He Whakamārama i ngā Whāinga Paetae - Te Tauanga
Te Tauanga
He Whakamārama i ngā Whāinga Paetae
An explanation of the achievement objectives of the strand 'Statistics' of the mathematics learning area of The New Zealand Curriculum.
- Taumata 1
- Taumata 2
- Taumata 3
- Taumata 4
- Taumata 5
Te Tauanga - Taumata 1
- Ka whai i ngā tikanga mō te tūhuratanga tauanga ki te whakatakoto, ki te whakautu pātai:
- ka kohikohi raraunga
- ka wehewehe raraunga
- ka tatau raraunga
- ka hanga whakaari raraunga
- Ka mārama ki ngā whakaari raraunga
Te tūhuratanga tauanga
E rima ngā wāhanga o te tūhuratanga tauanga:
- Ka whakatakotoria he pātai hei tūhura.
- Ka whakamaheretia te tūhuratanga.
- Ka kohia he raraunga e hāngai ana ki te pātai.
- Ka tātarihia ngā raraunga.
- Ka whakaputaina he kōrero, he whakatau hei whakautu i te pātai i tūhuratia. Ka whakaputaina rānei he pātai atu anō hei tūhura.
Te whakatakoto ... pātai
Hei tauira:
Ngā mea e manakohia ana:
- He aha te hākinakina e tino manakohia ana e te hunga tamariki mai i te 5 ki te 7 tau te pakeke?
- He rerekē ngā hākinakina e tino manakohia ana e te hunga kōtiro, e te hunga tamatāne, kāore rānei?
- He hākinakina ā-kapa, he hākinakina takitahi rānei te hākinakina e tino manakohia ana e te tokomaha?
Ka wehewehe raraunga, ka tatau raraunga
Hei tauira:
Kua wehea mai ngā tamariki ki te hākinakina e tino manakohia ana e tēnā e tēnā.
Ka hanga whakaari raraunga
Hei tauira:
- Ka hanga kauwhata whakaahua:
Ka mārama ki ngā whakaari raraunga
Hei tauira (mō te kauwhata whakaahua i runga nei):
- Ko te whutupōro pā te hākinakina e tino manakohia ana e te rōpū tamariki nei.
- Tokorima ngā tamariki e matareka ana ki te poitarawhiti.
- E 3 te maha ake o ngā tamariki e manako ana ki te poitarawhiti, tērā i te hunga e manako ana ki te tēnehi.
3. Ka matapae, ka whakamātau i ngā putanga katoa o tētahi pūāhua tūponotanga whaitake māmā
ngā putanga katoa o tētahi pūāhua tūponotanga whaitake
Hei tauira:
- Ko te 1, te 2, te 3 me te 4 ngā putanga katoa ka taea i konei:
Te Tauanga - Taumata 2
1. Ka whai i ngā tikanga mō te tūhuratanga tauanga e whai wāhi mai ana te raraunga whakarōpū me te raraunga motumotu:
- ka whakatakoto pātai.
- ka kohikohi raraunga
- ka wehewehe raraunga
- ka hanga whakaari raraunga e whaitake ana
- ka whakaputa kōrero hei whakautu i te pātai i tūhuratia
- ka mārama ki ngā tikanga matatika e hāngai ana
2. Ka arohaehae i ngā kōrero e pā ana ki ngā hua o tētahi tūhuratanga tauanga
3. Ka whakaputa kōrero mō ngā āhuatanga o ētahi whakaari raraunga māmā
Te tūhuratanga tauanga
E rima ngā wāhanga o te tūhuratanga tauanga:
- Ka whakatakotoria he pātai hei tūhura.
- Ka whakamaheretia te tūhuratanga.
- Ka kohia he raraunga e hāngai ana ki te pātai.
- Ka tātarihia ngā raraunga.
- Ka whakaputaina he kōrero, he whakatau hei whakautu i te pātai i tūhuratia. Ka whakaputaina rānei he pātai atu anō hei tūhura.
