Tūhuratia te Ao Hangarau

Ko te whāinga o tēnei rauemi, he āta whakaatu i te hononga o Te Marautanga o Aotearoa ki ngā hapori o waenga i te iwi Māori e kawe ake ana i ngā kaupapa hangarau. Tērā anō te hiahia ki te tāpae i ētahi tauira o ngā kawenga hangarau o ēnei rā e ngahau ana, otirā, he wero anō kei roto, hei whakatītina i ngā ākonga.

Kei roto i te kete rauemi nei ngā pukapuka e rima mā te ākonga, he kōpae ataata anō kua mahia hei hoa mō tēnā, mō tēnā. Ko tā ngā kōpae ataata, he tautoko i ngā kupu tuhituhi, he whakatakoto i ngā tauira o ngā kaupapa hangarau Māori e kawea ana i roto i ngā hapori tūturu, hei mātakitaki mā ngā ākonga.

Ko ia wāhanga o te rauemi e whakaata ana i ētahi karere matua. Ko te tino hoki o te hangarau, he whakaputa otinga e ngata ai ngā hiahia o te iwi, o te hapū, o te whānau, pērā anō i te wā ki ō tātou tūpuna. Ko te mea kua rerekē, ko ngā rawa, me te āhua o te whakamahi i ngā rawa e puta ai te otinga.