$67 miriona mō ngā aronga whakaako raupapa 

I whakaūngia e te Minita ka whakaurua he pūtea ki te Tahua 2024 ki te āwhina i ngā kaiako ki te whakamahi i ngā aronga whakaako ā-whakaaturanga, raupapa hoki. E whakapūmau ana tēnei i te koronga o te Minita kia whakamahia e ngā kura katoa ngā aronga whakaako ā-whakaaturanga, raupapa hoki. Pānuitia te pānuitanga a te Minita i konei: Transforming how our children learn to read | Beehive.govt.nz

Koinei te whakarāpopototanga o te pānuitanga a te Minita;

• He pūtea hou mō te whakangungu me te whakawhanake kaiako (PLD) i roto i ngā aronga whakaako raupapa i ngā tau e whā e heke nei.  

• He pūtea hei tautoko i ngā kura ki te hoko rauemi akomanga 

• He pūtea mō ngā tautoko tuihono, te whakahaere me te arotake i te hōtaka. 

Ko te 'aronga raupapa' mō te whakaako koia tērā ko ngā kaupapa me ngā tikanga o te whakaako. Ehara i te kaupapa tauwhāiti, engari he aronga kē e ārahi ana i te whakaakoranga. E arotahi ana ngā aronga reo matatini raupapa ki te ako pūnahanaha i ngā pū, ngā hononga pū me ngā kupu hou mā te oro, me te āta whakaako i ngā rārangi kupu, te mārama ki ngā kōrero me te tuhituhi.  

He nui ngā taunakitanga mai i ngā kura i Aotearoa i whakatinana i tētahi aronga reo matatini raupapa, e whakaatu ana te hīkina o ngā whāinga paetae te whakatikahia o te kore mana ōrite, me te whakaiti i te hiahia ki ngā pānui hāpaiora (ngā tautoko ako tāpiri).  

Tata ki te 85 ōrau o ngā kura tuatahi katoa, ka mutu tata ki te haurua o ngā kaiako kura tuatahi, kua tīmata kē ki te whakamahi i ngā aronga raupapa mō te reo matatini i roto i ā rātou mahi whakaako. E whakahaerehia ana ngā rangahau kia mārama ai te whakamahinga o ngā aronga raupapa mō te pānui me te tuhituhi mā te hunga e ako ana i roto i te reo Māori.  E whakatenatena ana mātou i ngā kaiako, i ngā kura auraki, i ngā kura kaupapa hoki kia wawe ai te toro atu ki ngā arawātea PLD i te taha o ō rātou hoa mahi. 

Ko te kaupapa o tēnei haumitanga ko te hāpai ake i te whāinga paetae ākonga me te whakarite kia ōrite i te motu whānui, e whiwhi ai ia ākonga i ngā tino arawātea kia puta ai ō rātou ihu i te mātauranga.

Mā te haere ki te paetukutuku o te PLD ka mōhio ngā kura auraki me ngā kura me pēhea te toro atu ki tēnei PLD hou PLD website.

Torohia te pouaka "Mō te rauemi" ki raro nei e kitea ai ngā rauemi hāngai:

• Structured-approaches-to-Te-Reo-Matatini-Māori.pdf
• Structured-approaches-to-Te-Reo-Matatini-English.pdf