Te raraunga whakarōpū
Ka wehea ngā raraunga ki ētahi rōpū, kātahi ka tatauria. Hei tauira:
Te Tāroaroa Tāngata
| Rōpū tāroaroa | Tokomaha |
|---|---|
| Poto ake i te 1 mita | 2 |
| Kei waenganui i te 1 me te 1 1/4 mita | 7 |
| Kei waenganui i te 1 1/4 me te 1 1/2 mita | 4 |
| Nui ake i te 1 1/2 mita | 1 |
Te raraunga motumotu
Ko ngā momo raraunga e noho motumotu ana. Arā, he motuhake ia raraunga.
Hei tauira:
- Ngā oma a tētahi kaitākaro kirikiti i roto i ētahi kēmu e rima: {23, 12, 56, 82, 105}
Ka whakatakoto pātai
Hei tauira:
te maha o tētahi mea:
- E hia hāora mātakitaki pouaka whakaata ai te hunga tamariki mai i te rima ki te whitu tau te pakeke i ia rangi?
- He rerekē te maha o ngā hāora mātakitaki pouaka whakaata o te hunga tamariki rima ki te whitu tau te pakeke i ērā o te hunga tamariki mai i te waru ki te tekau te pakeke, kāore rānei?
- Te tokomaha o ngā tamariki o roto i te akomanga nō tēnā iwi nō tēnā iwi.
Whakaari raraunga
Hei tauira (mā te ringa, mā te rorohiko rānei e oti ai ēnei whakaari raraunga):
- kauwhata whakaahua, tūtohi tatau, kauwhata pou
Ka mārama ki ngā tikanga matatika e hāngai ana
Hei tauira:
Te hāngai o te pātai, kia kore ai e mamae, e whakaitia rānei te kaiwhakautu.
4. Ka tautohu, ka matapae, ka whakamātau i ngā putanga o tētahi pūāhua tūponotanga whaitake.
- ka mārama mēnā he ōrite, he rerekē, he rangirua rānei te tūponotanga o ētahi putanga
5. Ka mōhio ki te reo māmā hei whakaatu tūponotanga
He ōrite, he rerekē, he rangirua rānei te tūponotanga o ētahi putanga
Hei tauira:
- He ōrite te tūponotanga o ngā putanga e whā, engari he rangirua tonu te putanga o tētahi whakamātau:
- He nui ake te tūponotanga o te 3, tērā i te 1, engari he rangirua tonu te putanga o tētahi whakamātau:
- He rangirua te tūponotanga ka whiti te Rā āpōpō.
Te reo mama hei whakaatu tūponotanga
Ko ngā kupu pēnei:
āe mārika, kāore e kore, ākene pea, tērā pea, e kore, kore rawa ...
Te Tauanga - Taumata 3
1. Ka whai i ngā tikanga mō te tūhuratanga tauanga e whai wāhi mai ana te raraunga whakarōpū matatini, te raraunga motumotu, me te raraunga houanga:
- ka whakatakoto pātai
- ka kohikohi raraunga
- ka wehewehe raraunga
- ka hanga whakaari raraunga e whaitake ana
- ka whakaputa kōrero hei whakautu i te pātai i tūhuratia
- ka mārama ki ngā tikanga matatika e hāngai ana
2. Ka tautohu i ngā tauira me ngā ia e kitea mai ana i roto i tētahi huinga raraunga, i waenganui rānei i ētahi huinga raraunga.
3. Ka arotake i te whaihua o ngā momo whakaari raraunga rerekē hei whakaatu i ngā hua o tētahi tūhuratanga tauanga.
Te tūhuratanga tauanga
E rima ngā wāhanga o te tūhuratanga tauanga:
- Ka whakatakotoria he pātai hei tūhura.
- Ka whakamaheretia te tūhuratanga.
- Ka kohia he raraunga e hāngai ana ki te pātai.
- Ka tātarihia ngā raraunga.
