Te Ara o Pōtiki

He kōrero whakataki

Mā wai ngā tarawāhi o te Wairākei e tāwharau, ko Ngā Pōtiki tēnā

I pū mai tēnei pūrākai i te koronga o ngā uri o Ngā Pōtiki ki te whakaputa i ō rātou kōrero. E whai haere ana i te ara i takahia mai e Pōtiki. Koia te wā ka tūhura nei ia i te whenua o te rohe o Mataatua, tau noa ki Tauranga Moana, ki Mangatawa pā. Ka whai kaere ngā kōrero i te tipuna nei, a Pōtiki, i a ia e rapu ana i tōna āhuru mōwai, arā, te hekenga o te iwi o Ngā Pōtiki ki Tauranga Moana. Kei roto tonu i te pakiwaitara ngā taonga i whakawhiwhia ki a Pōtiki mō ōna hāpaitanga, mō ōna āwhinatanga i ētahi atu i a ia e rapu ana i tōna whenua taurikura. 

Hei rauemi tēnei mā te kaiako, i a ia ka whakamahi i te pukapuka ki roto i ngā kura kōhungahunga, ngā kōhanga reo, ngā puna reo, rānei mā ngā pēpī, ngā tamariki nohinohi, ngā tamariki pakeke ake rānei.

Ngā kaupapa me ngā whāinga

Kia akiaki i ngā ākonga me te kaiako kia mōhio, kia mārama:

• ki te āhuatanga i pā ki tētahi iwi me ngā take i heke ai ngā iwi i ngā tau o mua
• ki ngā wero me ngā taupā i pā mai ki ngā iwi e kimi ana he whenua hou mō rātou

Mā te kaiako

He pai tēnei pukapuka mō te pānui ā-rōpū, takitahi rānei. Ko te tirohanga mō te pūrākau ko tērā o te kaikōrero. E taki ana i ngā kōrero, e tapa ana i ngā wāhi tapu, i ngā tīpuna hoki. Mā tēnei pukapuka e mōhio ai ngā ākonga ki ngā hononga o ngā tīpuna o ngā iwi i whai wāhi ki tēnei rohe i aua wā, ā, ki ō rātou uri i ēnei rā.

Tukua mā ngā tamariki anō e whakaaro;

• mō te tapa haere i ngā wāhi
• ki ngā āhuatanga i pā ki te iwi i heke mai;
• ki ngā hua i puta mō te iwi i tā tātou nōhanga ki konei

Torohia te pouaka "Mō te rauemi" ki raro nei e kitea ai ngā rauemi hāngai:

• Te-Ara-o-Pōtiki-TSM-core-resource-info.pdf
• Te-Ara-o-Pōtiki-sample-lesson-plan.pdf