Mō te pukapuka
He pai tēnei pukapuka mō te pānui ā-ropū, takitahi rānei. Mā te pānui tahi ka mātau ngā ākonga ki te tuna me ētahi tikanga o te kaitiakitanga. Ka kite anō ngā ākonga i ngā mahi a tētahi tangata me tana tipu i te taha o ngā tuna, ētahi āhuatanga, tikanga hoki i kitea e ia i a ia e tipu ana, tae atu ki ētahi akoranga nui.
Tukua mā ngā tamariki anō e whakaaro;
- ki tēnei kai a ngā tīpuna;
- ki ngā mahi a te tangata pērā i a Matt Paku e kaha nei ki te tiaki i tēnei rawa māori, engari e mahi tuna ana hei kai mā te whānau me te iwi;
- ki ngā mahi a ētahi tāngata kei roto i tō rātou ake rohe, hapori, kāinga rānei, he kaha ki te pupuri i ngā tikanga mahi kai, ki te tiaki hoki i tētahi kai wai māori, waitai rānei.
Ngā hononga kē atu
I tae atu a Piri Weepu ki te kāinga o Matt Paku i Te Whakaoriori ki te ako i mahi tuna, arā, te hopu, te pāwhara, te whakaauahi me te kai. Inā te reka!
Ngā hononga ki ētahi atu rauemi
Te Tuna. Ko tēnei tētahi pukapuka o te kohinga Pūao. Nā Huia Publishers i whakaputa mō te taha ki Te Tāhuhu o te Mātauranga 2012.
See Materials that come with this resource to download:
- TSM Core Resource Info FA (.pdf)
About this resource
Order copies of this book from Down the Back of the Chair (MOE50674)
Wāhanga Ako: Te Reo Māori, Tikanga ā-Iwi
Taumata: Taumata 3, Taumata 4
Kaupapa: Te Aho Ngārahu