- Ka whakaputaina he kōrero, he whakatau hei whakautu i te pātai i tūhuratia. Ka whakaputaina rānei he pātai atu anō hei tūhura.
Te raraunga whakarōpū matatini
He nui ake i te kotahi ngā taurangi e tūhuratia ana mō ia rōpū.
Hei tauira:
Te Tāroaroa me te Taumaha o Tētahi Hunga Tamariki
| Ngā rōpū | |||
| Kōtiro | Tamatāne | ||
| Ngā taurangi (raraunga matatini) |
Tāroaroa (m) | 1.2, 1.2, 1.3, 1.35, 1.4, 1.4 | 1.1, 1.1, 1.15, 1.2, 1.25, 1.3 |
| Taumaha (kg) | 47, 52, 54, 62, 67, 75 | 45, 50, 51, 56, 58, 64 | |
Te raraunga houanga
Ko te ine tāruarua i tētahi āhuatanga i te takanga o te wā.
Hei tauira:
Te Paemahana i ngā Hāora o Tētahi Rā
| ata | ahiahi | pō | ||||||
|---|---|---|---|---|---|---|---|---|
| hāora | 6.00 | 8.00 | 10.00 | 12.00 | 2.00 | 4.00 | 6.00 | 8.00 |
| paemahana | 8º | 10º | 15º | 16º | 17º | 15º | 11º | 9º |
Ka whakatakoto pātai
Hei tauira:
He inenga:
- E hia te roa o ngā matikara o ngā tamariki o te akomanga?
- He ōrite, he rerekē rānei te roa o ngā matikara o te hunga kōtiro me te hunga tamatāne?
- Te roa o te wā ka oti i tēnā i tēnā o te akomanga, te 100 mita mā runga pahikara.
ka wehewehe raraunga
Hei tauira:
Ko te roa o ngā matikara te kaupapa o te tūhuratanga. Kua wehea te roa o ngā matikara ki ētahi rōpu e toru (iti ake i te 12cm, waenganui i te 12cm me te 16cm, nui ake i te 16cm). Kua wehea hoki ngā raraunga ki te whakaatu i te katoa o te rōpū, ngā kōtiro me ngā tamatāne. Kua tatauria hoki ngā raraunga:
| te roa o te matikara | kōtiro | tamatāne | te katoa o te akomanga |
|---|---|---|---|
| iti ake i te 12cm |  |
 |
 |
| waenganui i te 12cm me te 16cm |  |
 |
 |
| nui ake i te 16cm |  |
 |
 |
| ngā tapeke | 13 | 9 | 22 |
Whakaari raraunga
Hei tauira (mā te tuhi ā-ringa, mā te rorohiko rānei e oti ai ēnei whakaari raraunga):
- kauwhata whakaahua, tūtohi tatau, kauwhata pou, kauwhata rau-tō, kauwhata ira, kauwhata porowhita, kauwhata tāhei, kauwhata rārangi
Ka mārama ki ngā tikanga matatika e hāngai ana
Hei tauira:
- te hāngai o te pātai kia kore ai te kaiwhakautu e mamae, e whakaitia rānei
- kia noho matatapu ngā kaiwhakautu pātai mēnā e hāngai ana
- kia mārama te kaiwhakautu pātai, kei a ia tonu te mana, mēnā kāore ia e hiahia ana ki te whakautu pātai
Tautohu i ngā tauira me ngā ia
Hei tauira:
- I ia kēmu, he āhua rite ngā kaute a Māia – kei waenganui i te 30 me te 70, hāunga tētahi kēmu, kāore ana omaoma.
- He manei ngā kaute a Horiana – ka piki, ka heke, he pai, he koretake!
Ka arotake i te whaihua o ngā momo whakaari raraunga
Hei tauira:
I tēnei o ngā horopaki, he pai ake te kauwhata porowhita hei whakatairite i te rahi o tētahi rōpū raraunga ki te katoa o ngā raraunga. He pai ake te kauwhata pou hei whakatairite i tētahi rōpū raraunga ki tētahi.
4. Ka tūhura i ngā pūāhua tūponotanga māmā:
- ka whakatairite i ngā putanga whakamātau me ngā matapae
- ka mārama ki ngā putanga katoa e taea ana
- ka mārama ki te taurangitanga o ngā tīpako
- ka mārama ki te wehe kētanga o ngā whakamātau me ngā tīpako
5. Ka mōhio ki te whānuitanga o te reo hei whakaatu tūponotanga
6. Ka whakamahi āwhata ki te whakaatu tūponotanga.
Ka tūhura i ngā pūāhua tūponotanga māmā: ka whakatairite i ngā putanga whakamāta65u me ngā matapae; ka mārama ki ngā putanga katoa e taea ana; ka mārama ki te taurangitanga o ngā tīpako; ka mārama ki te wehe kētanga o ngā whakamātau me ngā tīpako
Hei tauira:
Tekau ngā pīroritanga mataono tau a ētahi ākonga tokotoru. Ka whakaaturia ngā putanga matapae me ngā pūtanga whakamātau ki tētahi tūtohi:
| ākonga | te putanga | ||||||
|---|---|---|---|---|---|---|---|
| 1 | 2 | 3 | 4 | 5 | 6 | ||
| Hāmi | matapae | 2 | 2 | 2 | 2 | 1 | 1 |
| whakamātau | 1 | 2 | 1 | 3 | 1 | 2 | |
| Merenia | matapae | 2 | 2 | 1 | 1 | 2 | 2 |
| whakamātau | 2 | 3 | 1 | 1 | 2 | 1 | |
| Horomona | matapae | 1 | 1 | 1 | 1 | 1 | 5 |
| whakamātau | 2 | 2 | 3 | 1 | 1 | 1 | |
- He rerekē ngā putanga matapae me ngā putanga whakamātau a tēnā me tēnā o te tokotoru nei. He tauira tēnei o te taurangitanga o ngā tīpako.
- Kāore he pānga o ngā whakamātau a tētahi o te tokotoru ki ngā whakamātau a tētahi atu. He tauira tēnei o te wehe kētanga o ngā whakamātau me ngā tīpako.
Ka whakamahi āwhata ki te whakaatu tūponotanga
Hei tauira:
Ina pīrorihia he mataono tau:
- 1/6 te tūponotanga ka puta he 5
- 0 te tūponotanga ka puta he 7
- 1 te tūponotanga ka puta he 1, he 2, he 3, he 4, he 5, he 6 rānei
- 3/6 te tūponotanga ka puta he taukehe
Te Tauanga - Taumata 4
1. Ka whai i ngā tikanga mō te tūhuratanga tauanga e whai wāhi mai ana te raraunga whakarōpū matatini, te raraunga ine, me te raraunga houanga:
- ka whakatakoto pātai, tāpaetanga kōrero rānei
- ka whakatau i ngā taurangi hei ine
- ka whakatau i te tukanga kohikohi raraunga
- ka kohikohi raraunga
- ka wehewehe raraunga
- ka hanga whakaari raraunga e whaitake ana
- ka whakatairite i te āhua o ngā tuari raraunga (te wēanga me te hora o ngā raraunga)
- ka whakaputa kōrero mō te pātai i tūhuratia
- ka mārama ki ngā tikanga matatika e hāngai ana
2. Ka mārama ki te tikanga o ngā wēanga me te whakamahinga o ngā wēanga
3. Ka whakamārama, ka arotake i te whaihua o ngā momo whakaari raraunga, ka whakaputa kōrero mō te taurangitanga e kitea mai ana
Te tūhuratanga tauanga
E rima ngā wāhanga o te tūhuratanga tauanga:
- Ka whakatakotoria he pātai hei tūhura.
- Ka whakamaheretia te tūhuratanga.
- Ka kohia he raraunga e hāngai ana ki te pātai.
- Ka tātarihia ngā raraunga.
- Ka whakaputaina he kōrero, he whakatau hei whakautu i te pātai i tūhuratia. Ka whakaputaina rānei he pātai atu anō hei tūhura.
Te raraunga whakarōpū matatini
He nui ake i te kotahi ngā taurangi e tūhuratia ana mō ia rōpū.
Hei tauira:
| Akomanga 1 | Akomanga 2 | Akomanga 3 | Akomanga 4 | ||
|---|---|---|---|---|---|
| tae o te karu | kahurangi | 7 | 5 | 8 | 6 |
| parauri | 8 | 9 | 8 | 6 | |
| kākāriki | 5 | 4 | 6 | 5 | |
| ringa tuhi | matau | 14 | 13 | 14 | 12 |
| mauī | 6 | 5 | 8 | 5 | |
| tāroaroa (m) | < 1.20 | 12 | 10 | 7 | 5 |
| 1.21 – 1.40 | 6 | 4 | 9 | 6 | |
| 1.41 – 1.60 | 2 | 3 | 4 | 3 | |
| > 1.61 | 0 | 1 | 2 | 3 |
Tāpaetanga kōrero
He whakatakotoranga whakaaro mō tētahi kaupapa.
Hei tauira:
- He iti ake ngā hāora mātakitaki pouaka whakaata o te hunga e tino whai ana i te hākinakina, tērā i te hunga kāore e tino whai ana i te hākinakina.
- Tokomaha ngā ākonga me ngā mātua e hiahia ana kia hokona ngā momo ‘kai ora’ i te toa kai o te kura.
Te tukanga kohikohi raraunga
Hei tauira:
Koia nei ētahi o ngā pātai i tukuna mā te ipurangi ki ngā ākonga o ngā kura reo Māori i te tau 2005. Ko te Tatauranga ki te Kura te ingoa o te kaupapa, ā, i kohia he raraunga mai i ētahi ākonga 2000. Kei te ipurangi tonu ēnei raraunga hei tiki atu māu, hei tūhura, hei whakaputa kauwhata, hei whakawhitiwhiti kōrero.
Whakaari raraunga
Hei tauira (mā te tuhi ā-ringa, mā te rorohiko rānei e oti ai ēnei whakaari raraunga):
tūtohi auau, kauwhata pou hiato, kauwhata rau-tō, kauwhata ira, kauwhata porowhita, kauwhata rārangi,
te wēanga ... o ngā raraunga
Hei tauira:
| Ngā Hāora Mātakitaki Pouaka Whakaata Ia Pō O Te Akomanga Arawaru | |||||
|---|---|---|---|---|---|
| hāora | 0 | 1 | 2 | 3 | 4 |
| kōtiro | 2 | 4 | 3 | 1 | 0 |
| tama | 0 | 2 | 5 | 1 | 1 |
| katoa | 2 | 6 | 8 | 2 | 1 |
Ngā wēanga o ēnei raraunga:
1. toharite
Hei tātai i te toharite o ngā hāora o ngā kōtiro:
Tāpirihia te katoa o ngā hāora mātakitaki pouaka whakaata o ngā kōtiro, kia ōrite anō te tohatoha i aua hāora ki ia kōtiro.
[(2 x 0) + (4 x 1) + (3 x 2) +(1 x 3)] ÷ 10 = 1.3 hāora
2. tau waenga
Hei kimi i te tau waenga o ngā hāora o ngā kōtiro:
Ka rārangihia ngā hāora mai i te iti ki te rahi e kitea ai te tau waenga:
0, 0, 1, 1, 1, 1, 2, 2, 2, 3
Ko te 1 te tau waenga o ngā hāora mātakitaki pouaka whakaata o ngā kōtiro.
3. tau tānui
Ko te 1 te tau tānui o ngā hāora mātakitaki pouaka whakaata o ngā kōtiro, nā te tokomaha rawa (4) o ngā kōtiro e mātakitaki ana i te pouaka whakaata mō te hāora kotahi i ia pō. Ko te 2 te tau tānui o ngā hāora o ngā tama.
Te hora o ngā raraunga
Hei tauira (mai i te tūtohi raraunga i runga nei):
Mai i te 0 ki te 4 hāora te hora o ngā hāora mātakitaki pouaka whakaata o te akomanga o Arawaru.
Ka mārama ki ngā tikanga matatika e hāngai ana
Hei tauira:
- te hāngai o te pātai kia kore ai te kaiwhakautu e mamae, e whakaitia rānei
- kia noho matatapu ngā kaiwhakautu pātai mēnā e hāngai ana
- kia mārama te kaiwhakautu pātai, kei a ia tonu te mana, mēnā kāore ia e hiahia ana ki te whakautu pātai
- kia mārama te kaiwhakautu pātai ki te tūhuratanga, te whāinga o te tūhuratanga, me te whakamahinga o ngā raraunga
- kia tika, kia tōkeke te āhua o te whakaatu i ngā raraunga me ngā whakakitenga o te tūhuratanga
ka whakaputa kōrero mō te taurangitanga e kitea mai ana
Hei tauira:
- Kei tuawhenua te kura o Rangiwhai, nā te mea he tokomaha ngā tamariki e haere ana mā runga pahi, ā, ko ētahi hoki e haere ana mā runga hōiho
4. Ka tūhura i ngā pūāhua tūponotanga:
- ka whakatairite i te tuari o ngā putanga whakamātau me ngā matapaenga
- ka mārama ki ngā putanga katoa e taea ana
- ka mārama ki te taurangitanga o ngā tīpako kāore e tika ana
- ka whakamahi hautanga ki te whakaatu tūponotanga
Ka whakatairite i te tuari o ngā putanga whakamātau me ngā matapaenga
Hei tauira:
Tekau mā rua ngā pīrori mataono tau a Hariata, 84 ngā pīrori a Roimata. Koia nei ā rāua matapae me ā rāua tatau i te maha o tēnā o tēnā o ngā putanga:
| 1 | 2 | 3 | 4 | 5 | 6 | ||
|---|---|---|---|---|---|---|---|
| Hariata (12) | matapae | 2 | 2 | 2 | 2 | 2 | 2 |
| tūponotanga matapae | 1/6 16.6% | 1/6 16.6% | 1/6 16.6% | 1/6 16.6% | 1/6 16.6% | 1/6 16.6% | |
| whakamātau | 0 | 3 | 1 | 2 | 1 | 5 | |
| tūponotanga whakamātau | 0/12 0% | 3/12 25% | 1/12 8.3% | 2/12 16.6% | 1/12 8.3% | 5/12 41.6% | |
| Roimata (84) | matapae | 14 | 14 | 14 | 14 | 14 | 14 |
| tūponotanga matapae | 1/6 16.6% | 1/6 16.6% | 1/6 16.6% | 1/6 16.6% | 1/6 16.6% | 1/6 16.6% | |
| whakamātau | 11 | 13 | 16 | 14 | 15 | 15 | |
| tūponotanga whakamātau | 11/84 13.1% | 13/84 15.4% | 16/84 19% | 14/84 16.6% | 15/84 17.8% | 15/84 17.8% |
He āhua manei te tuari o ngā putanga whakamātau a Hariata. He āhua pātata ake te tuari o ngā putanga whakamātau a Roimata ki te tuari o ana matapae:
Te taurangitanga o ngā tīpako kāore e tika ana
Hei tauira: Me he pēnei ngā putanga o ngā pīroritanga 84 o tētahi mataono tau, tērā e puta te whakaaro he tītaha pea te mataono tau, kāore i te tōkeke:
| te putanga | 1 | 2 | 3 | 4 | 5 | 6 |
|---|---|---|---|---|---|---|
| te tatau o ngā putanga | 4 | 3 | 7 | 5 | 2 | 63 |
Ka whakamahi hautanga ki te whakaatu tūponotanga
Hei tauira:
I whakamahia ngā hautau me ngā ōrau hei whakaatu tūponotanga ki te tūtohi me ngā kauwhata i runga nei (ngā pīroritanga mataono tau a Hariata rāua ko Roimata.
Te Tauanga - Taumata 5
1. Ka whai i ngā tikanga mō te tūhuratanga tauanga ki te whakamahere, ki te whakatutuki tirohanga tauanga, whakamātau tauanga hoki:
- ka whakatakoto pātai, tāpaetanga kōrero rānei
- ka whakatau i ngā taurangi hei ine me ngā waeine e hāngai ana
- ka whakatau i te tukanga kohikohi raraunga
- ka kohikohi raraunga
- ka wehewehe raraunga
- ka āta whakaaro ki ngā take e taurangi ai ngā raraunga
- ka kōwhiri i ngā whakaari raraunga e whaitake ana, me te wehewehe anō i ngā raraunga e kitea ai ngā tauira, ngā ia, ngā pānga me ngā taurangitanga o ngā raraunga whakarōpū matatini
- ka whakatairite i ngā tīpako me te hono anō o ngā tīpako ki ngā taupori, mā te whakamahi i ngā inenga wēanga me te hora o ngā raraunga
- ka whakaputa pūrongo mō te pātai i tūhuratia
- ka marama ki ngā tikanga matatika e hāngai ana
2. Ka arotake i ngā tukanga tauanga o tētahi tūhuratanga:
- te tukanga whai tīpako
- te whiriwhiri i ngā inenga wēanga me te hora o ngā raraunga
- te tika o ngā kōrero ka puta i te tūhuratanga
Tūhuratanga tauanga
E rima ngā wāhanga o te tūhuratanga tauanga:
- Ka whakatakotoria he pātai hei tūhura.
- Ka whakamahere i te tūhuratanga.
- Ka kohia he raraunga e hāngai ana ki te pātai.
- Ka tātarihia ngā raraunga.
- Ka whakaputaina he kōrero, he whakatau hei whakautu i te pātai i tūhuratia. Ka whakaputaina rānei he pātai atu anō hei tūhura.
Tāpaetanga kōrero
He whakatakotoranga whakaaro mō tētahi kaupapa
Hei tauira:
- He tokomaha ake te hunga taiohi e tautoko ana i te Rōpū Tōrangapū Māori, tērā i te hunga kaumātua.
- Kei te piki te kōrerohia o te reo Māori ki ngā wāhi katoa o te tāone.
Ngā whakaari raraunga
Hei tauira (mā te tuhi ā-ringa, mā te rorohiko rānei e oti ai ēnei whakaari raraunga):
tūtohi auau, kauwhata pou hiato, kauwhata rautō, kauwhata ira, kauwhata porowhita, kauwhata rārangi, kauwhata kauamo, kauwhata marara, kauwhata pouhere.
Ngā tīpako me te hono anō o ngā tīpako ki ngā taupori
Hei tauira: He tūhuratanga tēnei kia kitea ai te ngākaunui o te iwi ki te pōti mō ngā rōpū tōrangapū. Tokowhā ngā kaiuiui ka noho ki waho i ētahi toa hokomaha e whā o te tāone o Rotorua i te ata o tētahi Rāhoroi. Ka inoi rātou i ngā tāngata ka haere noa mai ki te toa hokomaha kia whakautu pātai mō te rōpū tōrangapū e ngākaunui ana rātou mō te pōti ka tū ā te marama tata nei. Ka haere tonu tēnei mahi a rātou kia oti rā anō ngā tāngata 100 te uiui. Koia nei ngā raraunga ka hua mai:
| Rōpū Māori | Rōpū Kākāriki | Rōpū Reipa | Rōpū Nahinara | Aotearoa Tuatahi | Rōpū Atu Anō |
|---|---|---|---|---|---|
| Kaiuiui 1 20 | 12 | 32 | 23 | 11 | 2 |
| Kaiuiui 2 65 | 12 | 9 | 3 | 10 | 1 |
| Kaiuiui 3 4 | 7 | 31 | 46 | 12 | 0 |
| Kaiuiui 4 15 | 23 | 29 | 16 | 11 | 6 |
Koia nei pea ētahi kōrero e hāngai ana ki ngā tīpako nei me te taupori:
- He rerekē ngā whakaaro o te iwi kei tēnā takiwā o te tāone e noho ana kei tēnā. Hei tauira, he tokomaha pea te iwi Māori kei te takiwā o te toa hokomaha o Kaiuiui 2 e noho ana, i runga i te tokomaha e ngākaunui ana ki te Rōpū Māori (65%).
- Kāore e tino hāngai ana ngā tīpako e whā nei ki te taupori. Arā, nō Rotorua anake ngā tāngata i uiuia, waihoki ko te hunga anake i haere ki te hokomaha i te ata o taua Rāhoroi.
Ngā inenga wēanga me te hora o ngā raraunga
Hei tauira (mō te tūtohi raraunga i runga ake nei):
- Ko te toharite ōrau o ngā tāngata e ngākaunui ana ki te pōti mō te Rōpū Māori = (20% + 65% + 4% + 15%) ÷ 4 = 26%
- Mō te Kaiuiui 4, ko te 29 te tau tānui – ko te Rōpū Reipa tērā.
- He whānui te hora o te ōrau tāngata e ngakaunui ana ki te pōti mō te Rōpū Māori – ko te 4% anake o ngā tāngata i uiuia e Kaiuiui 3, tae atu ki te 65% mō Kaiuiui 2.
- He āhua rite te ōrau tāngata e ngākaunui ana ki te pōti mō Aotearoa Tuatahi. Kāore e tino whānui te hora (mai i te 10 ki te 12.
Ka mārama ki ngā tikanga matatika e hāngai ana
Hei tauira:
- te hāngai o te pātai kia kore ai te kaiwhakautu e mamae, e whakaitia rānei
- kia noho matatapu ngā kaiwhakautu pātai mēnā e hāngai ana
- kia mārama te kaiwhakautu pātai, kei a ia tonu te mana, mēnā kāore ia e hiahia ana ki te whakautu pātai
- kia mārama te kaiwhakautu pātai ki te tūhuratanga, te whāinga o te tūhuratanga, me te whakamahinga o ngā raraunga
- kia tika, kia tōkeke te āhua o te whakaatu i ngā raraunga me ngā whakakitenga o te tūhuratanga
- kia kaua e haukumea te āhua o ngā pātai
Ka tūhura pūāhua tūponotanga papa-tahi, papa-maha hoki:
ka whakamahi hautau, ōwehenga hoki ki te matapae, ki te whakamārama i ngā tuari raraunga ka puta i tētahi whakamātau tūponotanga
ka whakatau i te whaitakenga o te taurangitanga e kitea mai ana i ngā raraunga o tētahi whakamātau tūponotanga
Pūāhua tūponotanga papa-tahi, papa-maha
Hei tauira, he papa-rua tēnei pūāhua:
E rua ngā piunga uka. Ka whakaaturia ngā putanga katoa e taea ana ki tētahi hoahoa rākau.
He rerekē pea te kounga o ngā whakaahua kei tēnei whārangi nā tō momo pūrere matihiko, heoi anō, ki te tiki ake i ngā whakaahua, ka tika te kounga.
Heading
He Whakamārama i ngā Whāinga Paetae - Te Tau me te Taurangi
An explanation of the achievement objectives of the strand 'Number and Algebra' of the mathematics learning area of The New Zealand Curriculum.
1 of 2
He Whakamārama i ngā Whāinga Paetae - Te Ine me te Āhuahanga
An explanation of the achievement objectives of the strand 'Statistics' of the mathematics learning area of Te Marautanga o Aotearoa.
2 of 2
About this resource
Wāhanga Ako: Pāngarau
Kohinga Whāiti: Marautanga Pāngarau
Taumata: Taumata 1, Taumata 2, Taumata 3, Taumata 4, Taumata 5
Add to collection
